ئومێد خۆشناو: شەقامی 100 مەتریی هەولێر نۆژەن دەکرێتەوە

 

 

ئومێد خۆشناو، پارێزگاری هەولێر ئەمڕۆ هەینی بە تۆڕی میدیایی رووداوی گوت: "قۆناخی یەکەمی نۆژەنکردنەوەی شەقامی 100 مەتریی لە دوێنێوە دەستیپێکردووە و بەردەوامە".

 

درێژی قۆناخی یەکەمی نۆژەنکردنەوەی شەقامی 100 مەتری لە چوارڕێیانی مەخموور تاوەکو چوارڕێیانی موسڵە بەدرێژی هەشت کیلۆمەتر.

 

ئومێد خۆشناو دەڵێت: "پڕۆژەکە تەنیا نۆژەنکردنەوەی هەشت کیلۆمەتر نییە، بەڵکو تەواوی شەقامی 100 مەتری لە هەر جێگەیەکیدا تێکچووبێت و پێویستی بە نۆژەنکردنەوە هەبێت نۆژەن دەکرێتەوە".

 

گوژمەی نۆژەنکردنەوەی پڕۆژەکە 3 ملیار و 500 ملیۆن دینارە.

 

ئەمڕۆ شارەوانیی هەولێر لە راگەیێندراوێکدا بڵاویکردەوە، "هەرچەند پشووی فەرمییە و هەینییە، کارکردن لە قیرتاوکردنەوەی شەقامی 100 مەتری بەشێوەیەکی خێرا بەردەوامە".

 

شەقامی 100 مەتریی هەولێر، یەکێکە لە شەقامە ستراتیژییەکانی شارەکە.