نێچیرڤان بارزانی: سلێمانی هەمیشە کاریگەرە و مایەی شانازیی گەلی کوردستانە

رۆژی هەینی، 14ی تشرینی دووەمی 2025، نێچیرڤان بارزانی، سەرۆکی هەرێمی کوردستان بەبۆنەی 241 ساڵەی بنیادنانی شاری سلێمانییەوە پیرۆزبایی لە هاونیشتمانییانی شارەکە کرد.

 

لە بەشێکی پەیامەکەدا دەڵێت: "له‌ يادى 241 ساڵه‌ى بنياتنانیدا، به‌ گه‌رمى پيرۆزبايى له‌ شارى هه‌ڵمه‌ت و قوربانى، شارى خۆشه‌ويستى سلێمانى، پایته‌ختی رۆشنبيرى، مه‌ڵبه‌ندى ئه‌ده‌ب و هونه‌ر و له‌ ته‌واوى خه‌ڵكى ئازيزى شار، ده‌كه‌م."

 

هاوکات سەرۆکی هەرێمی کوردستان سلێمانى بە "شارێکی کاریگەر" ناودەبات و رایگەیاندووە: "سلێمانی بە ناوێكى ديارى مێژووى كولتوورى و سياسيمانه، هه‌ميشه‌ كاريگه‌ر و مايه‌ى پێزانين و شانازيى گه‌لى كوردستانه‌."

 

لە کۆتایی دا نێچیرڤان بارزانی ئاماژەی بەوە کردووە کە "هيواى به‌رده‌واميى پێشكه‌وتن، گه‌شه‌سه‌ندن، ئاوه‌دانى و ئارامى بۆ سلێمانى و هه‌موو كوردستان ده‌خوازم."

 

14ی تشرینی دووەمی هەموو ساڵێک، یادی دامەزراندنی شاری سلێمانییە کە لە ساڵی 1784 لەلایەن ئیبراهیم پاشای بابان، میری ئەو کاتی میرنشینی بابانەوە بنیادنرا.

 

 

له‌ يادى 241 ساڵه‌ى بنياتنانيدا، به‌ گه‌رمى پيرۆزبايى له‌ شارى هه‌ڵمه‌ت و قوربانى، شارى خۆشه‌ويستى سلێمانى، پایته‌ختی رۆشنبيرى، مه‌ڵبه‌ندى ئه‌ده‌ب و هونه‌ر و له‌ ته‌واوى خه‌ڵكى ئازيزى شار، ده‌كه‌م. 

 

سلێمانى ناوێكى ديارى مێژووى كولتوورى و سياسيمانه‌. هه‌ميشه‌ كاريگه‌ر و مايه‌ى پێزانين و شانازيى گه‌لى كوردستانه‌. هيواى به‌رده‌واميى پێشكه‌وتن، گه‌شه‌سه‌ندن، ئاوه‌دانى و ئارامى بۆ سلێمانى و هه‌موو كوردستان ده‌خوازم.