کەشناسی: ئەمڕۆ و سبەی باران دەبارێ

 

لە راگەیێندراوەکەی کەشناسی دا هاتووە: "دوای نیوەڕۆی ئەمڕۆ لە زۆربەی ناوچەکانی هەرێمی کوردستان باران دەبارێت، پێشبینی دەکرێت هەندێک کات تاوەباران و هەورە برووسکە بێت".

 

کەشناسی دەڵێت: "هەر ئەمڕۆ هەینی لە هەندێک ناوچە ئەگەری بەرزبوونەوەی تۆز و خۆڵ؛ خۆڵ و باران هەیە، بەتایبەت لە بەشێکی سنووری پارێزگاکان هەولێر و دهۆک، ناوچە دەشتاییەکانی باشووری هەرێمی کوردستان و سنووری ئیدارەی گەرمیان".

 

"سبەی تۆزێکی سوک لە کەشدا دەبێت، هەروەها لە کاتەکانی دوای نیوەڕۆدا لە زۆربەی ناوچەکانی هەرێمی کوردستان ئەگەری بارانبارین هەیە، کە هەندێک کات بەشێوەی تاوەباران و هەورە بروسکە دەبێت". ئەوەش پێشبینی کەشناسیی هەرێمی کوردستانە بۆ کەشوهەوای سبەی شەممە.

 

د. لوقمان موفتی، شارەزای کەشناسی، ئەمڕۆ هەینی بە تۆڕی میدیایی رووداوی گوت: "هەینی و شەممە کەشوهەوا جێگیر نابێ و ئەگەری هەور و باران و چالاکبوونی خێرایی با و هەندێک تۆز و خۆڵ و بارانی قوڕاوی هەیە".

 

موفتی دەڵێت: "ئەمڕۆ کەش جێگیر نییە بۆ گەشت و سەیران، ئەوانەی دەچنە دەرەوە ئاگاداری خۆیان بن ئەگەر هەورە برووسکە هەبوو بچنە نێو ئۆتۆمبێلەکانیان و نەچنە ژێر دارەکان، چونکە ژێر دار بۆ برووسکە مەترسیدارە".

 

بەگوێرەی کەشناسیی هەرێمی کوردستان، بسبەی بەراورد بە ئەمڕۆ پلەی گەرما دوو بۆ سێ پلەی سیلزی دادەبەزێت و بەمشێوەیە دەبێت:

 

هەولێر: 28 پلەی سیلیزی 

سلێمانی: 26 پلەی سیلیزی 

دهۆک: 25 پلەی سیلیزی

هەڵەبجە: 28 پلەی سیلیزی

کەرکووک: 30 پلەی سیلیزی

پیرمام: 25 پلەی سیلیزی

سۆران: 25 پلەی سیلیزی 

حاجی ئۆمەران: 14 پلەی سیلیزی 

چەمچەماڵ: 29 پلەی سیلیزی

گەرمیان: 35 پلەی سیلیزی