لە رۆڤیا ئاگر لە موەلیدەیەک کەوتەوە و کەسێک گیانی لەدەستدا

رۆژی یەکشەممە، 15ـی حوزەیرانی 2025، مەنهەل موەفەق، بەڕێوەبەری ناحیەی رۆڤیا لە سنووری پارێزگای دهۆک بە تۆڕی میدیایی رووداوی راگەیاند: "ئەو کەسەی گیانی لەدەستداوە کارپێکەری موەلیدەکە بووە، لەکاتی تێکردنی گاز، موەلیدە ئاگری گرتووە و ئەویش سووتاوە."

 

بە گوتەی مەنهەل موەفەق، 100٪ـی جەستەی سووتابوو، بۆیە راستەوخۆ گیانی لەدەستدا.

 

ئەو کوڕەی گیانی لەدەستداوە ناوی فایەق کەمالە و دانیشتووی گوندی بەردەسوورە، تەمەنی 20 ساڵ و خێزاندار بوو.