پۆلیسی گەرمیان: بەهۆی وەرگەڕانی ئۆتۆمبێلێک، گەنجێک گیانی لەدەستدا

 

 

ئەو سەرنشینەی گیانی لەدەستداوە لەدایکبووی ساڵی 2003 بووە و دانیشتووی قەزای کەلار بووە، شۆفێری ئۆتۆمبێلەکەش بە سووکی برینداربووە.

 

بەمەبەستی توێکاری تەرمی ناوبراو رەوانەی پزیشکی دادوەریی کەلار کراوە، شۆفێری ئۆتۆمبێلەکەش بە بڕیاری دادوەر و بەپێی ماددەی 24ی هاتووچۆ بەندکراوە.

 

پێشتر و هەر ئەمڕۆ پێنجشەممە 15ی تشرینی یەکەم لە نزیک ناحیەی باوەنوور، بەهۆی رووداوێکی هاتووچۆ لەنێوان دوو ئۆتۆمبێل لە جۆرەکانی ئۆپڵ و نیسان مینی پاس، سێ کەس برینداربوون، برینی یەکێکیان سەخت بووە و رەوانەی نەخۆشخانەی سلێمانی کراوە.

 

رووداوی هاتووچۆکەی نزیک ناحیەی باوەنوور، بەهۆی تێپەڕاندنی هەڵەی هەردوو ئۆتۆمبێلەکەوە بووە. لێکۆڵینەوەش لە رووداوەکە لەلایەن تیمی هاتووچۆی ناحیەی باوەنوورەوە دەستیپێکردووە.