پیاوێکی بەساڵاچووی خەڵکی پاوە نابینایە و بەرگدرووی دەکات

ئەو باس لەوە دەکات، بە هۆی بە ساڵاچوونی خەڵک کەمتر سەردانی دەکەن و ئێستا وەک و پێشتر کاری نییە.

خاڵو عەلی لە منداڵییەوە چاوی راستی لە دەستداوە و لە تەمەنی 7 ساڵی دەستی بە کاری بەرگدرووی کردووە و لە تەمەنی 24 ساڵی بە هۆی ساچمە چاوی چەپیشی لە دەست دەدات.

ئەو دەڵێت؛ ئەوە نەبووە رێگر لەبەردەم کار کردنەکەی و باشتر لە جاران کاری خۆی کردووە.

بەپێی دوایین ئامار کە رۆژی 13ی تشرینی یەکەمی ئەم ساڵ بڵاوکراوەتەوە، لە ئێران و رۆژهەڵاتی کوردستان 254 هەزار و 515 نابینا هەن کە 93 هەزار و 26 کەسیان ژن و 161 هەزار و 489 کەسیشیان پیاون.