لە کۆیە بە درۆن هێرشکرایە سەر کەمپەکانی پەنابەرانی رۆژهەڵاتی کوردستان

 

 

هێرشەکە کاژێر 13:15 خولەکی ئەمڕۆ دووشەممە 16-03-2026 کراوەتە سەر کەمپەکانی حیزبی دیموکراتی کوردستانی ئێران (حدکا) لە قەزای کۆیە.

 

سەرچاوەیەکی ئاگادار لە کەمپی ئەمیرییەی حدکا بە تۆڕی میدیایی رووداوی راگەیاند، هێرشەکە بە درۆنێک کراوە و لە نزیک گۆڕستانی شەهیدان (دیموکرات) و فێرگەی کۆنی حیزبەکە کەوتووەتە خوارەوە.

 

بە گوتەی ئەو سەرچاوەیە، ئەو فێرگەیە لەمێژە چۆڵە و هێرشەکە هیچ زیانێکی گیانیی لێنەکەوتووەتەوە.

 

لە 28ی شوباتەوە و لە دەستپێکی جەنگی ئەمریکا و ئیسرائیلەوە دژی ئێران، هەرێمی کوردستان بە زیاتر لە 300 درۆن و مووشەک کراوەتە ئامانج.