لە ئیلام دوو کەس بە رووداوی هاتووچۆ گیانیان لەدەستدا

رووداوەکە شەوی سێشەممە، 15ـی نیسانی 2025، لەسەر رێگەی نێوان شارەکانی ئاودانان و سەراو لە پارێزگای ئیلام بووە.

 

بەپێی زانیارییەکان، لە رووداوەکەدا دوو ئۆتۆمبێلی تایبەت لە جۆری پراید و نیسان پێکیانداداوە و بەهۆیەوە دوو هاونیشتمانی گیانیان لەدەستداوە. هەروەها بەهۆی رووداوەکەوە، کەسێکیش بریندار بووە.

 

بەپێی راپۆرتی دادپزیشکیی ئیلام، لە 21-03-2024ـەوە تاوەکو 21-03-2025، واتە لە ماوەی ساڵێکدا 147 کەس بە رووداوی هاتۆچوو لەو پارێزگایە گیانیان لەدەستداوە.