وەزیری گواستنەوە و گەیاندن: گەشتەکانی هەردوو فڕۆکەخانەی هەولێر و سلێمانی دەستیان پێکردەوە

وەک ئانۆ جەوهەر دەڵێت، ئەو گەشتیارانەی لە هەردوو فڕۆکەخانەی هەولێر و سلێمانی گەشتەکانیان دواکەوت، دەبێت پەیوەندی بەو کۆمپانیایەوە بکەن کە گەشتەکەی بۆ رێکخستوون بۆ دووبارە رێکخستنەوەی گەشتەکانیان. 

 

لەبارەی هۆکاری راگرتنی گەشتەکان بۆ چەند کاژێرێک، رەنجە جەمال، پەیامنێری رووداو لە هەولێر دەڵێت، بەهۆی راهێنانی سەربازیی بووە لە ناوچەکەدا، بەڵام ناوی هاوپەیمانان نەهێنرابوو. 

 

کۆمپانیاکانی گواستنەوە گەشتیارانیان ئاگادارکردووەتەوە، بەگوتەی رەنجە جەمال کە گەشتیاران دەتوانن لە گەشتەکانی داهاتوودا گەشت بکەن یان پارەکانیان وەربگرنەوە.