ئەمینداری یەکگرتوو دەڵێت، بڕیارەکەی هەسەدە و مەرسومەکەی شەرع 'جێی دەستخۆشین'

 

 

سەلاحەدین بەهادین، ئەمینداری یەکگرتووی ئیسلامیی کوردستان رایگەیاند، "پاش ئەو ئاوارەیی و ستەمەی ئێخەی گەڕەکی شێخ مەقسوود و ئەشرەفییەی گرتەوە لە حەلەب، سێ پێشهاتی ئەرێنی روویدا کە جێگەی دەستخۆشی و نرخاندنن."

 

 

‏- بڕیاری (خۆسەر)ی [بەڕێوەبەرایەتی خۆسەر لە باکوور و رۆژهەڵاتی سووریا] بۆ راگرتنی جەنگ و کشانەوە.

 

- مەرسوومی [ئەحمەد شەرع] سەرۆکی [کاتیی] سووریا سەبارەت بە پێگەی کورد ومافەکانی.

 

- ‏جووڵەی دیپلۆماسی و دیداری راستەوخۆ.

 

راگەیێندراوەکەی ئەمینداری گشتیی یەکگرتوو دوای ئەوە دێت، لە 6ی ئەم مانگەدا سوپای عەرەبیی سووریا پەلاماری هەردوو گەڕەکی شێخ مەقسوود و ئەشرەفییەی حەلەبی دا، وێڕای کشانەوەی هێزەکانی سووریای دیموکرات بە فەرمی، هێرشەکانی ئەو سوپایە دژی ناوچەکانی ژێر دەسەڵاتی بەڕێوەبەرایەتیی خۆسەر بەردەوامە و رانەگیراوە.