هاوژینی محەممەد ماملێ کۆچی دوایی کرد

 

 

وریا ماملێ، کوڕی هونەرمەندی کۆچکردوو محەممەد ماملێ لە هەژماری تایبەتی خۆی لە تۆڕی کۆمەڵایەتی فەیسبووک، کۆچی دواییکردنی دایکی راگەیاندووە و نووسیویەتی: "دایکم (ئامین مەولوودیان) هاوژینی خوالێخۆشبوو هونەرمەند محەممەدی ماملێ، کاژێر 3ی سەرلەبەیانی بە کاتی مەهاباد، ئەمڕۆ پێنجشەممە رێکەوتی (30ی ڕێبەندانی 1399بەرانبەر بە 18-2-2021) کۆچی دوایی کرد.

 

ئامین مەولوودیان کچی محەممەد مەولوودیانە کە ناسراوبوو بە "حەمەدی مەولوودە چرچی‌" و یەکێکبوو لە ئەفسەرە بەناوبانگەکانی کۆماری کوردستان.

 

ئامینەخان تاوەکو پۆلی چواری سەرەتایی خوێندووە و  دوو جار هاوسەرگیری کردووە. یەکەمجار ساڵی 1951 لەگەڵ ئەسعەدی خودایار هاوسەرگیری کردووە و  کوڕێک و کچێک بەرهەمی ژیانیان دەبێ بە ناوەکانی "سولەیمان خودایار" و "رووناک مەولوودیان-خودایار".

 

لە پاش مەرگی ئەسعەدی خوادیار،  لە ساڵی 1964 ئامینە خان لەگەڵ هونەرمەند محەممەد ماملێ هاوسەرگیری دەکات،. کچێک و چوار کوڕیش بەرهەمی ژیانیان دەبێ بە ناوەکانی شەهیدی لە سێدارەدراو عەبدولڕەحیم (نەجات)، شەونم، وریا، چالاک و چیا.