گوڕی بوومەلەرزەکەی سنووری سلێمانی و هەڵەبجە 3.8 بوو

 

 

بەگوێرەی زانیارییەکانی رووداو، لە سەنتەری شارەکانی سلێمانی، هەڵەبجە، سەیدسادق، زەڕایەن، پێنجوێن و چەند ناوچەیەکی دیکە هەستیپێکراوە.

 

محەممەد کەمال، شارەزای کەشناسی و بوومەلەرزەزانی بە تۆڕی میدیایی رووداوی گوت: "پلەکەی 3.8 بووە لە قوڵایی 17 کیلۆمەتر لە قەزای خوورماڵ لە نزیک گوندی بانیشار لە پارێزگای هەڵەبجە روویداوە".

 

بەگوێرەی ئاماری بەڕێوەبەرایەتی کەشناسی و بوومەلەرزەزانیی هەرێمی کوردستان، مانگی رابردوو 56 بوومەلەرزە لە هەرێمی کوردستان روویانداوە.