سەرچاوەیەک: ئەو کچەی لە هەولێر لەسەر ماتۆڕسکیلێک سەمای دەکرد، دەستگیر کرا
رووداو دیجیتاڵ
بەرپرسێکی باڵای پارێزگای هەولێر دەڵێت، ئەو کچەی لە شەقامەکانی هەولێر لەسەر ماتۆڕسکیلێک سەمای دەکرد، دەستگیر کراوە و رێکاری یاسایی بەرامبەر دەگیرێتەبەر.
دوو رۆژە گرتەیەکی ڤیدیۆیی لە تۆڕە کۆمەڵایەتییەکان بڵاوبووەتەوە، تێیدا کچێک لەگەڵ ماتۆڕسوارێک بە شەقامەکانی هەولێردا دەسووڕێتەوە و سەما دەکات، ئەوەش کاردانەوەی زۆری لێکەوتووەتەوە.
رۆژی دووشەممە 18ی ئابی 2025، بەرپرسێکی باڵای پارێزگای هەولێر بە تۆڕی میدیایی رووداوی راگەیاند، "ئەمڕۆ پۆلیسی هەولێر ئاگادارکرایەوە کە رێکاری یاسایی بەرامبەر ئەو کچە بگیرێتەبەر. دوای ئەوەی پۆلیس لێکۆڵینەوەی لە بابەتەکە کرد، نیوەڕۆی ئەمڕۆ دەستگیر کرا."