کارەبا سێ کارمەندی کارەبای هەولێر دەگرێت

 

ئەمڕۆ سێشەممە، وەزارەتی کارەبای هەرێمی کوردستان لە راگەیێندراوێکدا بڵاویکردەوە: "سێ کارمەندی بەڕێوەبەرایەتیی دابەشکردنی کارەبای هەولێر 1، لەکاتی کارکردنیان لە چاککردنەوەی فیدەری 17 رۆژئاوا، بەهۆی تەزووی کارەباوە بە سەختی بریندار بوون".

 

رووداوەکە دوێنێ روویداوە؛ ئومێد خۆشناو، پارێزگاری هەولێر لە راگەیێندراوێکدا رایگەیاند، لە تەندروستیی بریندارەکانی پرسیوە و ئامادەیی هەموو هاوکاری و ئاسانکارییەکی بۆ چارەسەرکردنیان پێشانداوە کە لە هەر شوێنێک پێویستیان بە چارەسەر هەبێت رەوانەی ئەو شوێنە دەکرێن.

 

لە هەرێمی کوردستان تیمەکانی چاککردنەوەی کارەبا سەر بە بەشی خزمەتگوزاریی وەزارەتی کارەبان.

 

لە سنووری نێو شاری هەولێر، 29 تیمی جیای چاککردنەوەی کارەبا هەن و رۆژانە کاروباری هاونیشتمانییان رایی دەکەن.