وەزارەتی پەروەردە: پێنج نمرە دەدرێتە قوتابیانی 12ـی ئامادەیی بۆ بەشداربوون لە تاقیکردنەوە گشتییەکان

 

بڕیارەکە ئەمڕۆ سێشەممە، 20-02-2024ـی دەرکراوە و واژۆی ئالان حەمەسەعید، وەزیری پەروەردەی لەسەرە و ئاماژە بەوە کراوە، هەموو بەشەکانی 12ـی ئامادەیی دەگرێتەوە.

 

تریفە محەممەد، بەڕێوەبەری پەروەردەی رۆژهەڵاتی سلێمانی بە تۆڕی میدیایی رووداوی گوت، "بڕیارەکە تەنیا بۆ بەشداربوونە لە تاقیکردنەوە وزارییەکان و پەیوەندی بە تاقیکردنەوەکانی کۆتایی ساڵەوە نییە".

 

بەڕێوەبەری پەروەردەی رۆژهەڵاتی سلێمانی گوتی، بڕیارەکە بەجۆرێکە، ئەگەر قوتابییەک لە سێ وانەدا بکەوێت و لە وانەیەکیشدا پێویستی بە پێنج نمرە بێت، ئەوە بەشداری تاقیکردنەوەکان دەکات. 

 

بڕیارەکە لە کاتێکدایە، خوێندنی ساڵی 2023 – 2024 لە 13ـی ئۆکتۆبەری پارەوە دەستیپێکردووە و لە پارێزگاکانی هەولێر و دهۆک و ئیدارەکانی ناوچەکە خوێندن ئاسایی بووە، بەڵام لە سنووری پارێزگاکانی سلێمانی و هەڵەبجە خوێندن لەکاتی خۆیدا دەستیپێنەکرد.

 

بەڕێوەبەری پەروەردەی رۆژهەڵاتی سلێمانی گوتی، بڕیارەکە بەجۆرێکە، ئەگەر قوتابییەک لە سێ وانەدا بکەوێت و لە وانەیەکیشدا پێویستی بە پێنج نمرە بێت، ئەوە بەشداری تاقیکردنەوەکان دەکات.