وردەکاریی کوژرانی دوو هاوژین لە بەعقووبە بە دەستڕێژی گولـلە

 

حوسێن و مەروە لە ماڵەوە بوون لە گەڕەکی تەحریر لە رۆژهەڵاتی بەعقووبە.

 

بەگوتەی دراوسێکانیان کە نەیانویست بۆ کامێرا قسە بکەن، هاتبوون خانووەکەیان پاکبکەنەوە کە هێشتا نەهاتبوونە ناو خانووەکە، چەند چەکدارێک تەقەیان کردووە و دواتر رۆشتوون. 

 

حوسێن کەریم کە تەمەنی 47 ساڵە، پۆلیسی کۆمەڵایەتی بوو لە پارێزگای دیالە؛ مەروەی هاوژینی تەمەنی 42 ساڵ بوو. ئەوان سێ منداڵی 14 ساڵ و 12 ساڵ و 8 ساڵیان لەدوای خۆیان بەجێهێشتووە. 

 

حوسێن و مەروە هاتبوون خانووە نوێیەکەیان پاکبکەنەوە، منداڵەکانیان لە ماڵەوە بەجێهێشتبوو. 

 

کەسوکارەکەیان هۆکاری کوشتنی حوسێن و مەروە نازانن و تاوەکو ئێستاش سکاڵایان لەسەر کەس تۆمار نەکردووە.

 

پۆلیسی دیالە لێکۆڵینەوەی دەستپێکردووە، تاوەکو ئامادەکردنی ئەم راپۆرتە کەس لەسەر رووداوەکە دەستگیر نەکراوە.