پێشبینی دەکرێ لە باکووری کوردستان بەفر و باران ببارێ

 

بەڕێوەبەرایەتیی گشتیی کەشناسیی تورکیا پێشبینییەکانی کەشوهەوای تورکیا و باکووری کوردستانی بڵاوکردەوە و رایگەیاند، رۆژی دووشەممە، 20ـی نیسانی 2026، لە پارێزگاکانی ئەرزەڕۆم، ئەرزینگان و قەرس لە باکووری کوردستان بەفر دەبارێ. 

 

وەک لە راگەیێندراوەکەدا هاتووە، پێشبینی دەکرێ لە پارێزگاکانی رووها، ئامەد، دیلۆک، سەمسوور، مێردین، ئێلیە و سێرت لێزمەباران و هەورە برووسکە هەبێ. نمەبارانیش لە تەواوی 14 پارێزگاکانی دیکەی باکووری کوردستان بەشێوەی پچڕ پچڕ دەگرێتەوە. 

 

بەگشتیی ئەگەری لافاو لە پارێزگاکانی رووها، ئامەد، دیلۆک، سەمسوور، ئێلیە‌، مێردین و سێرت دەبێت. 

 

بەڕێوەبەرایەتیی گشتیی کەشناسیی تورکیا ئەوەشی خستەڕوو، لەو 3 پارێزگایانەی بەفر تێیاندا دەبارێ پلەی گەرما دادەبەزێ.