دایک و کچێک لە کرماشان لە رووداوێکی هاتووچۆدا گیانیان لەدەستدا

 

ئەمڕۆ دووشەممە، 20ی تشرینی یەکەمی 2025، سولێمان موحبی، بەڕێوەبەری پەروەردەی کرماشان رایگەیاند: "لە رووداوێکی هاتووچۆدا لە شەقامی سەرابیانی کرماشان، دایکێک و کچەکەی کە قوتابی پۆلی 9 بوو، گیانیان لەدەستدا و دوو قوتابی دیکەش برینداربوون."

 

سولێمان موحبی گوتی: "ئۆتۆمبێلەکە تایبەت بووە و ژنەکە کچەکەی خۆی و دوو قوتابی دیکەی بۆ قوتابخانە بردووە و لە رێگەدا تووشی رووداوەکە بوون."

 

بە گوتەی سولێمان موحبی، دوو بریندارەکە بۆ نەخۆشخانەی کرماشان گوێزراونەتەوە و چارەسەر وەردەگرن.

 

بەپێی ئاماری دادپزیشکیی ئێران، لە 21-03-2024 تاوەکو 21-03-2025 لانیکەم 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.