کچە کوردێک لە پێشبڕکێی راکردن لەسەر ئاستی ئێران دووەم بوو

 

ئەمڕۆ دووشەممە، 20ی تشرینی یەکەمی 2025، ئەنوەر فەتحی، لە مەریوان بە رووداوی راگەیاند: "هانیە فەتحی تەمەن 13 ساڵ لە پێشبڕکێی راکردن لە سەر ئاستی ئێران توانی پلەی دووەم بە دەست بهێنێت."

 

مەودای پێشبڕکێکە 400 مەتر بووە، ئەنوەر فەتحی گوتی، "هانییە توانیویەتی لە ماوەی یەک خولەک و 13 چرکە ئەو مەودایە ببڕێت."

 

بە گوتەی ئەنوەر فەتحی، هانییە دوو ساڵە ئەو وەرزشە دەکات و لە چەند پێشبڕکێیەکی دیکە بەشداری کردووە و لەسەر ئاستی پارێزگای سنەش پلەی یەکەمی بە دەستهێناوە.