لە زاخۆ خۆپێشاندانێکی گەورە دژی هێرشەکانی ئێران بۆسەر هەولێر بەڕێوەدەچێت

 

لەکاتی خۆپێشاندانەکەدا، هاونیشتمانیان بە بەرزکردنەوەی ئاڵای کوردستان، درووشم بە زمانەکانی کوردی و فارسی و گوتنەوەی سروودی نیشتمانی بەشدارییان کرد. هاوکات مامۆستایانی ئایینی و نوێنەرانی پێکهاتە و ئایینە جیاوازەکان بەشدارییان لە خۆپێشاندانەکەدا کرد.

 

لەسەر ئەو سەکۆیەی بۆ بەڕێوەبردنی خۆپێشاندانەکە ئامادە کرابوو، وێنەی پێشڕەو دزەیی و ژینەی کچی دانران، هەروەها درووشمی، "ئێوە دەتوانن بمانکوژن، بەڵام ناتوانن ئیرادەمان لەناوببەن"یان بەرزکردەوە و نووسیویشیانە، "شەهیدکردنی ژن و منداڵان هیچ شانازیی تێدا نییە و پشتمان بە خودا قایمە و خودا لە هەموو زاڵمێک بەهێزترە."

 

لە خۆپێشاندانەکەدا، تاجە گوڵینەی رێزلێنان لەسەر ئەو سەکۆیەی بۆ خۆپێشاندانەکە ئامادە کرابوو، لەلای وێنەی پێشڕەو دزەیی و منداڵەکەی دانرا. هەروەها چەند کەسێک گوتاریان پێشکێش کرد.