کرێکارێک لە سلێمانی کارەبا گرتی و گیانی لەدەستدا

 

 

چالاک رەوف، سەرۆکی سەندیکای کرێکارانی کوردستان بە تۆریی میدیایی رووداوی راگەیاند، "بەیانیی رۆژی چوارشەممە لە گەڕەکی راپەڕینی سلێمانی کرێکارێک بەناوی یەعقوب محەممەد، کە کاری بۆیاخکردنی کردووە لە باڵەخانەیەک و لەکاتی کارکردن کارەبا گرتوویەتی و گیانی سپاردووە".

 

سەرۆکی سەندیکای کرێکاران بە رووداوی گوت، ئەو کرێکارە خەڵکی هەولێرە و باوکی یەک منداڵ بووە و سەربەخۆ کاری کردووە؛ رووداوەکە لە پڕۆژەی نیشتەجێبوون یان وەبەرهێنان نەبووە.

 

تەرمی کرێکارەکە براوەتە پزیشکی دادی سلێمانی و دوای رێکارەکان رادەستی کەس و کاری کراوەتەوە.