دوای سێ رۆژ لە هەوڵ و گەڕانی بەردەوام، دواجار تەرمی بڕوا جەزا، ئەو گەنجە 24 ساڵەی لە چەمی شاخەسوور لە ناوچەی شارباژێڕ خنکا، لەلایەن تیمەکانی بەرگریی شارستانی و خەڵکی ناوچەکەوە دۆزرایەوە
لە ماڵێکی شاری سلێمانی، پیرەمێردێکی تەمەن 71 ساڵ لە لێواری پەنجەرەی ماڵەکەیدا چاوەڕوانی هەواڵێکە کە 6 مانگە پێی نەگەیشتووە. حوسێن تۆفیق، ئەو باوکە جەرگ سووتاوەیە کە کوڕە بچووکەکەی کەوتووەتە نێو تەمومژێک و لەبەرچاوی ونبووە، ئێستا تەنیا حەسرەت و وێنەکانی بۆ ماوەتەوە
چوار رۆژە شەڕی ئەمریکا و ئیسرائیل لەگەڵ ئێران وەستاوە، بەڵام لە ماڵێکی گەڕەکی بەختیاریی سلێمانی کە درۆنی بەرکەوتووە، هێشتا دەنگی تەقینەوە و کڵپەی ئاگرەکە لە گوێی منداڵەکانیدا دەزرنگێتەوە. کچە گەورەی ماڵەکە، کە پۆلی 12یە، ترسی درۆنەکە داهاتووی خستووەتە ژێر نیشانەی پرسیارەوە
ئەمجارە نەوت یەخەی بازاڕی ئاوی گرتووە؛ لە هەرێمی کوردستان تینوێتی تێچوویەکی زیاتری دەوێت، بەڵام کێشەکە نە لە سەرچاوەکانی ئاوە و نە لە کارگەکانی پاڵاوتن، بەڵکو هەموو هۆکارەکە لەناو دەبەیەکی پلاستیکیدا کۆبووەتەوە.
بەهۆی لافاو و بارانی بەخوڕی چەند رۆژی رابردووەوە، پردی "زەرزی" لە ناوچەی چەمی رەزان رووخا. ئەمە چوارەمین جارە لە ماوەی 5 ساڵدا ئەو پردە بەهۆی لافاوەوە دەڕووخێت، بەوەش هاتووچۆی نێوان چەمچەماڵ و دووکان پەکیکەوتووە و گەشتیار و دانیشتووانی ناوچەکە ناچارن رێگەی دوورتر بەکاربهێنن
بەهۆی شەپۆلەکانی بارانبارین و دروستبوونی لافاوەوە، زیاتر لە پێنج پرد لە سنووری پارێزگاکانی سلێمانی و هەڵەبجە و ئیدارەکانی گەرمیان و راپەڕین رووخاون، یەکێک لەوانەش پردی زەرزییە لە چەمی رەزان کە هاتووچۆی نێوان چەمچەماڵ و دوکانی پەکخستووە.
بارانی بەخوڕ و لافاو، برینێکی قووڵی لە جەستەی رێگەوبانەکانی هەرێمی کوردستان جێهێشتووە. مانگێکە لافاو و بارانی بەخوڕ، رێگەی سماقوڵیی پڕ کردووە لە چاڵ. بەڕێوەبەرانی رێگەوبانیش دەڵێن، "ئەگەر پارە هەبێت چاکی دەکەین."
بەیانیی ئەمڕۆ یەکشەممە (1-2-2026)، ژنە کرێکارێکی تەمەن 30 ساڵ لە کاتی کارکردن دا لە کارگەیەکی ئاو لە قەزای شارەزوور، لە بەرزییەوە کەوتە خوارەوە و بەو هۆیەوە خۆی و کۆرپەکەی نێو سکی گیانیان لەدەستدا.
نزیکەی مانگێک دوای لافاوەکەی چەمچەماڵ، هێشتا چیرۆکە خەمناکەکانی بەردەوامن، سەرەڕای ئەوەی بەشێکی خەڵک ماڵیان چوو و هیچیان بۆ دەرنەچوو، بەڵام هەندێک لەوانە سەر و ماڵیان چووە و ئیدی ژیانیان بە یەکجاری گۆڕاوە، چونکە سەرچاوە و بژێوییان لەدەستداوە، خەمێكی قووڵیش سەردڵی گرتوون کە نەبوونی سۆزی گەرمی دایک و بەجێهێشتنی چوار منداڵە
لە ناحیەی شۆڕش، پیاوێک دوای 8 ساڵ بێسەروشوێنبوون، گەڕایەوە نێو خێزانەکەی. سەرکەوت محەممەد کە بەهۆی نەخۆشیی دەروونییەوە چووبووە بەغدا، ئێستا بە برینداری و جەستەیەکی ماندووەوە گەڕاوەتەوە و تەنانەت نازانێت لە کوێ بووە.
