دەنگێکی گەورە لە باڵەکایەتی بیسترا

 

دەنگ و لەرزینەکە کاژێر 21:45 خولەک بووە و تەنیا لەو دوو شارەدێیە هەستی پێکراوە و لە قەزاکانی سۆران و چۆمان هەستی پێ نەکراوە. 

 

شاخەوان حوسێن، بەڕێوەبەری شارەدێی قەسرێ بە تۆڕی میدیایی رووداوی راگەیاند، دەنگێکی بەرز لە سنووری قەسرێ و وەرتێ بیستراوە. گوتیشی دەنگەکە زۆرتر لە زینی وەرتێ نزیک بووە و نازانرێت دەنگ و لەرزینەکە چی بووە. 

 

چەند هاونیشتمانییەکی وەرتێش بە رووداویان راگەیاند، لەرزینەکە بە ئاستێک بووە "لە شێوەی بوومەلەرزەیەکی بەهێز" و لە سەنتەری شارەدێی وەرتێ و گوندەکانی دەوروبەری هەستی پێ کراوە.