لە گەرمیان گەنجێک لە ئاودا خنکا

 

 

عەقید عەلی جەمال قدووری، گوتەبێژی پۆلیسی گەرمیان بە تۆڕی میدیایی رووداوی گوت، "گەنجەکە لەدایکبووی 2011یە و دانیشتووی گوندی گلەیی سەر بە قەزای خانەقینە".

 

ئەو گەنجە لە چەمی گوندی دەکە لەکاتی مەلەکردندا خنکاوە و دواتر تەرمەکەی براوەتە دادپزیشکی کەلار.

 

لەگەڵ هاتنی وەرزی گەرمادا رووداوەکانی خنکان لە ئاودا زیاد دەبن. شەممە و یەکشەممە لە دوو رووداوی جیادا دوو کەس لە سنووری ئیدارەی سۆران لە ئاودا خنکان.

 

ئەم ساڵ تاوەکو 10ـی ئەم مانگە، 24 کەس لە هەرێمی کوردستان لە ئاودا خنکاون.