پێنج حیزبی رۆژهەڵاتی کورستان هاوپەیمانییەکیان پێکهێنا

 

 

ئەمڕۆ یەکشەممە 22ی شوباتی 2026، محەممەد نەزیف قادری، ئەندامی دەستەی کارگێر و بەرپرسی شاندی حیزبی دیموکراتی کوردستانی ئێران بە (رووداو)ی راگەیاند، هاوپەیمانییەتییەکیان لە ژێر ناوی هاوپەیمانی هێزە سیاسییەکانی کوردستانی ئێران پێکهێناوە.

 

محەممەد نەزیف قادری گوتی، "پاش تاوتوێکردنی دۆخی رۆژهەڵاتی کوردستان و ئێران لەگەڵ لایەنە سیاسییەکان بە بەشداری بەرپرسی یەکەمی هەر 5 لایەنەکە بڕیاری پێکهێنانی هاوپەیمانییەتییەکە دراوە."

 

ئەو پێنج لایەنەی هاوپەیمانییەکەیان پێکهێناوە پێکدێن لە حیزبی دیموکراتی کوردستانی ئێران، پارتی ژیانی ئازاد (پژاک)، پارتی ئازادی کوردستان (پاک)، کۆمەڵەی زەحمەتکێشانی کوردستان و سازمانی خەباتی کوردستانی ئێران.

 

ئەو بەرپرسەی حیزبی دیموکرات گوتی، "کاژێر 5 ئێوارەی ئەمڕۆ راگەیێندراوێک لە بارەی پێکهێنانی هاوپەیمانییەکە بڵاودەکرێتەوە."