وەزارەتی کشتوکاڵ و سەرچاوەکانی ئاو: بەنداوی دەربەندیخان سەرڕێژ بوو

 

کۆچەر جەمال، بەڕێوەبەری بەنداوی دووکان بە رووداوی گوت، "بەنداوی دووکان هێشتا سەرڕێژ نەبووە و ماویەتی؛ بەڵام لە سەرەتای ئەم ساڵەوە 17 مەتر ئاوی زیاد کردووە؛ دۆخی بەنداوەکەش باشە."

 

هەروەها فەرهاد محەممەد، بەڕێوەبەری بەنداوەکانی دهۆک، بە رووداوی راگەیاند، "بەنداوی دهۆک تەنیا 4 مەتری ماوە تاوەکو سەرڕێژ بێت، بەڵام بەنداوەکان بووژانەوەیەکی باشیان بەخۆیانەوە بینیوە."

 

بەنداوی دهۆک 52 ملیۆن مەتر سێجا ئاو دەگرێت. بەڕێوەبەری بەنداوەکانی دهۆک گوتی، "41 ملیۆن و 500 هەزار مەتر سێجا ئاوی تێدایە و لە سەرەتای ئەم ساڵەوە 6 مەتری زیاد کردووە؛ هەروەها سێ بەنداوی مامناوەندیش سەرڕێژ بوون کە بریتین لە خنس، بێدۆهی و کەشکان."

 

بەشێک لە بەنداوە بچووکەکانی هەرێمی کوردستان بریتین لە (جەلی، دێگەڵە، چەمرگە، ئاقووبان، حەمامۆک، بەشێک لە بەنداوە بچووکەکانی هەرێمی کوردستان بریتین لە (جەلی، دێگەڵە، چەمرگە، ئاقوبان، حەمامۆک، بەستۆرە و شیوە سوور) لە هەولێر؛ (دێوانە، ئاوەسپی، باوەشوار، حەسەن کەنووش، چەمی سمۆر و قادر کەرەم) لە سلێمانی؛ هەروەها (خنس، بێدۆهی و کەشکان) لە دهۆک، کە زۆرینەیان بۆ ئاودێری و حەوزی ماسی سوودیان لێوەردەگیرێت.

 

لە هەفتەی رابردووەوە شەپۆلێکی بەفر و باران هەرێمی کوردستانی گرتەوە و بەپێی پێشبینییەکانی کەشناسان، تاوەکو کۆتاییی هەفتە بەردەوام دەبێت.