لە بەردەڕەش ژنێک بە رووداوی هاتووچۆ گیانی لەدەستدا

 

رۆژی پێنجشەممە، 22ـی ئایاری 2025، عەقید عارف یونس، بەڕێوەبەری پۆلیسی بەردەڕەش بە تۆڕی میدیایی رووداوی راگەیاند، نیوەڕۆی ئەمڕۆ رووداوێکی هاتووچۆ لەسەر رێگەی بەردەڕەش- بەنین- دارەتوو روویدا، بەو هۆیەوە ژنێکی 45 ساڵان بە ناوی (ب، س، ف) گیانی لەدەستدا و کەسێکیش بریندار بوو.

 

بەڕێوەبەری پۆلیسی بەردەڕەش گوتی: "شۆفێری سەرپێچیکار مێرمنداڵێکی 16 ساڵ بووە بە ناوی (ک، ک، م) کە مۆڵەتی شۆفێری نییە و خۆی کێشاوە بە ئۆتۆمبێلێکی دیکەدا کە دوو کەسی تێدا بوو."

 

عەقید عارف یونس ئاماژەی بەوەدا، مێرمنداڵەکە راگیراوە، لێکۆڵینەوەش لە رووداوەکە بەردەوامە.