کەشناسی: ئەمشەو شەپۆلی بەفر و باران کۆتایی دێت

 

بە گوێرەی راگەیێندراوی کەشناسی هەرێمی کوردستان، "ئەمڕۆ باران دەبارێت و هەندێک کات باران و بەفر تێکەڵ دەبن؛ پێشبینی دەکرێت لە زۆربەی ناوچەکان بەفر ببارێت و شەو کەش ئاسایی دەبێتەوە".

 

لەبارەی کەشوهەوای سبەیەوە کەشناسی رایگەیاندووە، ئاسمان پەڵەهەور و نیمچەهەور دەبێت.

 

د. لوقمان موفتی، شارەزای کەشناسی، رۆژی هەینی بە تۆڕی میدیایی رووداوی گوت: "دوای نیوەڕۆی ئەمڕۆ شەپۆلی بەفر و باران لە هەولێر و دەوروبەری کۆتایی دێت و دواتر ناوچەکانی دیکە، بەگشتی ئەمڕۆ لە هەموو ناوچەکەمان کەش ئاسایی دەبێتەوە".

 

ئەو شارەزایەی کەشوهەوا لەبارەی پلەی گەرماوە دەڵێت: "شەوان هەر سارد دەبێ، بەڵام لە سبەیەوە رۆژانە یەک بۆ دوو پلەی سیلیزی بەرز دەبێتەوە تاوەکو چوارشەممە بە گشتی بەراورد بە ئەمڕۆ پلەی گەرما نزیکەی شەش پلە بەرز دەبێتەوە".

 

 

هەولێر: 5 پلەی سیلیزی

سلێمانی: 4 پلەی سیلیزی

هەڵەبجە: 4 پلەی سیلیزی 

دهۆک: 5 پلەی سیلیزی

پیرمام: 2  پلەی سیلیزی

سۆران: 1  پلەی سیلیزی

حاجی ئۆمەران: -4 پلەی سیلیزی     

چەمچەماڵ: 6 پلەی سیلیزی 

زاخۆ: 5 پلەی سیلیزی

ئاکرێ: 5 پلەی سیلیزی