نێچیرڤان بارزانی سەرەخۆشی لە خانەوادەی حاجی میرخان دۆڵەمەری دەکات

 

ئێوارەی ئەمڕۆ یەکشەممە، 23-03-2025، حاجی میرخان دۆلەمەری، بەرپرسی دەزگای ئەیلوول و گوڵان لە سۆران و شۆفێرەکەی لەسەر رێگەی رۆڤیا-چەمە لە سنووری پارێزگای دهۆک بە رووداوی هاتووچۆ گیانیان لەدەستدا. 

 

سەرۆکی هەرێمی کوردستان سەرەخۆشی لە خانەوادەی حاجی میرخان دۆڵەمەری دەکات و دەڵێت، "هاوسۆز و هاوخه‌می خانه‌واده‌ی به‌ڕێزیان و كه‌سوكار و هاوڕێيان و هاوكارانى خوالێخۆشبووم".

 

حاجی میرخان دۆڵەمەری بە مەبەستی بەشداریکردن لە پرسەیەک چووبووە ناحیەی رۆڤیای سەر بە قەزای بەردەڕەش و لە کاتی گەڕانەوەدا، خۆی و شۆفێرەکەی بە رووداوی هاتووچۆ گیانیان لەدەستدا. 

 

 

پرسه‌ و سه‌ره‌خۆشى له‌ خانه‌واده‌ى که‌سایه‌تیی دیار، پێشمه‌رگه‌ و تێكۆشه‌ر، به‌رپرسی ده‌زگای ئه‌یلوول و گوڵان له‌ سۆران، حاجی میرخان دۆله‌مه‌ری ده‌كه‌م كه‌ به‌داخه‌وه‌ ئه‌مڕۆ به‌هۆی‌ رووداوێكی هاتوچۆوه‌ گیانی له‌ده‌ست دا.

 

هاوسۆز و هاوخه‌می خانه‌واده‌ی به‌ڕێزیان و كه‌سوكار و هاوڕێيان و هاوكارانى خوالێخۆشبووم، له‌ خواى مه‌زن داواكارم گيانى به‌ به‌زه‌يى و ميهره‌بانيى خۆى شاد بكات و ئارامى و دڵنه‌وايى به‌ هه‌مووان ببه‌خشێت.

 

نێچيرڤان بارزانى

سه‌رۆكى هه‌رێمى كوردستان

23/3/2025