ئاگر لە ناوچەی پیشەسازیی دهۆک کەوتەوە و کەسێک بریندار بوو

 

 

خاوەنی تەنکەرەکە بە رووداوی گوت، لەکاتی سووتەمەنی تێکردن، ئاگر کەوتووەتەوە و بەهۆیەوە شۆفێرەکە کە لەنێو تەنکەرەکەدا بوو، بەشێک لە جەستەی سووتا. 

 

تەنکەرەکە لە پاڵ کارگەیەکدا بووە، بەهۆیەوە ژمارەیەک لە کەلوپەلەکانی کارگەکە سووتاون.

 

بێوار عەبدولعەزیز، گوتەبێژی بەرگریی شارستانیی دهۆک بە رووداوی گوت: هەشت تیمیان چوونەتە شوێنی رووداوەکە و ئاگرەکەیان کۆنترۆڵکردووە. 

 

بەپێی گوتەی خاوەنی تەنکەرەکە، تیمەکانی بەرگریی شارستانی زوو فریایان کەوتوون و ئاگرەکەیان کۆنترۆڵکردووە و رێگرییان کردووە لە تەقینەوەی تەنکەرەکە. 

 

لەبارەی دۆخی تەندروستیی شۆفێرەکە، خاوەنی تەنکەرەکە گوتی: تەندروستیی باشە.