قایمقامی ئیسلامئاوای کرماشان: لە ئەنجامی هێرشێکی ئیسرائیل دا ژنێک و منداڵێک کوژران

 

 

بەرەبەیانیی ئەمڕۆ دووشەممە، 23-06-2025، فەرهاد شەهبازی، قایمقامی ئیسلامئاوای سەر بە پارێزگای کرماشانی رۆژهەڵاتی کوردستان رایگەیاند، 21ـی حوزەیران، لە ئەنجامی هێرشێکی درۆنیی ئیسرائیلدا بۆسەر شارۆچکەی حومەیل، بارهەڵگرێک و ئۆتۆمبێلێکی تایبەت کراونەتە ئامانج.

 

بەگوتەی فەرهاد شەهبازی لە هێرشەکەدا ژنێک لەگەڵ منداڵە تەمەن 6 ساڵانەکەی کوژراون و هاوژینەکەی و منداڵێکی دیکەیشی بە سەختی بریندار بوون.

 

جەنگی نێوان ئێران و ئیسرائیل پێی ناوەتە 11ـەمین رۆژ و تاوەکو ئێستا لە هێرشکردنە سەر یەکدی بەردەوامن.

 

لە بەرامبەر هێرشەکانی سوپای ئیسرائیلدا، هێزە چەکدارەکانی ئێران لە چوارچێوەی ئۆپەراسیۆنی ''بەڵێنی راست 3'' بە چەند قۆناخ لە رێگەی مووشەک و درۆنەوە هێرشیان کردووەتە سەر وڵاتەکە.