لە رووداوێکی هاتووچۆدا لە کرماشان سێ کەس گیانیان لە دەستدا

 

رووداوەکە رۆژی چوارشەممە، 23ی تەمموزی 2025 لە ئیسلام ئاباد - گواور لە پارێزگای کرماشانی رۆژهەڵاتی کوردستان روویدا.

 

مەسعود قەلعەسفیدی، بەڕێوەبەری فریاکەوتنی خێرای پارإزگای کرماشان رایگەیاند:" رووداوەکە بەهۆی وەرگەڕانی ئۆتۆمبێلێکی تایبەت لە جۆری پراید بووە."

 

مەسعود قەلعەسفیدی گوتی: "لە رووداوەکەدا سێ کەس لە سەرنشینانی ئۆتۆمبێلەکە دەستبەجێ گیانیان لەدەستداوە و کەسێکی دیکەش بریندار بووە."

 

ساڵانە لە ئێران و رۆژهەڵاتی کوردستان، هەزاران کەس بە رووداوی هاتووچۆ گیان لەدەستدەدەن.

 

بەگوێرەی دادپزیشکیی ئێران، لە 21-03-2024 تاوەکو 21-03-2025، 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.