گەورەترین کتێبخانە لە ئامەد کرایەوە
رووداو - هەولێر
لە زانکۆی دیجلەی ئامەد پەردە لە سەر کتێبخانەیەک لادرا، کە تێیدا زیاتر لە پێنج هەزار کتێبی لەسەر جوگرافیا، مێژوو و کلتووری دیاربەکر تێدایە.
بەڕێوەبەرانی کتێبخانەکە دەڵێن، ئەو کتێبخانە گەورەترین شوێنی زانستییە بۆ لێکۆڵینەوە لەبارەی پارێزگای ئامەد.
کردنەوەی کتێبخانەکە دەرفەتی ئەوەی بۆ خوێندکاران و توێژەرانی پێکهێناوە، تاوەکو بتوانن زۆرترین سەرچاوەیان لەبارەی مێژووی ئامەد لەبەردەست بێت.
پێداچوونەوە: راوچی حەسەن