وەزارەتى خوێندنى باڵا زەمالەى خوێندنى ماستەر لە کۆریاى باشوور رادەگەیەنێت

 

وەزارەتی خوێندنی باڵا ئێوارەی ئەمڕۆ (یەکشەممە، 24-3-2024) لە راگەیێندراوێکدا دەڵێ کورسییەکانی خوێندنی ماستەر لە کۆریای باشوور لە بوارەکانی (سیاسەتى گشتى، سیاسەتى پەرەپێدان و بەڕێوەبردنى گشتى و خاوەنداریەتی فکری و سیاسەتی گەشەپێدان)ـن.

 

وەزارەتەکە کۆمەڵێک مەرجی  داناوە  و دەڵێ هەر کەسێک مەرجەکانى تێدا بەرجەستە بێت و، ئارەزووی خوێندنی لە زانکۆکانی وڵاتی کۆریاى باشوور هەبێت، بە لەبەرچاوگرتنی چەند تێبینییەک دەتوانێت داواکاری پێشکەش بە سەرچاوەی زەمالەکە بکات،

 

 

• پێشکەشکار دەبێت فەرمانبەر یان مامۆستا بێت لە دامودەزگاکانی حکومەتی هەرێمی کوردستان.

• پێشکەشکار دەبێت بە لایەنی کەمەوە دوو ساڵ خزمەتی هەبێت لە پاش بەدەستهێنانی دوایین بڕوانامە. 

• پێشکەشکار دەبێت کۆنمرەی بەکالۆریۆسی لە (65٪) کەمتر نەبێت.

• ئاستی توانستی زمانی داواکراو لە بەرنامەیەک بۆ بەرنامەیەک جیاوازە، بۆیە بەر لە پێشکەشکردن، تکایە تەواوی وردەکارییەکانی ئەم بەرنامەیە بخوێننەوە کە داواکاری بۆ پێشکەش دەکەن. 

• داواکار دەبێت لە هەمان بواری خۆی داواکاری بۆ بەرنامەی ماستەر پێشکەش بکات. (واتا بەکالۆریۆس و ماستەرەکەی لە هەمان بوار بێت).

• کاندیدی سەرکەوتوو لەلایەن وەزارەتمان تەنها مۆڵەتی خوێندنی پێدەدرێت، واتا بە مووچەی بنەڕەتی و دەرماڵە جێگیرەکان.

• کاندیدی سەرکەوتوو لەلایەن وڵاتی کۆریاى باشوور پشتگیریی دارایی دەکرێت، بۆ وردەکاریی زیاتر، تکایە سەردانی ماڵپەڕی زەمالەکە بکەن.

 

 

- هەرکەسێک مەرج و رێنماییەکانى تێدا بەرجەستە نەبێت، دواجار مۆڵەتی خوێندنی پێنادرێت.

- تکایە بۆ هەر پرسیارێک یان زانیاریی زیاتر، سەرەتا سەردانی ماڵپەڕی زەمالەکە بکەن. 

- دواکات بۆ پێشکەشکردن و مەرجی زمان لە زانکۆیەک بۆ زانکۆیەکی دیکە، یان لە بەرنامەیەک بۆ بەرنامەیەکى دیکە جیاوازە، تکایە بەر لە پێشکەش کردن بە وردی سەرنجی مەرج و رێنماییەکان بدەن.

- دوای وەرگرتن لەم زەمالەیە، تکایە بەمەبەستی کردنەوەی فایل سەردانی ئەم لینکەی خوارەوە بکەن.