سەرۆک بارزانی: بۆردوومانی قەڵادزێ لاپەڕەیەکی رەشی دڕندەیی و بێ باکیی رژێمی پێشووی عێراقە

 

 

سەرۆک بارزانی پەیامەکەی لە تۆڕی کۆمەڵایەتیی ئێکس بڵاوکردووەتەوە، دەڵێت: "بۆردوومانکردنی قەڵادزێ و زانکۆی سلێمانی لاپەڕەیەکی رەشی دڕندەیی و بێ باکیی رژێمی پێشووی عێراقە لە بەرانبەر گەلی کوردستان".

 

50 ساڵ لەمەوبەر لە 24-04-1974دا، چەند فڕۆکەیەکی حکومەتی بەعس قەڵادزێیان بۆردوومان کرد. 134 هاونیشتمانی شەهید و 150ی دیکەش بریندار بوون، هەروەها نزیکەی 200 خانووش بەهۆی بۆردوومانەکانەوە رووخان. بەشێک لەوان خوێندکاران و مامۆستایانی زانکۆی سلێمانی بوون، چونکە ئەوکات لە ترسی حکومەتی بەعس زانکۆکەیان گواستبووەوە قەڵادزێ.

 

لە پەیامەکەدا هاتووە: "لە پەنجایەمین ساڵیادی بۆردوومانی زاڵمانەی قەڵادزێ و زانکۆی سلێمانیدا سڵاو بۆ گیانی شەهیدانی ئەو کارەساتە و هەموو شەهیدانی کوردستان".

 

 

بۆردوومانکردنی قەڵادزێ و زانکۆی سلێمانی لاپەڕەیەکی رەشی دڕندەیی و بێ باکیی رژێمی پێشووی عێراقە لە بەرانبەر گەلی کوردستان.

 

لە پەنجایەمین ساڵیادی بۆردوومانی زاڵمانەی قەڵادزێ و زانکۆی سلێمانیدا سڵاو بۆ گیانی شەهیدانی ئەو کارەساتە و هەموو شەهیدانی کوردستان.