لە ئیلام دوو کەس لەلایەن پۆلیسەوە کوژران

 

رۆژی پێنجشەممە، 24ی تەمموزی 2025، بەڕێوەبەرایەتیی پۆلیسی ئیلام رایگەیاند، "شەوی رابردوو دوو ماتۆڕسوار لە پارکی تەوحیدی شاری هێڵان تەقەیان لە هاونیشتمانیان کردووە و هەڵهاتوون."

 

بەڕێوەبەرایەتیی پۆلیسی ئیلام گوتی: "پۆلیس بەدواداچوونی بۆ رووداوەکە کردووە و لە کاتی دەستگیرکردنی تاوانباراندا ئەو کەسانە تەقەیان لە پۆلیس کردووە و لە ئەنجامدا هەر دوو تاوانبارەکە لە لایەن پۆلیسەوە کوژران."

 

بەگوتەی پۆلیسی ئیلام بە هۆی تەقەی ئەو دوو کەسە لە ناو پارکەکە چەند کەسێک بریندار بوون و گوازراونەتەوە بۆ نەخۆشخانە.

 

 

شاری هێڵان لە باکووری رۆژهەڵاتی پارێزگای ئیلامی رۆژهەڵاتی کوردستانە و بەپێی دوایین ئامار ژمارەی دانیشتووانەکەی 2128 کەسە.