نێچیرڤان بارزانی هیوادارە کێشەی کاردیناڵ لویس ساکۆ "بە زووترین کات" چارەسەر بکرێت
رووداو دیجیتاڵ
نێچیرڤان بارزانی پێشوازی لە کاردیناڵ لویس ساکۆ کرد و هیوای خواست سهرۆکكۆمارى عێراق "به زووترين كات" كێشهکەی لویس ساکۆ چارهسهر بكات.
سەرۆکایەتیی هەرێمی کوردستان لە راگەیێندراوێکدا دەڵێت، پێشنيوهڕۆ ئهمڕۆ سێشهممه، 2023/7/25 "نێچيرڤان بارزانى، سهرۆكى ههرێمى كوردستان، پێشوازى له كاردینال لویس ساكۆ، پاتریارك و سەرۆكی كەنیسەی كلدان لە عێراق و جیهان و شاندێكی یاوەری كرد."
رۆژی 3-7-2023، مەرسوومی ژمارە (31)ی سەرۆکایەتیی کۆماری عێراق لە ژمارەی (4727)ـی رۆژنامەی وەقائیعی عێراق بڵاوکرایەوە و تێیدا بڕیاری کشانەوەی مەرسوومی ژمارە (147)ـی ساڵی 2013ی راگەیاند و تێیدا پلەی پاتریارکی کەنیسەی کلدانی لە عێراق و جیهان لە کاردیناڵ لویس رافایل ساکۆ سەندرایەوە.
سەرۆکایەتیی هەرێمی کوردستان دەڵێت، له ديدارێكدا دەربارەی كشاندنهوهى فهرمانى سهرۆكايهتيى كۆمارى عێراقى تايبهت به كهنيسهى كلدانى، نێچيرڤان بارزانى "دووپاتى كردهوه كه گرنگه عێراق به ههرێمى كوردستانهوه به خێمهيهك بۆ كۆكردنهوهى ههموو پێكهاته ئايينى و نهتهوهييهكان بمێنێتهوه و هيواى خواست سهرۆکكۆمارى عێراقى فيدراڵ به زووترين كات ئهو كێشهيه چارهسهر بكات."
هاوکات، سهرۆكى ههرێمى كوردستان جهختى لهوه كردهوه كه پێكهوهژيان و يهكترقبووڵكردن، بڕوا و پرهنسيپه و جوانيى عێراق لهوهدايه نيشتمانى ههموو پێكهاتهكان بێت و تيايدا مافى ههمووان پارێزراو بێت.
لاى خۆيهوه، بەگوێرەی سەرۆکایەتیی هەرێمی کوردستان، كاردينال ساكۆ سوپاس و پێزانينى بۆ پشتيوانيى نێچيرڤان بارزانى دهربڕى و دووپاتى كردهوه كه ههرێمى كوردستان سهرزهمينى پێكهوهژيان و يهكترقبووڵكردنه و شانازى پێوه دهكهن. ئاماژهى بهوهش دا كه ئهو كێشهيه "ههرگيز رێگه له كار و ئهركهكانى ناگرێت و بهردهوام دهبێت له پارێزگاريكردن له عێراق و پێكهوهژيان."
دۆخى دهشتى نهينهوا و چهند پرسێكى ديكهى پهيوهست به دۆخى كهنيسه و مهسيحييهكان بهگشتى، لايهنێكى ديكهى ديدارهكه بوو كه وهزيرى ئهوقاف و كاروبارى ئايينیی حكومهتى ههرێمى كوردستان، ئامادهى بوو.