لە کەمپی ئاوارە ئێزدییەکان لە زاخۆ چادرێک سووتا

 

رۆژی دووشەممە، 25ـی ئەیلوولی 2023، رائید جەمال هەسن، بەڕێوەبەری بەرگریی شارستانی زاخۆ بە تۆڕی میدیایی رووداوی گوت، "ئەمڕۆ کاژێر 09:00، چادرێکی ئاوارەکان لە کەمپی چەمشكۆ بەتەواوی سووتا؛ چادرێکی دیکەش بەشێکی سووتا و دەبێت بگۆڕدرێت، بەڵام رووداوەکە زیانی گیانی نەبوو."

 

بەڕێوەبەری بەرگری شارستانی زاخۆ ئاماژەی بەوەکرد، خاوەنی ماڵەکە سەرقاڵی جووتیاری بوون و لەکاتی رووداوەکەدا لەماڵ نەبوون. گوتیشی، "هۆکاری ئاگرەکە شۆرتی کارەبا بووە."

 

لە رووداوێکی هاوشێوەیەدا لە کەمپی چەمشکۆ، 5ـی شوباتی 2023، سێ چادر سووتان و بەهۆیانەوە دوو منداڵ کە برا بوون سووتان و گیانیان لەدەستدا.

 

کەمپی چەمشکۆ لە قەزای زاخۆ، ئاوارە کوردە ئێزدییەکانی شنگالی تێدا نیشتەجێن.