مەسرور بارزانی لە ساڵیادی گشتپرسی: رۆژی سەرکەوتنی ئیرادەی نەتەوەکەمان پیرۆزبێت

 

 

سەرۆکی حکومەت لە پەیامەکەیدا، یادی ساڵڕۆژی گشتپرسی بە "رۆژی بڕیاری بوێری گەلی کوردستان" و "رۆژی سەرکەوتنی ئیرادەی نەتەوەکەمان" وەسف کرد.

 

هەروەها ئاماژەی بەوەدا کە ئەو رۆژە، رۆژی هیوا و ئومێد بوو بۆ بەدیهێنانی مافی چارەی خۆنووسین.

 

مەسرور بارزانی لە بەشێکی دیکەی پەیامەکەیدا، پیرۆزبایی گەرمی خۆی ئاراستەی سەرکردە و رابەر و پێشمەرگە سەرۆک بارزانی و "بنەماڵەی سەربەرزی شەهیدان و پێشمەرگە قارەمانەکان و گەلی نیشتیمانپەروەر و خۆڕاگری کوردستان کرد."

 

جەختی لەسەر رۆڵی پێشمەرگە و قوربانیدانی شەهیدان لە پاراستنی خاک و بەها نەتەوەییەکان کردەوە، کە بوونە مایەی بەهێزکردنی بنەماکانی بڕیاری گشتپرسی.

 

گشتپرسیی سەربەخۆیی هەرێمی کوردستان لە 25ی ئەیلوولی 2017 بە سەرۆکایەتیی سەرۆک بارزانی ئەنجام درا.