هەسەدە دەستگیرکردنی دوو چەکداری داعش لە قامشلۆ رادەگەیێنێت

 

 

ئەمڕۆ یەکشەممە، هەسەدە لە راگەیێندراوێکدا گوتی: "دوێنێ تیمەکانی ئۆپەراسیۆنە سەربازییەکانمان ئۆپەراسیۆنێکی ئەمنییەکان لە شاری قاـشلۆ ئەنجامدا و شانەیەکی داعشیان کردە ئامانج کە پلانی بۆ کردەوەی تیرۆرستی لە شارەکەدا دانابوو."

 

وەک هەسەدە ئاماژەی پێکردووە، دوو چەکدارەکە بران و بە ناوەکانی ئوسامە محەممەد ئەحمەد و عیسا محەممەد ئەحمەدن. 

 

هەسەدە دەڵێت: "تیرۆرستە دەستگیرکراوەکان پلانیان بۆ زنجیرەیەک هێرشی تیرۆرستی" لە قامشلۆ دانابوو، لەوانەش "چاندنین بۆمب لە شوێنە گشتی و تایبەتەکان، بۆ ئەوەی تیرۆر و پشێوی لەنێو خەڵکی سڤیلدا بڵاوبکەنەوە."

 

رۆژی هەینیش هەسەدە دەستگیرکردنی دوو "سەرکردە"ی داعشی راگەیاندبوو. 

 

داعش لە گەرمەی شەڕی نێوخۆی سووریا لە ساڵی 2014 شاڵاوێکی خوێناویی کردە سەر سووریا و عێراق و بەشێکی گەورەی هەردوو وڵاتەکەی کۆنترۆڵ کرد. 

 

وێڕای ئەوەی هەسەدە بە پشتیوانیی هاوپەیمانیی نێودەوڵەتیی دژی داعش لە ساڵی 2019 تێکشکاندنی "خەلافەت"ی رێکخراوە پەڕگیرەکەی لە بەری رۆژهەڵاتی فورات راگەیاند، شانە نووستووەکانی داعش لە ناوچە دوورەدەست و کەلێندارەکاندا ماون. 

 

لەو کاتەوە رێکخراوە پەڕگیرەکە نەیانتوانیوە هیچ رووبەرێک کۆنترۆڵ بکات، بەڵام شانە نووستووەکانی بەردەوام بوون لە هێرش. 

 

سێشەممەی رابردوو هەسەدە رایگەیاند، پار لە 98 ئۆپەراسیۆندا 17 چەکداری داعشیان کوشتووە کە 6یان سەرکردە بوون؛ هەروەها 278ی دیکەشیان دەستگیرکردووە. 

 

لە هەمان ساڵدا داعش 113 هێرشی کردووەتە سەر ناوچەکانی ژێر کۆنترۆڵی هەسەدە.