بەوێنە: منداڵێکی ساوا بە فڕێدراوی لە دەربەندیخان دۆزرایەوە

 

 

سڵێمان محەممەد، قائیمقامی دەربەندیخان بە تۆڕی میدیایی رووداوی راگەیاند، منداڵێکی ساوا لە قەزای دەربەندیخان دۆزراوەتەوە، هێزە ئەمنییەکان راسپێردراون بۆئەوەی بەدواداچوون لە دۆسیەکە بکەن.

 

ئاماژەی بەوەشدا، هێشتا بابەتەکە لە لێکۆڵینەوەدایە بۆ ئەوەی بزانن منداڵی کێیە و کێ فڕێیداوە.

 

سەرچاوەیەکی ئاگادار بە رووداوی گوت، منداڵەکە کچە و تەمەنی یەک یان دوو رۆژە، پشکنینی تەندروستی بۆ کراوە و ئێستا تەندروستی "زۆر باشە".

 

باسی لەوەشکرد، منداڵەکە کاتێک دۆزراوەتەوە کە نوێژخوێنان بۆ نوێژی بەیانی چوون بۆ مزگەوت، بەڵام لەبەردەم مزگەوتەکە منداڵەکەیان بینیوە و هێزە ئەمنییەکانیان لێ ئاگادارکردووەتەوە.