ئۆتۆمبێلێکی پاسەوانی سنوور لە زاخۆ وەردەگەڕێت و پاسەوانێک گیان لەدەستدەدات

 

بەگوێرەی زانیارییەکانی پەیامنێری رووداو، رووداوەکە کاژێر یەکی دوانیوەڕۆی ئەمڕۆ یەکشەممە لە سنووری ناحیەی دەرکاری سەر بە ئیدارەی سەربەخۆی زاخۆ روویداوە. 

 

ئۆتۆمبێلەکە چوار سەرنشنینی تێدا بووە، ئەوەی گیانی لەدەستداوە خەڵکی زاخۆیە و ناوی شڤان سەلیم ئەردەنییە. بریندارەکانیش خەڵکی دهۆکن.

 

بەڕێوەبەری تەندروستیی دهۆک لەبارەی دۆخی بریندارەکان دەڵێت، "دۆخیان جێگیرە و جارێ دیار نییە نەشتەرگەرییان بۆ دەکرێت یان نا."