لە کەرکووک بنمیچی باڵەخانەیەک لەکاتی کارکردندا رووخا؛ گیانلەدەستدان و بریندار هەیە

 

عامر نووری، گوتەبێژی پۆلیسی کەرکووک بە تۆڕی میدیایی رووداوی گوت: "بنمیچەکە لەکاتێکدا رووخاوە لانیکەم 10 کرێکاری لەژێردا بووە".

 

گوتەبێژی پۆلیسی کەرکووک گوتی: "تیمەکان شەش کەسیان بە برینداری رزگار کردووە و گەیێندراونەتە نەخۆشخانە، هەروەها یەک گیانلەدەستدان هەبووە".

 

عامر نووری گوتی: "هێشتا تیمەکانمان سەرقاڵی گەڕانن لە شوێنی رووداوە، بۆ ئەوەی ئەگەر کەسی دیکە مابێ رزگار بکرێ".

 

تەرمی قوربانییەکە رەوانەی دادپزیشکی کراوە و بریندارەکانیش لە نەخۆشخانەی فریاکەوتنن.