هەفتەی داهاتوو پلەی گەرما 8 پلە دادەبەزێت

 

لەبارەی کەشوهەوای سبەیەوە، کەشناسیی هەرێمی کوردستان ئاماژەی کردووە، "پلەی گەرما نزیک دەبێتەوە لە تۆمارکراوەکانی ئەمڕۆ".

 

محەممەد کەمال، شارەزای کەشناسی ئەمڕۆ هەینی بە تۆڕی میدیایی رووداوی گوت: "یەکەمین شەپۆلی گەرما ناوچەکەمانی گرتووەتەوە و تاوەکو نێوەڕاستی ئەم هەفتەیە بەردەوام دەبێت؛ ئەمڕۆ و سبەی گەرمترین دەبن".

 

لەبارەی کاتی دابەزینی پلەی گەرماوە ئەو کەشناسە گوتی: "رۆژی سێشەممە بەهۆی هاتنی بارستە هەوایەکی فێنک لە دەریای نێوەڕاستەوە پلەی گەرما بۆ ماوەی چەند رۆژێک 6 بۆ 8 پلەی سیلیزی نزم دەبێتەوە".

 

محەممەد کەمال پێشبینی کرد، "لە رۆژی سێشەممەوە لە ناوچە گەرمەکان و لە کوێستانەکانیش کەشێکی فێنک دروست ببێت".

 

 

هەولێر: 43 پلەی سیلیزی  

سلێمانی: 41 پلەی سیلیزی

دهۆک: 42  پلەی سیلیزی

کەرکووک: 46 پلەی سیلیزی  

زاخۆ: 43 پلەی سیلیزی

هەڵەبجە: 44 پلەی سیلیزی

سۆران: 43 پلەی سیلیزی

حاجی ئۆمەران: 30 پلەی سیلیزی

گەرمیان: 46 پلەی سیلیزی