هاونیشتمانییەک لە ورمێ بە رنووی بەفر گیانی لەدەستدا و سێی دیکەش بێسەروشوێنن

 

ئەمڕۆ شەممە، 27-12-2025، حەمید مەحبووبی، بەڕێوەبەری مانگی سووری پارێزگای ورمێ بە میدیای فەرمیی ئێرانی گوت: "هەواڵێکمان سەبارەت بە ونبوونی چوار هاووڵاتی لە گوندی ئاڵواتانی میرئاوا پێگەیشت. دەستبەجێ تیمەکانمان رەوانەی شوێنەکە کرد".

 

حەمید مەحبووبی دەڵێ: "تیمەکانی مانگی سووری شارۆچکەی نەڵاس زوو خۆیان گەیاندە شوێنی رووداوەکە."

 

بەڕێوەبەری مانگی سووری پارێزگای ورمێ دەشڵێ: "تاوەکو ئێستا هاووڵاتییەک بە رنوو گیانی لەدەستداوە و گەڕان بەدوای سێ کەسی دیکەش کە بێسەروشوێنن بەردەوامە."

 

مانگی سووری پارێزگای ورمێ هێشتا ناسنامەی ئەو چوار هاونیشتمانییەی رانەگەیاندووە.