لە ماڵێکی دەربەندیخان دەست بەسەر 'تی ئێن تی و چەکی قورس'دا گیرا

 

ئەمڕۆ چوارشەممە، سلێمان محەممەد، قائیمقامی قەزای دەربەندیخان بە تۆڕی میدیایی رووداوی راگەیاند، "هێزەکانی نەهێشتنی تاوان دوای کۆکردنەوەی بەڵگە و زانیاری لەسەر زاری یەکێک لە ئەندامانی خێزانەکە کە دەستگیرکرابوو، توانییان لە ماڵێکی گەڕەکی بانیخێڵانی دەربەندیخان دەست بەسەر بڕێکی زۆر لە چەک و تەقەمەنیدا بگرن و سێ تۆمەتباریش لە ماڵەکەدا دەستگیربکەن."

 

سلێمان محەممەد دەڵێت، "چەک و تەقەمەنییەکان لە جۆری نارنجۆک، تی ئێن تی، ئاڕپیجی و چەکی دیکەی قورس بوون."

 

 

بە گوتەی قائیمقامی قەزای دەربەندیخان، "تاوەکو ئێستا بەتەواوی روون نییە ئەو کەسانە چ کارەن و بە چ مەبەستێک ئەو چەک و تەقەمەنییەیان هەڵگرتووە؛ لێکۆڵینەوە بەردەوامە."