دوای ئەوەی تەمویلی مووچەی مانگی کانوونی دووەمی خانەنشینان لە بەغداوە بە "کەموکوڕییەوە" گەیشتە هەرێمی کوردستان، وەزارەتی دارایی و ئابووریی حکومەتی هەرێمی کوردستان بە بڵاوکردنەوەی چەند بەڵگەنامەیەک وەڵامی وەزارەتی دارایی عێراق و ئەو لایەنانە دەداتەوە کە وەزارەتەکە بە 'کەمتەرخەم' تۆمەتبار دەکەن. دەڵێت، "بەغدا بەرپرسیارە لە هەر لێبڕینێک".

بەپێی نوێترین ئامارەکان، ژمارەی بەکارهێنەرانی تۆڕە کۆمەڵایەتییەکان گەیشتووەتە زیاتر لە 40 ملیۆن. سەرپەرشتیاری گشتیی ناوەندی میدیای دیجیتاڵی (DMC) لە لێدوانێکدا بۆ رووداو، وردەکاریی نوێ لەسەر بەکارهێنەرانی پلاتفۆرمەکان، ئاستی هۆشیاریی بەکارهێنەران و بۆشاییە یاساییەکان دەخاتە روو.

پێشانگەی نێودەوڵەتیی دیمەشق تایبەت بە کتێب لە 6ی ئەم مانگەوە دەستیپێکردووە و تاوەکو 16ی مانگ بەردەوام دەبێت. بە گوتەی سەعد نەعسان، سەرپەرشتیاری پێشانگەکە، نزیکەی 500 وەشانخانە لە زیاتر لە 35 وڵاتەوە بەشدارن

وەزارەتی دەرەوەی عێراق ناڕەزایەتی بەرامبەر لێدوانەکانی ئەم دواییەی هاکان فیدان، وەزیری دەرەوەی تورکیا نیشان دەدات و دەڵێت، عێراق وڵاتی دامەزراوەیە و پرسی شنگال دۆسیەیەکی نیشتمانییە

عەلی عەللاق، پارێزگاری بانکی ناوەندیی عێراق دەڵێت، هیچ ویستێک بۆ گۆڕینی نرخی ئاڵوگۆڕی دینار بەرامبەر دۆلار نییە؛ ئاماژە بەوەش دەکات، حکومەت لە جێبەجێکردنی سیستمی ئەسیکۆدا و پێناسی گومرگی بەردەوامە، ئەوەش وەک بەشێک لە هەنگاوەکانی رێکخستنی بازرگانی و هاوردەکردن.

ئەمڕۆ دابەشکردنی مووچەی مانگی 1ی ساڵی 2026 لە رێگەی پڕۆژەی (هەژماری من)ەوە لە هەرێمی کوردستان دەستپێدەکات. بەپێی نوێترین ئاماری پڕۆژەی (هەژماری من)، ژمارەی ئەو کەسانەی لە رێگەی پڕۆژەکەیانەوە مووچە وەردەگرن، گەیشتووەتە 'بەرزترین ئاست.'

گوتەبێژی هاوپەیمانیی دەوڵەتی یاسا دەڵێ، پەیام بۆ دۆناڵد ترەمپ، سەرۆکی ئەمریکا نێردراوە تاوەکو هەڵوێستی خۆی بەرامبەر بەربژێرکردنی نووری مالیکی بگۆڕێ. گوتەبێژی هاوپەیمانییەکەی سوودانیش پاڵپشتی هاوپەیمانییەکەی بۆ بڕیاری چوارچێوەی هاوئاهەنگی دووپات دەکاتەوە

بڕیارە وەزارەتی کشتوکاڵی هەرێمی کوردستان و بەرپرسانی پارێزگای بەسرە قۆناخێکی نوێی هاوئاهەنگی بۆ پاراستنی بەرھەمە نێوخۆییەکان دەستپێبکەن. بێگەرد تاڵەبانی دەڵێ، لە وەرزی پێگەیشتنی تەماتەی بەسرەدا هەرێمی کوردستان هاوردەی تەماتە قەدەخە دەکات و داواش دەکات ئاسانکاری بۆ بەرھەمی جووتیارانی هەرێمی کوردستان بکرێ

بەگوێرەی ئامارە فەرمییەکان، عێراق نزیکەی 5000 چەکداری پێشووی داعشی لە سووریاوە گواستووەتەوە. گوتەبێژی فەرماندەی گشتیی هێزە چەکدارەکانی عێراق دەڵێت، کوردانی ئێزدی و قوربانییەکانی دەستی داعش دەتوانن سکاڵایان لەسەر تۆماربکەن

هێزەکانی سووریای دیموکرات (هەسەدە) لە هێڵی بەریەککەوتن لە حەسەکە کشانەوە و بەگوێرەی رێککەوتنی هەسەدە و حکومەتی سووریا، هێزەکانی ئاسایشی رۆژئاوای کوردستان لە شوێنیان جێگیر دەکرێن

وەزیری کارەبا دەڵێت، نرخی کارەبا وەک خۆیەتی و هیچ دەستکارییەک نەکراوە، هۆکاری بەرزیی پارەی پسووڵەیش بۆ زیادبوونی بەکارهێنان لە وەرزی زستان دەگەڕێنێتەوە.

تەرمی شەهید هێمن کەرکووکی لە حەسەکەوە گەیشتە هەولێر و ژمارەیەکی زۆر لە هاونیشتمانییان بە گوتنەوەی "شەهید نامرێ" پێشوازییان لە تەرمەکەی کرد. باپیرەی شەهید هێمن گوتی، سەربەرزن بە شەهیدبوونی کوڕەکەیان و شانازی پێوە دەکەن

پەرلەمانی عێراق خشتەی کاری کۆبوونەوەی داهاتووی خۆی بڵاوکردەوە، تێیدا بڕگەی هەڵبژاردنی سەرۆککۆماری عێراق جێگیرکراوە. هاوکات 52 پەرلەمانتار لە نووسراوێکدا داوا لە پارتی و یەکێتی دەکەن، پێش وادەی کۆبوونەوەکە پرسی بەربژێری سەرۆککۆمار یەکلایی بکەنەوە

نرخی زێڕ لە بازاڕە جیهانییەکاندا پاشەکشەیەکی بەرچاوی تۆمارکرد. شارەزایەک دەڵێت، بازاڕی فۆرێکس رووبەڕووی "داڕمانێکی گەورە" بووەتەوە.

لە زۆربەی پارێزگا و ناوچە جیاوازەکانی باشووری کوردستان خۆپێشاندان و گردبوونەوەی جەماوەری بۆ پاڵپشتیکردن لە رۆژئاوای کوردستان بەڕێوەچوو و سەدان هەزار هاونیشتمانی رژانە سەر شەقامەکان

هێزەکانی سووریای دیموکرات (هەسەدە) دەڵێ، ئۆپەراسیۆنی راوەدوونانی شانە نووستووەکانی رێکخراوی داعشیان لە گەڕەکەکانی غوێران و نەشوەی شاری حەسەکە کۆتایی پێهێناوە و سێ چەکداریان دەستگیرکردووە.

دیلان رەشاد، گوتەبێژی وەزارەتی گواستنەوە و گەیاندنیش بە رووداوی راگەیاند: "بەهۆی دابەزینی پلەی گەرما 2 بۆ 4 پلە، ئەمشەو تەم هەرێمی کوردستان بە گشتی و هەولێر بە تایبەتی دەگرێتەوە."

وەزیری پەروەردەی هەرێمی کوردستان دەڵێ، وێنەی دوو منداڵ کە هێمای نیشتمانپەروەری و خۆشەویستیی کوردستانن، دەخرێنە سەر بەرگی کتێبەکانی وانەی کوردی.

نرخی زێڕ بەراورد بە کاتی کردنەوەی بازاڕ، زیاتر لە 300 دۆلار دابەزی. ئابووریناسێک دەڵێ، جارێکی دیکە بەرز دەبێتەوە.

وەزارەتی کشتوکاڵی عێراق هۆشداری لە زۆربوونی مێروویەکی مەترسیدار دەدات کە هەڕەشە لە ملیۆنان دارخورمای وڵاتەکە دەکات. بەڕێوەبەری بەشی پاراستنی دارخورماکانیش دەڵێ، ئەم ئافاتە بە "دوژمنی شاراوە" دەناسرێ و بەشێوەیەکی کتوپڕ دارخورماکان لەنێودەبات.

پانێڵی (ئاسایشی ئاو لە دۆخی گۆڕانی کەشوهەوا لە عێراق) لە کۆنفرانسی وزەی عێراق لە بەغدا بەڕێوەچوو. لە پانێڵەکەدا هەریەکە لە عەون زیاب، وەزیری سەرچاوەکانی ئاوی عێراق؛ هەڵۆ عەسکەری، وەزیری ژینگەی عێراق و تورهان موفتی، راوێژکاری سەرۆکوەزیرانی عێراق بۆ کاروباری ئاو بەشداربوون باس لە دۆخی ئاو لە عێراق کرا.

سەرۆکایەتیی کۆماری عێراق دەڵێ، هەر جۆرە دەستوەردانێکی دەرەکی لە کاروباری سیاسیی وڵاتدا رەتدەکەنەوە و جەخت دەکاتەوە کە پرۆسەی پێکهێنانی حکومەت و بڕیارە نێوخۆییەکان تەنیا مافی عێراقییەکانە.

ئەو خوازیارانەی فۆرمی ئۆنڵاینی پڕۆژەی سکۆڵەرشیپی "باڵدار"ی تۆڕی میدیایی رووداویان پڕکردووەتەوە، بۆ تەواوکردنی رێکارە یاسایی و کارگێڕییەکان، پێویستە سەردانی زانکۆی کوردستان لە هەولێر بکەن.

حیزبی دەعوەی ئیسلامی وەڵامی سەرۆکی ئەمریکای دایەوە، لەبارەی بەربژێرکردنی نووری مالیکی بۆ پۆستی سەرۆکوەزیرانی عێراق و رایگەیاند، ئەو جۆرە دەستوەردانە "پێشینەیەکی مەترسیدارە و لێدانە لە بنەمای سەروەریی نیشتمانی و بڕیاری سەربەخۆی عێراق."

گوتەبێژی هاوپەیمانیی ئاوەدانکردنەوە و گەشەپێدانی عێراق دەڵێت، هاوپەیمانییەکە لەبارەی گوتەکەی دۆناڵد ترەمپ تایبەت بە بەربژێرکردنی نووری مالیکی کۆدەبێتەوە. ئاماژە بەوەش دەکات، هەر بڕیارێک چوارچێوەی هاوئاهەنگی بیدات، ئەوانیش پێوەی پابەند دەبن.

محەممەد شیاع سوودانی دەڵێت، 132 ملیۆن پێ سێجا گازیان هەیە و سوود لە 74%ی سامانی گاز دەبینن. ئاماژە بەوەش دەکات، کار دەکەن بۆ بەرهەمهێنانی 7 هەزار و 500 مێگاوات کارەبا لە رێگەی وزەی خۆرەوە.

رووداو لە دوو سەرچاوەی باڵای ئەمنیی عێراقەوە زانیاریی دەستکەوتووە کە چوار کاروان دەستگیرکراوی داعش هێندراونەتە عێراق و سەرجەمیان لە حەسەکە زیندانی کرابوون

وەزارەتی گەیاندنی عێراق پلانێکی نوێ بۆ باشترکردنی خزمەتگوزاریی ئینتەرنێت و کاراکردنی نەوەی پێنجەم (5G) رادەگەیێنێت. بریکاری وەزارەتەکە دان بەوەدا دەنێت کە هاوئاهەنگییان لەگەڵ هەرێمی کوردستان لە ئاستی پێویستدا نییە و دەڵێ، "تەنیا چواریەکی عێراقییەکان خزمەتگوزاریی فایبەر ئۆپتیک بەدەستیان گەیشتووە."

حەیان عەبدولغەنی، جێگری سەرۆکوەزیران و وەزیری نەوتی عێراق بە تۆڕی میدیایی رووداوی راگەیاند، حکومەتی فیدراڵی هەوڵی مسۆگەرکردنی بەردەوامی وەرگرتنی نەوتی هەرێمی کوردستان دەدات، "ئەوەش لە رێگەی درێژکردنەوەی رێککەوتنی سێ قۆڵیی نێوان وەزارەتی نەوتی فیدراڵ، وەزارەتی سامانە سرووشتییەکان و کۆمپانیاکانی نەوت."

بە فەرمی کۆبوونەوەی پەرلەمانی عێراق بۆ هەڵبژاردنی سەرۆککۆمار دواخرا. ئەم بڕیارە دوای ئەوە هات کە پارتی دیموکراتی کوردستان و یەکێتیی نیشتمانیی کوردستان داوای مۆڵەتی زیاتریان کرد بۆئەوەی لەسەر بەربژێرێکی هاوبەش یان شێوازی چوونە ناو پەرلەمان رێکبکەون

بەرپرسێکی بانکی ناوەندیی عێراق رایدەگەیێنێت، ئەو دۆلارەی لە بازاڕەکاندا مامەڵەی پێوە دەکرێت، تەنیا 5%ی ئەو بڕەیە کە بانکەکە دەیخاتەڕوو. ئاشکراشی دەکات، بازرگانیی نایاسایی و هاوردەکردنی کاڵا بەبێ گومرگ، هۆکاری سەرەکیی بەرزبوونەوەی نرخە لە بازاڕدا

دوای گرژییەکانی ئەم دواییەی ئێران و ئەمریکا و گەیشتنی کەشتییە جەنگییەکانی ئەمریکا بۆ رۆژهەڵاتی نێوەڕاست، کەتیبەکانی حیزبوڵڵای عێراقی فۆرمی فیداکاری لەنێو ئەندام و لایەنگرەکانیدا کۆکردووەتەوە، بۆ بەرگریکردن لە ئێران.

گوتەبێژی یەکینەکانی پاراستنی ژنان (یەپەژە) رایدەگەیێنێت، گرووپە چەکدارەکان ئاگربەستیان پێشێلکردووە و لەژێر ناوی "خێڵە عەرەبەکان"ـدا هێرش دەکەن. دەشڵێت، سەرجەم هێرشەکان تێکشکێندراون و تەنیا لە گوندی سەفا زیاتر لە 40 چەکداریان لێ کوژراوە.

رێکخراوی بەدر رایدەگەیێنێت، لە بەرامبەر ئەو هەڕەشانەی دەکرێنە سەر تاران، ئەوان لە سەنگەری پشتگیریکردنی ئێراندا دەبن و دەڵێت: "ئەمە جەنگێکی یەکلاکەرەوەیە و جێگەی بێلایەنی تێدا نابێتەوە."

گوتەبێژی یەکینەکانی پاراستنی گەل (یەپەگە) رایدەگەیێنێت، چەکدارانی سوپای عەرەبیی سووریا دەیانەوێت بگەنە رێگەی ستراتیژیی سێمالکا و تەنیا لە گوندی سەفا "تەرمی نزیکەی 40 چەکداریان" جێهێشتووە. دەشڵێت هێشتا هیچ هێرشێکی راستەوخۆ نەکراوەتە سەر ناوەندی شاری حەسەکە.

سێ ئەندامی خێزانێک لە هەولێر کوژران، ئەندامەکان دایک و باوک و کوڕێکیانە.

بەهای دیناری عێراقی بەرامبەر بە دۆلار دابەزی و لە هەولێر 100 دۆلار 151 هەزار دیناری تێپەڕاند. بانکی ناوەندی هۆکارەکەی بۆ دۆخی ناوچەکە دەگەڕێنێتەوە و گوتەبێژی بازاڕی دۆلارەکەی سلێمانیش دەڵێت، سیستمی ئەسیکۆدا و مەترسیی سزادانی عێراق کاریگەرییان هەبووە.

وەزارەتی ناوخۆی هەرێمی کوردستان وردەکاریی چۆنیەتی کۆکردنەوە و گەیاندنی هاوکارییەکان بۆ رۆژئاوای کوردستان بڵاودەکاتەوە و داوا لە خێرخوازان دەکات، بەهیچ شێوەیەک بەبێ هاوئاهەنگی کەلوپەل نەبەنە سەر سنوورەکان.

وەزارەتی دەرەوەی عێراق "رەتکردنەوەی تووندی" خۆی بە رووسیا راگەیاند بۆ پەلکێشکردنی گەنجانی عێراقی بۆ نێو سوپای ئەو وڵاتە و دەڵێت، یاسای عێراقی سزای بۆ ئەو کارە داناوە. بریکاری وەزارەتی دەرەوەش دەڵێت: "رێگە نادەین عێراقییەکان ببنە سووتەمەنیی شەڕێک کە پەیوەندی بەوانەوە نییە".

دوای 12 ساڵ لە جێهێشتنی پۆستەکە، جارێکی دیکە ناوی نووری مالیکی وەکو بەهێزترین بەربژێر بۆ سەرۆکایەتیی وەزیرانی عێراق گەڕایەوە. بەگوێرەی زانیارییەکانی رووداو، لەنێو ماڵی شیعەدا چوار لایەنی سەرەکیی چوارچێوەی هاوئاهەنگی ئامادەنەبوون دەنگ بە مالیکی بدەن، لەنێو ماڵی سووننەشدا "شەڕی بەیاننامە" و تۆمەتبارکردنی یەکدی دەستیپێکردووە

هاوسەرۆکی دەستەی تەندروستیی کۆبانێ رایدەگەیێنێت، شارەکە رووبەڕووی قەیرانێکی مرۆیی و تەندروستیی قورس بووەتەوە و دەڵێت، "دەرمان لە نەخۆشخانەکانمان زۆر کەمە و خەریکە کۆگەکان خاڵی دەبن."

عەبدوڵڵا محێسنی، بانگخوازی تووندڕۆی سعودی کە یەکێکە لە دامەزرێنەرانی دەستەی تەحریری شام (بەرەی نوسرە)، هێرشەکانی سەر گەڕەکی شێخ مەقسوود و ناوچە کوردنشینەکان بە "فەتحی ئیسلامی" ناودەبات و دەڵێت "سوپاس بۆ خودا رزگارکران".

حکومەتی عێراق دەڵێ، ئەگەر دۆخی ئەمنیی سووریا ئاسایی بێتەوە و هەسەدە بچێتەوە شوێنی دەسەڵاتی پێشووی، ئەوا هێنانەوەی چەکدارە پێشووەکانی داعش رادەگرن.

بۆ دووەم رۆژی لەسەریەک، کەمپەینی (رەنجی رووداو) بۆ کۆکردنەوەی هاوکاری بۆ هاونیشتمانییانی رۆژئاوای کوردستان بەڕێوەچوو. لەگەڵ دەستپێکی بەرنامەکەدا، شەپۆلێکی گەورەی هاوکاری لەلایەن هاونیشتمانییان، سەرمایەداران و کۆمپانیاکانی کەرتی تایبەتەوە گەیێندرایە شوێنەکە

سەرۆکایەتیی پەرلەمانی عێراق دوایین لیستی ناوی ئەو بەربژێرانەی بڵاوکردەوە کە کێبڕکێ لەسەر پۆستی سەرۆککۆماری عێراق دەکەن. لیستە نوێیەکە ناوی 19 کەسایەتی لەخۆدەگرێت، ئەمەش دوای ئەوەی دادگەی فیدراڵی تانەی چوار بەربژێری دیکەی پەسند کرد

سەرۆکوەزیرانی عێراق و فەرماندەی فەرماندەیی ناوەندیی سوپای ئەمریکا کۆبوونەوە و تاوتوێی دۆخی ئەمنیی سووریا و مەترسیی شکاندنی زیندانەکانیان کرد. ئەمریکا سوپاسی عێراق دەکات بۆ وەرگرتنی چەکدارانی پێشووی داعش

گرتەیەکی ڤیدیۆیی لە تۆڕە کۆمەڵایەتییەکان بڵاوکراوەتەوە، تێیدا دوو چەکداری سەر بە سوپای سووریا دەردەکەون، چوونەتە نێو ماڵێکی چۆڵکراوی خێزانێکی کورد لە رۆژئاوای کوردستان، جگە لە دەستکاریکردنی کەلوپەلەکانیان، خواردنی ماڵەکە دەخۆن و سووکایەتی بە خاوەن ماڵەکە و کورد دەکەن

سوپای ئەمریکا 150 چەکداری پێشووی داعشی لە ناوچەکانی ژێر دەستی هێزەکانی هەسەدەوە بۆ عێراق گواستەوە، کە بە گوتەی بەرپرسێکی ئەمنیی عێراقی، بەشی زۆریان ئەورووپین. سەرۆکوەزیرانی عێراق لە پەیوەندییەکدا لەگەڵ سەرۆکی فەرەنسا داوا دەکات وڵاتانی ئەورووپا هاووڵاتییەکانیان ببەنەوە

دوای ئەوەی سەرۆکی پارتى سیادە رەخنەی تووندی لە شێوازی رووماڵی میدیای فەرمیی عێراق بۆ رووداوەکانی سووریا گرت و داوای لێپرسینەوەی کرد، ئەنجوومەنی ئەمیندارانی تۆڕی راگەیاندنی عێراقی وەڵام دەداتەوە و رەتیدەکاتەوە هیچ لایەنێکی سیاسی دەستوەردان لە کارەکانیان بکات.

دوای ئەوەی دوو رۆژ لەسەریەک گەشتەکەیان دواخرا، هەڵسوڕێنەری کاروباری باڵیۆزخانەی عێراق لە لیبیا رایدەگەیێنێت، سبەی هەینی یەکەم کاروانی کۆچبەرە گیرخواردووەکان کە ژمارەیان 100 کەسە، دەگەنەوە عێراق.

گوتەبێژی حکومەتی عێراق دەڵێت، گواستنەوەی چەکدارانی داعش لە سووریاوە بۆ عێراق بڕیارێکی هەڕەمەکی نەبووە، بەڵکو هەنگاوێکی پێشوەختە بووە بۆ بەرگریکردن لە ئاسایشی نەتەوەیی و رێکارە دادوەرییەکانیش بۆ مامەڵەکردن لەگەڵیان دەستیپێکردووە.

سەرکردەکانی چوارچێوەی هاوئاهەنگی کۆبوونەوە و تاوتوێی دۆخی ئەمنی و ئامادەیی هێزەکانیان کرد؛ 'جەخت لەوە کرایەوە کە بەهۆی رووداوە خێراکانی سووریاوە دەبێت رێوشوێنەکان تووندتر بکرێن.'

سەرۆکی حکومەتی هەرێمی کوردستان لە داڤۆسەوە پەیامێکی دڵنیایی ئاراستەی رۆژئاوای کوردستان دەکات و دەڵێت، "هەرگیز ناهێڵین بەتەنیا بمێننەوە". هاوکات ئاشکرای دەکات، لە هەولێر کۆبوونەوە لەنێوان مەزڵووم عەبدی و تۆم باراک کراوە و گەیشتوونەتە رێککەوتن بۆ بەردەوامیی ئاگربەست.

حکومەتی عێراق رایگەیاند، بۆ رێگری لە بڵاوبوونەوە و هەڵاتنی "سەرکردە مەترسیدارەکانی داعش" لە سووریا، دەستیان بە گواستنەوەی زیندانییان کردووە بۆ عێراق و یەکەم کاروانیش 150 چەکداری عێراقی و بیانییە.

سەرۆکی پارتى سیادە رەخنەی تووند لە شێوازی رووماڵی میدیای فەرمیی عێراق بۆ رووداوەکانی سووریا دەگرێت و داوا لە هاوپەیمانیی بەڕێوەبردنی دەوڵەت دەکات لێپرسینەوە لە "کەمتەرخەمەکان"ـی نێو تۆڕی میدیایی عێراق بکات.

ئەندامێکی مەکتەبی سیاسیی بزووتنەوەی سادیقوون رایدەگەیێنێت، ئەوەی لە ناوچە کوردییەکانی سووریا روودەدات، سەلمێنەری "پەیمانشکێنیی" ئەمریکایە بەرامبەر هاوپەیمانەکانی. هاوکات داوا لە دەسەڵاتدارانی هەرێمی کوردستان دەکات چاودێریی ئەو بیانییانە بکەن، کە لە هەرێمدا نیشتەجێن.

سەرۆک مەسعود بارزانی رایگەیاند، داوای پشتیوانییان لە پاپای ڤاتیکان کردووە "بە هێزی مەعنەویی خۆی." هەروەها گوتیشی، "داوام لە ئەحمەد شەرع کرد نەبێتە شەڕی کورد و عەرەب." خەختی لەوەش کردەوە، هەمووان هەست بە مەترسیی داعش دەکەن

سەرۆکوەزیرانی عێراق لە کۆبوونەوەیەکی ئەمنیی نائاساییدا کە سەرۆکی ئەرکانی پێشمەرگە و نوێنەرایەتیی حکومەتی هەرێمی کوردستان تێیدا بەشداربوون، فەرمانی کرد پاڵپشتیی تەواوی هێزەکانی پاسەوانی سنووری هەرێمی کوردستان بکرێت و هەر هەوڵێک بۆ زیانگەیاندن بە سنوورەکان "بە تووندی" وەڵام بدرێتەوە

کۆنفیدراسیۆنی رەوەندی کوردستانی لە راگەیێندراوێکدا هێرشەکانی هێزەکانی حکومەتی سووریا بۆ سەر رۆژئاوای کوردستان بە "تاوانی دژی مرۆڤایەتی" نێودەبات و داوا لە کوردانی دیاسپۆرا دەکات لە ئەڵمانیا و وڵاتانی دیکە خۆپیشاندانی بەرفراوان بکەن.

راوێژکاری ئاسایشی نیشتمانیی عێراق دەڵێ، هێشتا داعش مەترسییەکی راستەقینەیە بۆ سەر ئاسایشی ناوچەکە و جیهان، هاوکات داوای یەکخستنی هەوڵە نێودەوڵەتییەکان دەکات.

موقتەدا سەدر پەیوەندی بە هێزە ئەمنییەکانی عێراقەوە لە سنووری سووریا دەکات و داوایان لێدەکات لە "بەرزترین ئاستی وریایی و ئامادەیی" دا بن بۆ رێگری لە هەر دزەپێکردنێک.

ئەمینداری گشتیی کەتیبەکانی سەیدولشوهەدا پەیامێکی بە زمانی کوردی بڵاوکردەوە و دەڵێت، هەموو ناکۆکییەکان لەبەردەم "پەیمانی برایەتیی نیشتمانی" نامێنن و رایدەگەیەنێت: "چۆن بەدەم بانگەوازی خوشک و برا سوننەکانمانەوە چووین، ئاواش بۆ بەرگریکردن لە کورد ساتێک سڵ ناکەینەوە."

وەزارەتی بەرگریی سووریا ئاگربەستی بۆ چوار رۆژ راگەیاند، ئەوەش دوای گەیشتن بە رێککەوتنێک لەگەڵ هێزەکانی سووریای دیموکرات (هەسەدە).

دۆخی کەمپی هۆل لە رۆژئاوای کوردستان دەچێتە قۆناخێکی نادیارەوە. هێزەکانی سووریای دیموکرات (هەسەدە) کشانەوەی هێزەکانی لە کەمپەکە راگەیاند و حکومەتی سووریاش دەڵێت، هەسەدە بەبێ هاوئاهەنگی کشاوەتەوە و ژمارەیەک زیندانیی داعشی ئازاد کردووە

ئەندامێکی مەکتەبی سیاسیی کۆمەڵ دەڵێت، هیوادارن نزیکبوونەوەی یەکێتی و نەوەی نوێ نەبێتە هۆی قووڵترکردنەوەی دوو ئیدارەیی، جەخت لەوەش دەکاتەوە کە سوورن لەسەر بایکۆتکردنی پەرلەمان.

وەزارەتی کارەبای هەرێمی کوردستان دەڵێت، بەهۆی کێشەیەکی تەکنیکییەوە لە هێڵەکانی گواستنەوەی گاز، کارەبای نیشتمانی کەمبووەتەوە، بەڵام تیمەکان سەرقاڵی چارەسەرکردنن

دەستەی حەشدی شەعبی دەڵێت، بۆ رێگری لە هەر "پێشێلکارییەک و دزەکردنی چەکداری"، ژمارەی هێزەکانیان لە سنووری عێراق و سووریا زیاد کردووە و چەند یەکەیەکیان لە ژمارەیەک خاڵی سنووریی هەستیار جێگیر کردووە.

وەزارەتی بەرگریی عێراق دەڵێت، لە تووندوتۆڵکردنی سنوور بەردەوامن و ئامادەی بەرپەرچدانەوەی هەر هەڕەشەیەکن بکرێتە سەر سنوور. لەبارەی رووداوەکانی ئەم دواییەی سووریاش ئاماژە بەوەش دەکات، چاودێریی دۆخەکە دەکەن.

بەغدا؛ زۆرترین هاوژینی و جیابوونەوە

دوای پێشهاتەکانی ئەم دواییەی سووریا، عێراق ئامادەکاری بۆ گەڕاندنەوەی خێزانە عێراقییەکان لە کەمپی هۆل دەکات.

کەشناسیی عێراق هۆشداری لە "سەختترین شەپۆلی سەرما" لەم وەرزەدا دەدات پێشبینی دەکرێ لە رۆژی سێشەممەوە دەستپێبکات؛ ئاماژە بەوەش دەکات: "شەپۆلەکە بەجۆرێک دەبێت پێشبینی دەکرێ لە پارێزگاکانی کەرکووک، ئەنبار و تەنانەت ئەنباریش بەفر ببارێ."

وەزارەتی خوێندنی باڵای عێراق لە وەڵامی نووسراوێکی پەرلەماندا رایگەیاندووە، ئەو زانکۆیەی مەلا بەختیار بڕوانامەی تێدا بەدەستهێناوە دانپێدانراو نییە، نووسینگەی مەلا بەختیاریش دەڵێت، تانەیان لە بڕیاری دوورخستنەوەی وەکو بەربژێری سەرۆککۆماری عێراق داوە .

لە یەکەمین کاردانەوەی کشانەوەی هێزەکانی هاوپەیمانان لە چەند بنکەیەکی عێراق، ئەمینداری گشتیی کەتیبەکانی سەیدولشوهەدا داوای کشانەوەی راوێژکارانی ناتۆش دەکات.

موقتەدا سەدر لە پەیامێکدا هۆشداری دەداتە هێزە سیاسییەکان کە ململانێکانیان وەلا بنێن چونکە "مەترسییەکی گەورە" لە سنووری سووریاوە روو لە عێراقە. هاوکات داوا لە هێزەکانی هەرێمی کوردستان دەکات دەستوەردانی راستەوخۆ لە دۆخی سووریا نەکەن.

لیژنەی باڵای سەربازیی عێراق بە فەرمی کۆتاییهاتنی قۆناخی یەکەمی ئەرکی هاوپەیمانیی نێودەوڵەتی و چۆڵکردنی تەواوەتیی بنکە سەربازییەکانی لە ناوچەکانی ژێر دەسەڵاتی حکومەتی عێراق راگەیاند، دەڵێت: "مانەوەی هێزەکانی هاوپەیمانان لە هەولێر بۆ پشتیوانیکردنە لە ئۆپەراسیۆنەکانی دژی داعش لە سووریا."

دوای کشانەوەی هێزەکانی ئەمریکا، ئەمڕۆ سوپای عێراق ئەرکی بەڕێوەبردنی بنکەی سەربازیی عەین ئەسەدی لە ئەنبار گرتە ئەستۆ.

گرووپێکی چەکداریی عێراقی سەر بە مقاوەمەی ئیسلامی رایگەیاندووە، ئامادەیی تەواویان هەیە بۆ بەشداری لە "جەنگی رەوا" هاوشانی کۆماری ئیسلامیی ئێران دژی هاوپەیمانیی "زایۆنی - ئەمریکی." جەختیش دەکاتەوە، لێدانی بەرژەوەندییەکانی ئەمریکا لە کارە لەپێشینەکانیان دەبێت

پێشنوێژ و گوتارخوێنی مزگەوتی گەورەی نەجەف پێیوایە، ململانێی ئێستای نێوان ویلایەتە یەکگرتووەکانی ئەمریکا و کۆماری ئیسلامیی ئێران شەڕێکی ئابووری و کێبڕکێ لەسەر نەوت نییە، بەڵکو "شەڕی بیروباوەڕە". دەشڵێت، زانکۆی ئەزهەر دەبێتە شیعە

ئەوقافی سلێمانی لەسەر 'گرژییەکەی' مزگەوتی بەختەوەری دەڵێت، نابێت مینبەری مزگەوت بۆ هێرشکردنە سەر هیچ لایەنێک بەکاربهێندرێت

نێچیرڤان بارزانی سەرەخۆشی لە عەلی سیستانی دەکات بەبۆنەی کۆچی دوایی براکەیەوە و دەڵێت، هاوبەشی خەمیانین

کۆمپانیای هێڵە ئاسمانییەکانی تورکیا (THY) راگەیێندراوێکی بڵاوکردووەتەوە و دەڵێت، گەشتە ئاسمانییەکان بۆ عێراق بەردەوامن. وەزارەتی گواستنەوەی عێراقیش بە رووداوی راگەیاند، "گەشتەکانی شەو خراونەتە رۆژ."

تورکیا گەشتە ئاسمانییەکانی بۆ فڕۆکەخانەکانی عێراق راگرت. بەڕێوەبەرایەتیی فڕۆکەخانەکانی عێراقیش دەڵێت، "نازانین هۆکارەکە چییە."

رێبەری رەوتی نیشتمانیی شیعە، رێگەپێدانی بۆ کردنەوەی میوانخانەی تایبەت بە 'بنەماڵەی سەدر' لە ویلایەتە یەکگرتووەکانی ئەمریکا دەرکرد و جەخت لەوە دەکاتەوە، "نابێت ئەو ناونیشانە بۆ هیچ مەرامێکی سیاسی بەکاربهێنرێت."

حکومەتی عێراق هەڵوێستی فەرمیی خۆی لەبارەی پەرەسەندنە سەربازییەکانی ناوچەکە راگەیاند و جەختدەکاتەوە، کە رێگە نادەن خاک، ئاسمان و ئاوە هەرێمییەکانیان بۆ هێرشکردنە سەر هیچ وڵاتێک بەکاربهێندرێت.

ئەنجوومەنی باڵای فەتوا لە هەرێمی کوردستان بڕیاری شەرعی لەبارەی دیاردەی جیاوازیی نرخی دۆلاری "کۆن" و "نوێ" دەرکرد و رایگەیاند، هەر جۆرە مامەڵەیەک کە تێیدا دۆلاری سپی بە نرخێکی کەمتر لە دۆلاری شین بگۆڕدرێتەوە، "حەرامە و هیچ بنەمایەکی یاسایی و شەرعی نییە."

سەرۆکی ئەمریکا رایگەیاندووە، هەر وڵاتێک بازرگانی لەگەڵ ئێران بکات، رووبەڕووی باجی گومرگیی 25% دەبێتەوە؛ عێراقیش یەکێکە لەو وڵاتانەی بازرگانی لەگەڵ ئێراندا هەیە، بەڵام راوێژکارێکی سەرۆکوەزیرانی عێراق دەڵێت، سەپاندنی باجەکە کاریگەری نابێت

نەجەف کە بە برنجی عەنبەر بەنێوبانگە و سەرچاوەی داهاتێکی زۆر بوو بۆ پارێزگاکە، بە گوتەی پارێزگاری نەجەف، وشکەساڵی ئەو داهاتەی لێسەندوونەتەوە و لە داهاتی زیارەتکارانیش بێبەشن

بەڕێوەبەرایەتیی گشتیی کارەبای سلێمانی رایگەیاند، بەهۆی ئەو شەپۆلە بەفر و بارانەی هەفتەی رابردوو هەرێمی کوردستانی گرتەوە، زیانی زۆر بە تۆڕەکانی کارەبا لە سنووری پارێزگای سلێمانی گەیشتووە و 127 ستوونی کارەبا زیانیان بەرکەوتووە

%11ی ئاوارەکان لە کەمپەکاندان

وەزیری کشتوکاڵی هەرێمی کوردستان دەڵێت، ناردنی مریشکی زیندوو بۆ عێراق لە رێگەی رێککەوتنەوەیە بەو مەرجەی کاریگەریی لەسەر نرخەکان نەبێت لە نێوخۆدا. بریکاری وەزارەتی کشتوکاڵی عێراقیش باس لەوە دەکات، لیژنەیەکیان بۆ ئەو مەبەستە پێکهێناوە

لە کۆبوونەوەی رۆژی سێشەممە 13-01-2026 ئەنجوومەنی وەزیرانی عێراقدا بڕیاردرا زەوی بەسەر فەرمانبەرانی خوێندنی باڵا دابەش بکرێت، کۆمپانیا راوێژکارییەکانیش بانگهێشت کران بۆ دۆزینەوەی چارەسەری هەمیشەیی بۆ بەنداوی موسڵ و بەنداوی بادووش لە پارێزگای نەینەوا

لەسەر داوای حکومەتی ئوسترالیا، هێزە ئەمنییەکانی عێراق بازرگانێکی مادەی هۆشبەریان دەستگیر کرد، کە بە "یەکێک لە مەترسیدارترین داواکراوەکان لەسەر ئاستی جیهان" دادەنرێت و تۆمەتبارە بە سەرپەرشتیکردنی باندێکی گەورەی تاوان لە سیدنی

گوتەبێژی هاوپەیمانیی ئاوەدانکردنەوە و گەشەپێدان دەڵێت، محەممەد شیاع سوودانی لە بەرژەوەندیی نووری مالیکی سازشی بۆ پۆستی سەرۆکوەزیران کردووە و لە بەربژێربوون کشاوەتەوە

گوتارخوێنی نەجەف دەڵێت، کۆماری ئیسلامیی ئێران "هێزی هەرەدیاری" ناوچەکەیە و ئەو پەرەسەندنانەی ئێستا دەگوزەرێن، دەبنە هۆی یەکڕیزیی زیاتری گەلی ئێران و تێکشکانی ئیسرائیل لە ناوچەکەدا.

بەگوێرەی ئەو زانیارییانەی تۆڕی میدیایی رووداو لە سەرچاوەیەکی نێو چوارچێوەی هاوئاهەنگی و نووسینگەی نووری مالیکی دەستی کەوتووە، چوارچێوەی هاوئاهەنگی نووری مالیکی بۆ پۆستی سەرۆکوەزیرانی عێراق بەربژێر کردووە.

لە گوندێکی ناحیەی سەرسنگی ئامێدی، سێ ئەندامی خێزانێک بەهۆی هەڵمژینی غازی خەڵووزەوە شەوی رابردوو گیانیان لەدەستدا. بەگوێرەی تەندروستیی ئامێدی، خێزانەکە شوان بوون.

وەزارەتی دەرەوەی ئوردن نێوەڕۆکی کۆبوونەوەی ئەیمەن سەفەدی، جێگری سەرۆکوەزیران و وەزیری دەرەوەی وڵاتەکەی لەگەڵ تۆم باراک، نێردەی تایبەتی ئەمریکا بۆ کاروباری سووریا بڵاوکردەوە و دەڵێت، عەممان و واشنتن بەردەوامن لە هاوئاهەنگییەکانیان بۆ پاڵپشتیکردنی هەوڵەکانی حکومەتی سووریا.

باڵیۆزخانەی عێراق لە مۆسکۆ رەتیدەکاتەوە کێڵگەی نەوتی رۆژئاوای قورنە 2 "خۆماڵی" کرابێت و رایدەگەیێنێت، کێڵگەکە هەر لە سەرەتاوە موڵکی دەوڵەت بووە، بەڵام بەهۆی سزاکانی ئەمریکاوە بەڕێوەبردنەکەی لە لۆک ئۆیلەوە بۆ کۆمپانیای نەوتی بەسرە گواستراوەتەوە

فەرماندەیی ئاسایشی ئێزیدخان سەرکۆنەی هێرشەکانی سەر گەڕەکە کوردنشینەکانی حەلەب دەکات و دەڵێت، ئەو لایەنانەی لەپشت هێرشەکەوەن، "هەمان ئەو گرووپانەن ساڵی 2014 جینۆسایدی ئێزدییەکانیان کرد."

سەرۆکوەزیرانی عێراق رایدەگەیێنێت، عێراق لەبەردەم وەرچەرخانێکی مێژووییدایە و دوای رێککەوتن لەسەر کۆتاییهێنان بە ئەرکی هاوپەیمانیی نێودەوڵەتی و یونامی، هەموو پێویستییەکانی "سەروەریی تەواو"یان بەدەستهێناوە

وڵات مەعمۆ، ئەندامی تیمی تەندروستیی شێخ مەقسوود بە تۆڕی میدیایی رووداوی راگەیاند، لە دوێنێ بەیانییەوە نانیان نەخواردووە. دەشڵێت، "لە گەڕەکی شێخ مەقسوود ئاوی خواردنەوەمان هەیە، بەڵام خواردنمان نییە."

راپۆرتێکی دەزگای هەواڵگریی عێراق بۆ تۆڕی میدیایی رووداو نێردراوە و تێیدا هاتووە: "ساڵی 2025 گۆڕانکاریی ستراتیژی لە سرووشتی ئەو ئەرکانەدا هەبووە کە دەزگای هەواڵگریی نیشتمانیی عێراق جێبەجێی کردوون." بەگوێرەی راپۆرتەکە، ئەرکەکانی دەزگای هەواڵگری "جووڵەی دیپلۆماسی-ئەمنی و ئۆپەراسیۆنی بەئامانجگرتنی سەرکردەی رێکخراوە تووندڕۆکان و تۆڕەکانی تاوانی رێکخراو بوون، ئەوەش بە هاوئاهەنگی لەگەڵ هاوبەشە نێوخۆیی و نێودەوڵەتییەکان."

چەند رۆژێکە ناجێگیریی بەهای دینار لە بازاڕەکانی عێراق و هەرێمی کوردستان بەردەوامە. بەرپرسێکی بانکی ناوەندیی عێراق دەڵێت، بانکەکەیان هیچ ویستێکی بۆ گۆڕینی نرخی دینار نییە، هۆکارەکەش بۆ جێبەجێکردنی گومرگی پێشوەختە دەگەڕێنێتەوە

بەڕێوەبەری سۆمۆ دەڵێت، گرێبەست لەگەڵ کۆمپانیا راوێژکارییەکە کراوە و تێچووی بەرهەمهینانی نەوت لە کێڵگەکانی هەرێمی کوردستان دیاری دەکات. دڵنیاییش دەدات، جارێکی دیکە هەناردەکردن راناوەستێت

کەتیبەکانی حزبوڵڵای عێراق لە پەیامێکدا رایگەیاند، عێراق پێویستی بە حکومەتێکە خاوەنی بڕیاری خۆی بێت و دەسەڵاتی بەسەر خاک و ئاسمانی وڵاتدا هەبێت، هاوکات هۆشداریش دەداتە بەشێک لە دادوەران و فەرماندە سەربازییەکان.

ئەمینداری گشتیی پەرلەمانی عێراق دەڵێ، رۆژی دووشەممە دوایین وادەی خۆبەربژێرکردنە بۆ پۆستی سەرۆککۆمار و تاوەکو ئێستاش کەس خۆی بەربژێر نەکردووە

وەزارەتی بەرگریی ئیمارات دەڵێ، پڕۆسەی کشاندنەوەی سەرجەم هێزە چەکدارەکانی وڵاتەکەی لە یەمەن کۆتایی هاتووە

وەزارەتی دەرەوەی ئێران لێدوانەکانی سەرۆک و بەرپرسانی دیکەی ئەمریکا لەبارەی دۆخی وڵاتەکەی بە "دەستوەردان" ناودەبات و رایدەگەیێنێت، هەر ناسەقامگیرییەک کە بەهۆی ئەم دۆخەوە رووبدات لە ئەستۆی ئەمریکا دەبێت

ژووری ئۆپەراسیۆنی سەر بە ناوەندی هاوبەشی هەماهەنگیی قەیرانەکان (JCC) لە وەزارەتی ناوخۆ، ئاماری بارانبارینی 12 کاژێری رابردووی لە باشووری کوردستان بڵاوکردەوە. بەپێی ئامارەکە، زۆرترین باران لە دەربەندیخان باریوە

دوای بڵاوبوونەوەی ڤیدیۆیەکی ئاهەنگی شەوی سەری ساڵ لە بەسرە کە تێیدا دەردەکەوێ کۆمەڵە گەنجێک گێچەڵ بە کچێک دەکەن، هێزە ئەمنییەکانی پارێزگای بەسرە 17 کەسیان دەستگیر کرد. جێگری پارێزگاری بەسرە دەڵێت، "رێگە نادەین ئادابی گشتی و ئاسایشی کۆمەڵایەتی بشێوێندرێت."

وەزارەتی نەوتی عێراق دەڵێت، ئەم ساڵ 50 ملیۆن لیتر نەوت بۆ هەرێمی کوردستان دابین دەکەن. ئاماژە بەوەش دەکات، 85%ی ئەو خێزانە عێراقییانەی ناویان تۆمار کردووە، نەوتی سپییان وەرگرتووە

لە دیالە بەهۆی کێشەیەکی کۆمەڵایەتی لەنێوان دوو خێزان شەڕەتەقە دروستبوو. بە گوتەی پۆلیسی دیالە، 5 کەس کوژراون

هێزەکانی سووریای دیموکرات (هەسەدە) دەڵێت، بە هاوبەشی لەگەڵ هێزەکانی هاوپەیمانیی نێودەوڵەتی، ئۆپەراسیۆنێکی ئەمنییان لە گوندێکی سەر بە شاری رەققە ئەنجامداوە و ئەندامێکی "مەترسیدار"ی داعشیان دەستگیرکردووە کە 'بەرپرسی دروستکردنی بۆمبی چێندراو' بووە.

یەکێتیی زانایانی ئایینی ئیسلامی کوردستان ئاماری کۆچی دوایی زانایانی ئایینی لە ساڵی رابردوودا بڵاوکردەوە و رایگەیاند، لە ماوەی ساڵی 2025دا 46 زانا و مامۆستای ئایینی لە هەرێمی کوردستان کۆچی دواییان کردووە.

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینییەکانی بۆ کەشوهەوای ئەمشەو و سبەی بڵاوکردەوە. بەپێی راپۆرتەکە، شەپۆلێکی بەفربارین ناوچە شاخاوییەکان دەگرێتەوە و پلەکانی گەرما لە هەندێک ناوچە بۆ 7 پلەی ژێر سفر دادەبەزن.

عومرەکارێک لە شاری مەدینەی سعودیە گیانی لەدەستدا. گوتەبێژی بەڕێوەبەرایەتیی حەج و عومرە دەڵێت، بەهۆی نەخۆشییەوە بووە.

بۆ جاری دووەم، تیکتۆکەری بەنێوبانگی عێراقی ناسراو بە "حسحس"، لەلایەن وەزارەتی ناوخۆی عێراقەوە دەستگیرکرا.

بەڕێوەبەری ئاسایشی ئەلیکترۆنی لە وەزارەتی ناوخۆی عێراق دەڵێ، لە ساڵی 2025دا چەندین هەوڵی هاكکردن و هێرشی ئەلیکترۆنی بۆسەر سیستمە ئەلیکترۆنییەکانی وەزارەتەکەیان هەبوون، بەڵام توانراوە شکستیان پێبهێندرێ.

بڕیارە مانگی داهاتوو پێشانگەیەکی کاڵا و بەرهەمی سووریا لە هەرێمی کوردستان بکرێتەوە. دامەزراوەی گشتیی پێشانگەی نێودەوڵەتیی دیمەشق بۆ پێشەنگە و بازاڕی نێودەوڵەتی لە هەژماری خۆی لە تۆڕی کۆمەڵایەتیی فەیسبووک ریکلام بۆ بەشداریکردن لە پێشانگەکەدا دەکات، بەڵام سەرەتا لە رێکلامەکەدا تەنیا ئاڵای عێراق و سووریا بەکارهێنرابوو. دوای بەدواداچوونی رووداو، ئاڵای کوردستانیش لە پۆستەرەکەدا زیادکرا.

لایەنەکانی چوارچێوەی هاوئاهەنگی لەسەر دیاریکردنی بەربژێری سەرۆکوەزیرانی عێراق رێکناکەون. گوتەبێژی هاوپەیمانییەکەی عەبادی دەڵێ، نووری مالیکی سازش بۆ محەممەد شیاع سوودانی ناکات و سوودانیش بە رێگەچارەی دیکە رازی نییە.

لەبارەی شەپۆلی بارانبارینەکەی ئەم دواییە، کە عێراق و هەرێمی کوردستانی گرتەوە، وەزیری کشتوکاڵی عێراق دەڵێت، بارانی باش باریوە، بەڵام قەرەبووی ئەو بڕەی نەکردووەتەوە، کە دەبوو لە تورکیاوە پێیان بگات.

فەرهاد ئەترووشی دوای هەڵبژاردنی بە جێگری دووەمی سەرۆکی پەرلەمانی عێراق گوتی، قۆناخی داهاتوو هەڵبژاردنی سەرۆککۆمارە.

گەڕی دووەمی دەنگدان بە جێگری دووەمی سەرۆکی پەرلەمانی عێراق کۆتایی هات و هیچ بەربژێرێک دەنگی پێویستی بەدەستنەهێنا و دەنگدان دەچێتە گەڕی سێیەم.

ململانێی سەرەکی لەنێوان تەقەدووم و هاوپەیمانیی عەزمە. تەقەدووم رژدە لەسەر بەربژێرکردنی محەممەد حەلبووسی، لە بەرامبەردا بەشێک لە لایەنەکانی دیکە پشتیوانی لە بەربژێرکردنی موسەننا سامەڕایی دەکەن. ئەگەر هێزە سوننەکان لە کۆبوونەوەی ئەمشەودا نەگەنە رێککەوتن، پێشبینی دەکرێ ئەم جیاوازییە درێژە بکێشێت و بە دوو بەربژێری جیاواز بچنە دانیشتنەکەی سبەی.

"هەڵەتێگەیشتن لە پرسی گومرگی پێشوەختە هەیە"

ئەندامێکی چوارچێوەی هاوئاهەنگی پشتڕاستی کردەوە کە شەوی رابردوو بافڵ تاڵەبانی بەشداری لە کۆبوونەوەکەدا کردووە و گوتی: "سەردانەکەی ئاسایی بوو و گفتوگۆی برایانەمان کرد."

سوننەکان لەسەر دیاریکردنی بەربژێرێک بۆ پۆستی سەرۆکی پەرلەمان رێکنەکەوتوون و ناکۆکیشیان هەیە. سەرکردەیەکی عەزم دەڵێت، "چوارچێوەی هاوئاهەنگی و پارتی حەلبووسییان ناوێت." کەسایەتییەکی نزیکی حەلبووسیش دووپاتی دەکاتەوە، "تاکە بەربژێرمان حەلبووسییە."

لویس ساکۆ داوا لە موقتەدا سەدر دەکات روونکردنەوەیەک بڵاوبکاتەوە بۆ "هێورکردنەوەی دۆخەکە"، ئەمەش دوای ئەو مشتومڕەی لەبارەی دەستەواژەی "ئاساییکردنەوە" لە گوتارێکی ساکۆدا دروستبوو.

بەگوێرەی زانیارییەکانی ئەرکان عەلی، پەیامنێری رووداو لە سلێمانی، دوانیوەڕۆی ئەمڕۆ کەسێک لە هۆتێلێکی نزیک مزگەوتی گەورە بە کوژراوی دۆزراوەتەوە و لەلایەن ئاسایشەوە لێکۆڵینەوە لە رووداوەکە دەکرێت.

ئەمڕۆ چوارچێوەی هاوئاهەنگی کۆبوونەوەیەک دەکات و چاوەڕوان دەکرێ پرسی پۆستی سەرۆکوەزیران و جێگری سەرۆکی پەرلەمان یەکلایی بکاتەوە. ئەندامێکی چوارچێوەکە دەڵێ: "بڕیاری گرنگ و گرنگ دەدرێ". ئەندامێکی مەکتەبی سیاسی رەوتی حیکمەش ئاماژە بەوە دەکات، دەبێت بە سازان و رێککەوتن یان بە دەنگدان کەسێک یەکلایی بکرێتەوە.

وەزارەتی کشتوکاڵی عێراق ئەو دەنگۆیانە رەتدەکاتەوە کە باس لە هاوردەکردنی کا لە بەرازیلەوە بە بەهای 1.3 ملیار دۆلار دەکەن و رایدەگەیێنێت، ئەو بڕە پارەیە تێچووی چەندین بەرهەمی دیکە بووە.

جەمال رەشید، نووسەر و رۆژنامەڤان لە تەمەنی 78 ساڵی لە سوێد کۆچی دوایی کرد. برایەکی دەڵێ، دکتۆر جەمال 50 ساڵ بوو لە دەرەوە دەژیا، ئامادەنەبوو بگەڕێتەوە بۆ سلێمانی، چونکە نەیدەویست "ببێتە بەشێک لەو سیستمە حوکمڕانییەی لەو سنوورە هەیە".

چوارچێوەی هاوئاهەنگی دەڵێ، "بە تووندترین شێوە سەرکۆنەی ئەو تاوانە تیرۆریستییە دەکەین کە نوێژخوێنانی لە مزگەوتی ئیمام عەلی کوڕی ئەبی تالیب (سڵاوی خوای لێبێت) لە شاری حمسی سووریا کردە ئامانج و لە ئەنجامدا ژمارەیەکی زۆر هاووڵاتی بوونە قوربانی."

وەزارەتی تەندروستیی سووریا ئامارێکی نوێی لەبارەی تەقینەوەکەی شاری حمس بڵاوکردەوە و رایگەیاند، ژمارەی گیانلەدەستدان بۆ 8 کەس بەرزبووەتەوە.

راوێژکارێکی سەرۆکی سووریا دەڵێ، بژاردەکان لەگەڵ هێزەکانی سووریای دیموکرات (هەسەدە) کەمبوونەتەوە؛ ئاماژە بەوەش دەکات، دەبێت هەسەدە بەرپرسیارێتیی جێبەجێنەکردنی رێککەوتنی 10ی ئادار لەئەستۆ بگرێ.

بەڕێوەبەرایەتیی گشتیی بەرگریی شارستانیی عێراق رێنمایی تایبەت بە بەکارهێنانی یارییە ئاگرینەکان لە شەوی سەری ساڵ بڵاوکردەوە و دەڵێت، تەقاندنی یارییە ئاگرینەکان بە شێوەی ئاسۆیی قەدەخەیە و ئاماژە بەوەش دەکات، هەر کەس سەرپێچی رێنماییەکان بکات "دەستگیر دەکرێ".

گرووپێکی چەکدار بەناوی سەرایا ئەنسارولسوننە بەرپرسیارێتیی ئەو تەقینەوەیەی گرتەئەستۆ کە ئەمڕۆ لە نێو مزگەوتێکی شاری حمسی سووریا روویدا و هەڕەشەی بەردەوامیی هێرشەکان دەکات.

وەزارەتی دەرەوەی عێراق دەڵێ، "بە تووندی سەرکۆنەی ئەو هێرشە تیرۆریستییە" دەکات ئەمڕۆ کرایە سەر نوێژخوێنانی مزگەوتێک لە شاری حمسی سووریا و ژمارەیەک قوربانی لێکەوتەوە.

بەڕێوەبەری کۆمپانیای سۆمۆ دەڵێ، هەرسێ لایەنی رێککەوتنی هەناردەکردنەوەی نەوتی هەرێمی کوردستان بڕیاریانداوە کە رێککەوتنە واژۆکراوەکە تاوەکو سێ مانگی دیکە نوێ بکرێتەوە.

پێشبینی دەکرێ لە سەرەتای هەفتەی داهاتووەوە شەپۆلێکی بەفر و باران هەرێمی کوردستان بگرێتەوە. سەرۆکی بەشی پێشبینیی کەشناسی لە دەستەی کەشناسیی عێراق پێشبینی دەکات، بڕێکی باش باران ببارێ و لە چەند ناوچەیەکیش بەفر ببارێ.

راوێژکاری ئاسایشی نیشتمانیی عێراق بە تۆڕی میدیایی رووداوی راگەیاند، سەدان عێراقی لە شەڕی رووسیا و ئۆکراینا بەشدارن و لیژنەیەکیان بۆ گەڕاندنەوەیان پێکهێناوە. سەرۆکی ئەنجوومەنی باڵای دادوەریش هۆشداری دەداتە ئەو کەسانەی بەبێ مۆڵەت دەچنە ریزی سوپای وڵاتانی دیکە و دەڵێت: "سزای زیندانیکردنیان هەیە."

سەرۆکی ئەنجوومەنی باڵای دادوەریی عێراق لە رێگەی رووداوەوە ناوی ئەو گرووپە چەکدارانە ئاشکرا دەکات کە بەڵێنی کارکردنیان بە سنووردارکردنی چەک لە دەستی دەوڵەت داوە؛ دەشڵێت، پەیوەندییە 'ئەرێنییەکەمان' لەگەڵ نێچیرڤان بارزانی، سەرۆکی هەرێمی کوردستان هاوکار بووە لە چارەسەرکردنی زۆرێک لە پرسە هەڵپەسێردراوەکانی نێوان هەولێر و بەغدا.

حکومەتی عێراق لە هەوڵی جێبەجێکردنی داواکارییەکانە بۆ ئەوەی سزا ئەورووپییەکانی سەر هێڵی ئاسمانی هەڵبگیرێن. گوتەبێژی وەزارەتی گواستنەوە دەڵێ، دیار نییە کەی هەموو رێکار و هەنگاوەکان تەواو دەبن.

سەرۆکی لیژنەی کشتوکاڵی پارێزگای زیقار دەڵێ، بەهۆی شەپۆلی ئەم دواییەی بارانبارینەوە ئاستی ئاو لە زۆنگاوەکان بەشێوەیەکی بەرچاو بەرزبووەتەوە و ئاماژە بەوەش دەکات، ئەم بەرزبوونەوەیەی ئاو "ئومێدی لای دانیشتووانی ناوچەکە، بەتایبەتی ئاژەڵداران و جووتیاران بۆ بووژانەوەی ژینگەیی و ئابووری دروستکردووە."

وەزارەتی کشتوکاڵی عێراق دەڵێ، بە هاوئاهەنگی هەرێمی کوردستان کار بۆ پڕکردنەوەی پێویستییەکانی نێوخۆ لە بەرهەمی ئاژەڵ دەکەن. بەپێی ئاماری وەزارەتەکەش، عێراق ئێستا خاوەنی زیاتر لە 17 ملیۆن سەر مەڕ، بزن، گامێش، مانگا و حوشترە.

موقتەدا سەدر لیژنەیەک بۆ بەدواداچوونی دەستگیرکراوان و داواکراوانی رەوتەکەی پێکدەهێنێت. ئەندامێکی رەوتەکەش دەڵێت، گرنگترین کاری لیژنەکە بەدواداچوونە بۆ دۆسیەی داواکراوان.

هێزەکانی ئاسایشی ناوخۆی حەلەب، کە سەر بە بەڕێوەبەرایەتیی خۆسەرن، رایگەیاند، گەڕەکەکانی شێخ مەقسوود و ئەشرەفییە لە شاری حەلەب کەوتنە بەر هێرشێکی تووندی مووشەکی و تۆپبارانی گرووپە چەکدارەکانی سەر بە حکومەتی سووریا.

ئەمڕۆ دووشەممە، تیمی دەزگای روانگە بە ئامادەبوونی سەرۆکی زانکۆی موسڵ، قۆناخی سێیەمی پڕۆژەکەی لە گۆڕەپانی زانکۆی موسڵ جێبەجێکرد و 3500 درەختی دیكەی چاند.

لە شاری حەلەب پێکدادان لەنێوان هێزەکانی سووریای دیموکرات (هەسەدە) و گرووپە چەکدارەکانی سەر بە حکومەتی سووریا دروستبوو؛ دیمەشق دەڵێت هەسەدە "غەدری لێکردوون"، هەسەدەش دەڵێت، گرووپەکانی دیمەشق بە چەکی قورس گەڕەکەکانیان بۆردوومان دەکەن.

کێ بەهێزترین بەربژێرە بۆ سەرۆکی پەرلەمان؟

بەپێی لێکدانەوە فەلەکییەکانی ناوەندێکی فەلەکناسیی میسری، یەکەم رۆژی مانگی رەمەزانی ساڵی 2026 لە 18ی شوباتدا دەبێت.

بافڵ تاڵەبانی: پەرۆشین بۆ گەیشتن بە حکومەتێکی نیشتمانیی خزمەتگوزار

هێزەکانی پاسەوانی سنووری عێراق 18 کەسیان دەستگیرکرد، هەوڵیان دابوو بە شێوەیەکی نایاسایی لە دهۆک و سلێمانییەوە بچنە نێو خاکی عێراقەوە.

مەکتەبی سیاسیی یەکێتی لە هەولێر و میران بەکر، رۆژنامەڤان و سکرتێری پێشووی وەزیری پێشمەرگە، دوو گێڕانەوەی جیاواز بۆ رووداوەکەی شەوی رابردوو بڵاودەکەنەوە.

دەزگای ئاسایشی نیشتمانیی عێراق دەستگیرکردنی یەکێک لە "مەترسیدارترین" سەرکردەکانی رێکخراوی داعش رادەگەیێنێت، کە پسپۆڕی تەقینەوە بووە و لە وڵاتێکی دراوسێوە گەڕاوەتەوە.

لە بەشێکی نووسینگەکانی ئاڵوگۆڕی دراودا جیاوازی لەنێوان نرخی دۆلاری سپی و شین هەیە

راوێژکاری ئاسایشی نیشتمانیی عێراق پیرۆزبایی لە یانەی وەرزشیی زاخۆ دەکات بەبۆنەی وەرگرتنی خەڵاتی "باشترین هاندەری جیهان" لەلایەن فیفاوە و دەڵێت، ئەو دەستکەوتە بەرجەستەکردنی واتاکانی مرۆڤایەتییە.

ئەمڕۆ یەکەم گەشتی فڕۆکە لە ئەسینای پایتەختی یۆنانەوە دەگاتە بەغدا. راوێژکارێکی سوودانیش دەڵێت، سزاکانی ئەورووپاش لەسەر هێڵی ئاسمانیی عێراق بۆ شەس مانگی دیکە درێژکراونەتەوە.

پارێزگاری کەرکووک رایگەیاند، ئەو لافاوەی چەند رۆژێک لەمەوبەر لە چەند شوێنێکی پارێزگاکە دروستبوو، بووە هۆی رووخانی چەندین پرد و وێرانبوونی ژێرخانی ئاوەڕۆ. هۆکاری لافاوەکەی لەیلانیش بۆ پڕکردنەوەی شیوەکان بە زێدەڕۆیی گەڕاندەوە.

هەردوو کۆمپانیای دانەگاز و نەوتی هیلال لە چوارچێوەی هاوپەیمانیی پیڕڵ پترۆلیۆم، بڕی دوو ملیۆن دۆلار وەک هاوکاری بۆ زیانلێکەوتووانی لافاوەکەی چەند رۆژی رابردووی قەزای چەمچەماڵ تەرخان دەکەن

فڕۆکەخانەی بەغدا بەهۆی تەمەوە بۆ 8 کاژێر داخرا و بەو هۆیەوە 15 گەشت دواخران، کە دووانیان بۆ هەولێر و سلێمانی بوون

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان دەڵێ، کاریگەریی ئەو شەپۆلە بارانبارینەی رووی لە ناوچەکە کردووە سبەی کۆتایی دێ، بەڵام بەرەبەیانی سبەی تەم دروست دەبێت

گوتەبێژی وەزارەتی ناوخۆی سووریا دەڵێ، هێزەکانیان هاوپەیمانیی نێودەوڵەتیی دژی داعشیان لە ئەگەری هێرشی داعش لە بیابانەکان ئاگادار کردبووەوە، بەڵام هۆشدارییەکەیان بە هەند وەرنەگرت

بەرنامەی نەتەوە یەکگرتووەکان بۆ گەشەپێدان (UNDP) راپۆرتی ساڵی 2025ی گەشەپێدانی مرۆیی بڵاوکردەوە، تێیدا عێراق بەراورد بە ساڵی رابردوو دوو پلە چووەتە پێشەوە و داهاتی تاکیشی زیادیکردووە

وەزارەتی سەرچاوەکانی ئاوی عێراق دەڵێ، لەم شەپۆلە بارانبارینەدا توانیویانە بە سەرکەوتوویی کارەکانیان راپەڕێنن و زیاتر لە 750 ملیۆن مەتر سێجا ئاو لە بەنداوەکاندا گلبدەنەوە

لە ئەنجامی تەقینەوەیەک کە لە کاتی ئاهەنگێکی بووک گواستنەوە لە شارۆچکەی عابدینی رۆژئاوای دەرعای سووریا روویدا، 33 هاووڵاتی بریندار بوون

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان دەڵێ، کاریگەریی نزمەپەستانی دەریای سپیی نێوەڕاست بەردەوام دەبێت و "پێشبینی دەکرێ ئەمشەو و سبەی نمەباران لە سەرجەم ناوچەکان بەردەوام بێ، لە هەندێک ناوچەش بڕێکی باش باران دەبارێ."

لە گەڕەکێکی ناحیەی شۆڕشی سنووری قەزای چەمچەماڵ، هاونیشتمانییان بە ئاگرکردنەوە لە حەوشەی ماڵەکانیان خۆیان گەرم دەکەنەوە. هەردی محەممەد، پەیامنێری رووداو لە گەڕەکێکی شۆڕش قسەی لەگەڵ هاونیشتمانییان کرد و داوای هاوکاری لە حکومەت و خێرخوازان دەکەن

سیمای بەشێک لە چەمچەماڵ بە تەواوی گۆڕاوە. دوای ئەو شەپۆلە بەهێزەی بارانبارین و دروستبوونی لافاو، ئێستا ئەنجامە تاڵەکان دەردەکەون. دەیان ئۆتۆمبێل تێکشکاون و ئاو چووەتە نێو سەدان ماڵ و دووکانەوە. هاونیشتمانیان باس لەوە دەکەن کە زیانەکان ئەوەندە زۆرن، بە قەرەبوکردنەوەی ئاسایی پڕ نابنەوە. رووداو دەنگی چەندین هاونیشتمانی گەیاند و خێرخوازانیش بەهانایانەوە چوون

عەبدوڵڵا کوێخا موبارەک رەتی دەکاتەوە شەڕە تەقەکەی ئەمڕۆی چەمچەماڵ "پیلانگێڕی" یان "کێشەی کۆمەڵایەتی" بووبێت و دەڵێ، رووداوەکە تەنیا بەهۆی پابەندنەبوونی دوو پێشمەرگە بووە بە رێکارەکانی نۆرەگرتن بۆ وەرگرتنی هاوکاری

سەرۆکی کۆمیسیۆنی خزمەتگوزاری و بووژاندنەوەی چەمچەماڵ دەڵێت، زیاتر لە 10 دەزگا و رێکخراوی خێرخوازی و حکومی کەلوپەل و پێداویستی بەسەر هاونیشتمانییانی چەمچەماڵ دابەش دەکەن

سامان سیوەیلی، گوتەبێژی وەزارەتی پەروەردەی هەرێمی کوردستان بە تۆڕی میدیایی رووداوی راگەیاند، دوو لیژنەکە لە پەروەردەی سلێمانی پێکهێنراون و راسپێردراون بەوەی تاوەکو رۆژی یەکشەممە راپۆرتێک لەبارەی زیانەکانی لافاوەکە بە قوتابخانە و ناوەندە پەروەردەییەکانی سنوورەکە ئامادە بکەن.

وەزارەتی تەندروستیی عێراق دەڵێت، لە رۆژی 9 تاوەکو 11ی مانگ، شەش کەس بەهۆی بارانبارین و لافاو گیانیان لە دەستداوە و دوو کەسیش برینداربوون.

بەرێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاندووە، لە سبەی هەینییەوە شەپۆلێکی بارانبارین روو لە ناوچە جیاوازەکانی هەرێمی کوردستان دەکات و لە ناوچە شاخاوییە سنوورییەکانیش بەفر دەبارێت.

بەڕێوەبەرایەتیی هاتوچۆی چەمچەماڵ داوا لەو هاونیشتمانییانە دەکات کە بەهۆی لافاوەکەوە ئۆتۆمبێلەکانیان زیانی بەرکەوتووە، سەردانیان بکەن. دەشڵێت، لە رۆژی هەینییەوە لیژنەیەک بۆ تۆمارکردنی ناوەکان دەستبەکار دەبێت.

پرسی گرووپە چەکدارەکان و کۆکردنەوەی چەک لەدەستی دەوڵەتدا بە کراوەیی بۆ حکومەتی داهاتوو جێهێڵدراوە. ئەمە گوتەی بەرپرسێکی رەوتی حیکمەی نیشتمانییە و گوتیشی، 'حکومەت زانیاریی وردی لەسەر گرووپە چەکدارە لەیاسا دەرچووەکان هەیە'. گوتەبێژی کەتیبەکانی سەیدولشوهەداش دەڵێت، 'پێموانییە هیچ لایەنێکی نێوخۆیی کێشەی لەگەڵ چەکی بەرەی مقاوەمە هەبێت'.

بەگوێرەی راپۆرتێکی ئاماری ژینگەیی عێراق، پشکنین بۆ زیاتر لە 24 هەزار نموونەی ئاوی خواردنەوەی پارێزگاکانی عێراق کراوە، زیاتر لە 12 هەزاریان لە پشکنین دەرنەچوون و ئاوەکە شیاوی خواردنەوە نەبووە.

ناوەندی ستراتیژی بۆ مافەکانی مرۆڤ لە عێراق دەڵێت، رێژەی قەرەباڵخی نێو بەشێکی زیندانەکان نزیکەی 200٪ـە. بەڵام وەزارەتی دادی عێراق رەتیدەکاتەوە و ئاماژە بەوە دەکات، لەڕێگەی کردنەوە و نۆژەنکردنەوەی ژمارەیەک گرتووخانەوە، توانیویانە رێژەی قەرەباڵخی لە 300%ـەوە بۆ 120% دابەزێنن.

ئالان هێمن، ئەو گەنجەی کە لە تەکیەی سنووری چەمچەماڵ ئاو بردی و گرتەڤیدیۆی رزگارکردنەکەی تۆڕەکۆمەڵایەتییەکانی تەنی، چیرۆکەکەی بۆ رووداو دەگێڕێتەوە و دەڵێت، لافاوەکە هێندە بەهێز بوو، هەناسەم بڕا و چەند جارێک شایەتومانم هێنا.

بەرەی گەل لە ڕاگەیێنراوێکدا وەڵامی قسەکانی نوێنەری نەتەوە یەکگرتووەکان لە عێراق دەداتەوە کە لە دیمانەیەکدا لەگەڵ تۆڕی میدیایی رووداو کردبوونی و رایدەگەیێنێت، سەرلەبەری قسەکانی ئەو نوێنەرە سەبارەت بە "سیستمی دادوەری" و "سیاسی نەبوونی دۆسیەکان" رەت دەکەنەوە.

ئەو شەپۆلە بارانبارینەی رووی لە عێراق و باشووری کوردستان کردووە، بووەتە هۆپی بەرزبوونەوەی ئاستی ئاوی رووبار و بەنداوەکان. بەڕێوەبەری بەنداوی موسڵ دەڵێت، ئاستی ئاوی بەنداوەکە بەڕێژەیەکی باش بەرزبووەتەوە

جێگری سەرۆکوەزیران و وەزیری نەوتی عێراق دڵنیایی لە واژۆکردنی گرێبەستی نوێ بۆ بۆریی عێراق – تورکیا دەدات و دەشڵێت، زیاتر لە 13 ملیۆن بەرمیل نەوتی هەرێمی کوردستان لەڕێی جەیهانەوە هەناردە کراوە. لەبارەی گازی هاوەڵیشەوە ئاماژە بەوە دەکات، تاوەکو کۆتایی 2029 سووتاندنی گاز دەگەیێننە سفر

لافاو چەندین ناوچەی هەرێمی کوردستانی گرتووەتەوە. بەرگریی شارستانیی هەرێمی کوردستان دەڵێت، دوو کەس گیانیان لەدەستداوە و زیانێکی زۆری مادیش بە هاونیشتمانییان گەیشتووە.

بەڕێوەبەرایەتیی هاتووچۆی سلێمانی شۆفێران ئاگادار دەکاتەوە، بەهۆی بارانبارینی بەلێزمە لە رێگەی سلێمانی- بازیان ئاستەنگێکی زۆر دروستبووە و "داواکاریین تا ئاسایبوونەوەی کەشوهەوا ئەم رێگەیە بەکارنەهێنن".

وەزارەتی گەیاندنی عێراق رایگەیاند بۆ "رێگری لە تێکدانی لە سەقامگیری خێزانی و کۆمەڵایەتی" و "پاراستنی کۆمەڵگە و خێزانی عێراقی"، بڕیاری قەدەخەکردنی یاریی ئەلیکترۆنیی لودۆیان داوە. وەزارەتی گواستنەوە و گەیاندنی هەرێمی کوردستانیش دەڵێت، تاوەکو ئێستا یارییەکە لە هەرێمی کوردستاندا باو نییە بۆ ئەوەی پێویست بکات قەدەخە بکرێت.

بەرپرسێکی بەڕێوەبەرایەتیی کشتوکاڵ دەڵێت، ئەم شەپۆلە بارانە سوودی زۆر دەبێت، بەڵام تاوەکو نێوەڕاستی مانگی داهاتوو، هێشتا پێویستمان بە چەند شەپۆلێکی دیکەی بارانە. شارەزایەکی کەشناسیش دەڵێت، "هیچ ترسێکی وشکەساڵی نەماوە."

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاندووە، کاریگەری شەپۆلێکی بارانبارین رووی لە ناوچەکە کردووە و سبەی سێشەممە کاریگەرییەکەی بەهێزتر دەبێت، بەتایبەت لە ناوچەکانی گەرمیان، سلێمانی و هەولێر، کە ئەگەری بەرزبوونەوەی ئاستی ئاو و روودانی لافاو هەیە.

ئیدارەی سەربەخۆی گەرمیان دەڵێت، بەهۆی پێشبینیی هاتنی شەپۆلێکی بەهێزی بارانبارین و لەپێناو سەلامەتیی هاونیشتمانییان، سبەی لە سەرجەم دامودەزگاکانی سنوورەکەیان پشوو دەبێت.

قوباد تاڵەبانی، سەرپەرشتیاری سکرتاریەتی مام جەلال رایگەیاند، نابێت بودجەی هەرێمی کوردستان بخرێته‌ چوارچێوه‌ی ناكۆكی و ململانێ سیاسییه‌كانه‌وە.

وەزارەتی دارایی عێراق وەڵامی لێدوانەکانی پەرلەمانتارێک دەداتەوە و رەتیدەکاتەوە خەرجیی مانگانەی مووچە 8.5 ترلیۆن دینار بێت. جەختیش دەکاتەوە کە ئەو "دوو ترلیۆن"ـەی باس دەکرێت کورتهێنان نییە، بەڵکو پارەی تەرخانکراوە بۆ مانگی داهاتوو.

سەرۆکی فەرمانگەی پەیوەندییەکان و راگەیاندن لە وەزارەتی ناوخۆی عێراق دەڵێ، بەشێکی زۆری ئەو باڵۆنانەی مادەی هۆشبەریان هەڵگرتووە و دەنێردرێنە ئاسمانی عێراق لە سووریاوە هەڵدەدرێن؛ ئاماژە بەوەش دەکات، عێراق نەبووەتە بەرهەمهێنی مادەی هۆشبەر و هێشتا وەک رێڕۆ لەلایەن بازرگانانەوە بەکاردەهێنرێ.

د. مەروان رایگەیاند، یەکێک لەو هۆکارانەی کە زیانی گەورەی بە پڕۆسەی بە پەروەردە و خوێندنی سووریا گەیاند، کۆچکردنی ئەکادیمییەکان بووە، "زۆربەی زانکۆکان بەلایەنی کەمەوە 50٪ی ئەکادیمییەکانیان لەدەستدا."

ئەنجوومەنی راگەیاندنی کەتائیبی سەیدولشوهەدا لە راگەیێندراوێکدا وەڵامی ئەو دەنگۆیانە دەداتەوە باس لە تێوەگلانیان دەکەن لە رووداوەکانی ئەم دواییەی قەزای خەباتی سەر بە پارێزگای هەولێر و رایدەگەیێنێت: "ئەو تۆمەتانە بێ بنەمان و بەشێکن لە هەڵمەتێکی رێکخراو دژی ئێمە."

حکومەتی عێراق لە رێگەی وەزارەتی ژینگەوە بەڵگەنامەی بەشدارییە نیشتمانییە دیاریکراوەکانی لە کۆنفرانسی کۆپ 30 کە رۆژی 10 تا 21ی مانگی رابردوو لە بەرازیل بەڕێوەچوو، رادەستی نەتەوەیەکگرتووەکان کردووە

شۆفێرێک کۆنترۆڵی ئۆتۆمبێلەکەی لە چیای گۆیژەی سلێمانی لەدەستدا و سەرنشینەکان بریندار بوون

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان راپۆرتی پێشبینییەکانی بۆ رۆژانی 7 تاوەکو 11ی ئەم مانگە بڵاوکردەوە کە تێیدا هاتووە، بەهۆی کاریگەریی دوو نزمەپاڵەپەستۆی دەریای سوور و دەریای ناوەڕاست، کەشوهەوای هەرێمی کوردستان گۆڕانکاریی گەورەی بەسەردا دێت و هۆشداری دروستبوونی لافاو دەدات

سەرۆکوەزیرانی هەرێمی کوردستان بە سەردانێکی فەرمی گەیشتە ئیمارات و بڕیار وایە ژمارەیەک دیدار و کۆبوونەوە لەگەڵ بەرپرسانی ئەو وڵاتە ئەنجام بدات.

دوو کەس بە تۆمەتی تێوەگلانیان لە هێرشێکی سەر کێڵگەی کۆرمۆر لە 2023 لە دادگەی سلێمانی بە 15 ساڵ زیندانی کردن سزا دەدرێن. برای یەکێک لە سزادراوەکان دەڵێت، دوو دەستگیرکراوەکە لە ژێر ئەشکەنجە دانیان بە دروستیی هەندێک تۆمەتدا ناوە. دادگەی سلێمانیش دەڵێت، بەڵگەی تەواو و یەکلاکەرەوە لەنێو مۆبایلەکانیان هەبوون.

سەرۆکی یەکێتیی پیشەسازییەکانی عێراق رایدەگەیێنێت، ئێستا 40 هەزار کارگە و پڕۆژەی پیشەسازی لە عێراق کار دەکەن و ساڵانە بە بەهای زیاتر لە 300 ملیۆن دۆلار کەرەستە هەناردە دەکەن. ئاشکراشی دەکات، پلانێكیان داناوە لە دوو ساڵی داهاتوودا قەبارەی هەناردە بۆ سێ هێندە زیاد بکەن.

بەگوێرەی ئامارێکی فەرمی، لە 5 ساڵی رابردوودا زیاتر لە 17 هەزار خێزان لە 7 پارێزگای عێراق بەهۆی کاریگەرییەکانی گۆڕانی کەشوهەوا و بەبیابانبوونەوە ئاوارەبوون کە زۆربەیان خەڵکی دیوانییە و زیقارن. سەرۆکی لیژنەی کشتوکاڵ لە ئەنجوومەنی پارێزگای زیقار دەڵێ، ئاوی زۆنگاوەکان بۆ نزیکەی نیو مەتر کەمبووتەوە و ئەوەش وایکردووە ئەو خێزانانەی لە دەوروبەری ئەو زۆنگاوانەدا دەژین، ناچاربن کۆچ بکەن

گوتەبێژی وەزارەتی بازرگانیی عێراق دەستپێکردنی قۆناخی دووەمی پسووڵەی ئەلیکترۆنیی خۆراک لە چوار پارێزگا رادەگەیێنێت و دەڵێت، بەم نزیکانە لە هەرێمی کوردستان و سەرجەم پارێزگاکانی دیکەش دەستپێدەکات

عیزەت شابەندەر، سیاسەتڤانی ناسراوی عێراق و کەسایەتیی نزیک لە سوودانی دەڵێت، چوارچێوەی هاوئاهەنگی چاوی لە رۆڵێکی گەورەترە لەوەی ئێستای. ئاماژە بەوەش دەکات، بەپێی بنەمای لۆژیکی و سیستمی سیاسیی دیموکراسی لە عێراق، مافی گەورەترین فراکسیۆنی باشووری کوردستانە کە پۆستی سەرۆککۆمار وەربگرێت

گوتەبێژی وەزارەتی وزە و سامانە کانزاییەکانی ئوردن بە رووداوی راگەیاند، مانگانە 300 هەزار بەرمیل نەوتی خاو لە عێراقەوە بە 16 دۆلار کەمتر لە نرخی جیهانیی نەوتی برێنت هاوردە دەکەن. لەبارەی پێکەوەبەستنی کارەباش، گوتەبێژی وەزارەتی وزەی ئەو وڵاتە ئاشکرای کرد، سەرەتای ساڵی داهاتوو پڕۆژەی پێکەوەبەستنی هێڵی 200 مێگاواتی لەگەڵ عێراق تەواو دەبێت

ئەنجوومەنی باڵای دادوەری رایگەیاند، تاوەکو ئێستا 194,340 کەس لە یاسای لێبووردنی گشتی سوودمەندبوون و 81 ملیار دیناریش گەڕێندراوەتەوە خەزێنەی دەوڵەت.

بەشێکی مووچەخۆران لە رێگەی رووداوەوە گلەیی لە کەمیی ئامێری ATM و نەبوونی پارە لەنێو ئامێرەکانی بانکی ئیسلامیی عێراقی دەکەن. بەڕێوەبەری لقی هەولێری بانکەکەش دەڵێت، هاوئاهەنگییان لەگەڵ تیمی "هەژماری من" کردووە و بەمزووانە ئامێری زیاتر دابین دەکەن.

'تاوەکو کۆتایی مانگی 12 پێویستمان بە 160 بۆ 170 میلیمەتر بارانە'

وەزارەتی بەرگری و بەرپرسانی باڵای سەربازیی عێراق لە رێگەی رووداوەوە جەخت دەکەنەوە، پاراستنی ئاسمانی هەرێمی کوردستان بەشێکە لە سەروەریی عێراق و لە کاتی کڕینی هەر سیستمێکی بەرگریی ئاسمانیدا، دەبێت بە هاوئاهەنگیی نێوان هەردوو حکومەت، پلانی پاراستنی شوێنە گرنگەکان دابنرێت، بۆ ئەوەی رووداوی هاوشێوەی هێرشەکەی سەر کۆرمۆر دووبارە نەبنەوە.

ئۆپەراسیۆنە هاوبەشەکانی عێراق بە رووداوی راگەیاند، ئەو فڕۆکانەی ئەمڕۆ لە ئاسمانی هەولێر و چەند ناوچەیەکی دیکەدا بینراون، "فڕۆکەی هاوپەیمانیی نێودەوڵەتین و پێویست بە دڵەڕاوکێ ناکات."

نێردەی تایبەتی دۆناڵد ترەمپ، سەرۆکی ئەمریکا بۆ عێراق، بە تۆڕی میدیایی رووداوی راگەیاند، لە دوو هەفتەی داهاتوودا دەگاتە عێراق و گوتیشی: "پەیامی تایبەتی سەرۆک ترەمپم پێیە بۆ سەرکردایەتیی عێراق و هەرێمی کوردستان."

یەکەم گوژمەی گازی ماڵان (LPG) لە بەغداوە گەیشتە هەرێمی کوردستان و وەزارەتی سامانە سرووشتییەکان دەڵێت، راستەوخۆ بەسەر کارگەکاندا دابەش دەکرێت. راوێژکارێکی سوودانیش دەڵێت، ناردنی گازەکە لەسەر بڕیاری سەرۆکوەزیرانی عێراق بووە.

هاوپەیمانیی نەسر کە حەیدەر عەبادی سەرۆکایەتی دەکات، سەرکۆنەی هێرشەکەی سەر کێڵگەی گازی کۆرمۆر دەکات و بە "دەستدرێژییەکی مەترسیدار" بۆ سەر ئاسایشی عێراق و سەقامگیریی ئابوورییەکەی ناوی دەبات

باوک و کوڕێک لە ئاکرێ گیانیان لەدەستدا. گوتەبێژی تەندروستیی دهۆک دەڵێت، کوڕەکە کتوپڕ و لەدوای مردنی باوکی گیانی لەدەستداوە

سەرۆکی نوێنەرایەتیی حکومەتی هەرێمی کوردستان لە بەغدا دڵنیایی دەدات لەوەی کار دەکەن بۆئەوەی ئەو مووچانەی ماون، لە داهاتوودا بدرێن و نەفەوتێن

چوارچێوەی هاوئاهەنگی سەرکۆنەی هێرشەکەی سەر کێڵگەی گازی کۆرمۆری لە پارێزگای سلێمانی کرد و بە "هەڕەشەیەکی نیشتمانی" وەسفی کرد. هاوکات پشتیوانیی خۆی بۆ ئەو لیژنەیەی سەرۆکوەزیرانی عێراق بۆ لێکۆڵینەوە لە رووداوەکە پێکیهێناوە راگەیاند.

گوتەبێژی فەرماندەی گشتیی هێزەچەکدارەکانی عێراق دەڵێت، گرێبەستیان بۆ کڕینی سیستمی بەرگریی ئاسمانی کردووە و ئاسمانی هەموو عێراق بە هەرێمی کوردستانیشەوە دەپارێزێت.

سەرۆکی رەوتی حیکمەی نیشتمانی، سەرکۆنەی هێرشکردنە سەر کێڵگەی گازی کۆرمۆر دەکات و دەڵێت، "ئەو جۆرە کارە تێکدەرانەیە ئاسایش و سەقامگیریی وڵات دەکاتە ئامانج."

هۆشیار زێباری دەڵێت، هێرشەکەی سەر کۆرمۆر لە خوورماتووەوە بە مووشەکی گراد کراوە. ئاماژە بەوەش دەکات، دەرفەتێکی زێڕین لەبەردەم حکومەتەکەی سوودانییە بۆ ئەوەی بکەرانی هێرشەکە سزا بدات، کە بە گوتەی ئەو، ئەوە 'هەلی خۆپاڵاوتنەوەی بۆ ویلایەتی دووەم بەهێزتر دەکات.'

ئەندامێکی مەکتەبی سیاسیی بزووتنەوەی نوجەبا، بەریبوونی خۆیان لە هێرشەکەی سەر کێڵگەی کۆرمۆر رادەگەیێنێت و دەڵێت، لێکتێگەیشتنیان لەگەڵ حکومەت هەیە بۆ بە ئارام هێشتنەوەی دۆخەکە و ئەنجامنەدانی هیچ جۆرە هێرشێک.

سەرۆکایەتیی کۆمار رایگەیاندووە، "ئەم تاوانە قێزەونە هەوڵێکی بێئومێدانەیە بۆ بەئامانجگرتنی ئاسایش و سەقامگیریی بەدەستهاتووی وڵات و لێدان لە ئابووریی نیشتمانی و دروستکردنی پشێوی."

بەگوێرەی ئەو ئامارەی تۆڕی میدیایی رووداو لە ئەنجوومەنی شێرپەنجەی عێراق وەریگرتووە، ساڵی رابردوو 46 هەزار و 390 تووشبووی شێرپەنجە لە عێراق و هەرێمی کوردستان تۆمار کراون

بەڕێوەبەری راگەیاندنی بەرگریی شارستانیی عێراق بە تۆڕی میدیایی رووداوی راگەیاند: "ئەم ساڵ نزیکەی 5000 ئاگرکەوتنەوە لە عێراق تۆمارکراون" کە بەراورد بە ساڵانی رابردوو دابەزیوە.

بەگوێرەی فەرمانگەی کاروباری مین لە وەزارەتی ژینگەی عێراق، لە ساڵی 2003ەوە زیاتر لە 4500 کیلۆمەتر خاکی عێراق و هەرێمی کوردستان لە مین پاککراوەتەوە

شاندێکی پارتی دیموکراتی کوردستان لە هەولێر سەردانی یەکگرتووی ئیسلامیی کوردستانی کرد.

جێگری فەرماندەی ئۆپەراسیۆنە هاوبەشەکانی عێراق دەڵێت، ستافێکی کەمی هاوپەیمانان لە ناوچە فیدراڵییەکان ماوە و ئەوانی دیکە لە هەرێمی کوردستانن. دەشڵێت، "ئەرکی هاوپەیمانیی نێودەوڵەتی کۆتایی هاتووە."

دەستەی دەستپاکیی عێراق لەبارەی دەنگۆی دیارنەمانی دوو تریلیۆن و 500 ملیار دیناری سندووقی چاودێریی کۆمەڵایەتی روونکردنەوە دەدات و رایدەگەیێنێت، دوای بەدواداچوون و وردبینی، دەرکەوتووە کە تەواوی پارەکە لە هەژماری خۆیدایە و هیچ بڕێکی لێ نەبراوە

گوتەبێژی وەزارەتی ناوخۆی عێراق، لە کۆنفرانسێکی رۆژنامەڤانی دا ئامار و چالاکییەکانی وەزارەتەکەی لە ماوەی سێ ساڵی رابردوودا بڵاوکردەوە و رایگەیاند، توانیویانە 1201 تۆڕی بازرگانیی مادەی هۆشبەر هەڵبوەشێننەوە، کە 1030 تۆڕیان نێوخۆیی و 171 تۆڕی نێودەوڵەتی بوون

بەربژێرێکی سەرکەوتووی رێکخراوی بەدر لە بەغدا بەتۆمەتی پێکهێنانی لیوایەکی وەهمی لەنێو حەشدی شەعبی و بانگەشەکردن بۆ خۆبەخشیی سەربازی لە لیواکە، لەلایەن کۆمیسیۆنەوە دوورخرایەوە و دەنگەکانی بلۆککران.

وەزارەتی نەوتی عێراق ئاماری هەناردە و داهاتی نەوتی لە مانگی رابردوو بڵاوکردەوە و بەگوێرەی ئامارەکە، نزیکەی 111 ملیۆن بەرمیل نەوتی خاو هەناردەکراوە و داهاتەکەشی زیاتر لە 7 ملیار دۆلار بووە.

دوای ئەوەی بووە هۆکاری پێکدادان لە نێوان چەکدارانى سەر بە دوو لیواى حەشدی شەعبی و هێزە ئەمنییەکان؛ دادگای تاوانەکانی بەغدا، سزای لەسێدارەدانی بەسەر بەڕێوەبەری پێشووی کشتوکاڵی بەغدا دەرکرد.

پاڵاوگەیەکی سووتەمەنی لە گوێڕ ئاگری گرتووە. گوتەبێژی بەرگریی شارستانیی هەولێر دەڵێت، ئاگرەکە گەورەیە و چەند کۆگەیەک سووتاون.

خەمیس خەنجەر، سەرۆکی هاوپەیمانیی سەروەری داواکارییەکی ئاراستەی سەرۆکی هاوپەیمان و حیزبە سوننەکانی براوەی هەڵبژاردن کرد، بۆ ئەوەی یەکشەممە 23-11-2025 کۆببنەوە، تۆڕی میدیایی رووداو هەڵوێستی ژمارەیەک حیزبی سوننە لەبارەی کۆبوونەوەکە و داواکاریان لە حکومەتی داهاتوو ئاشکرا دەکات .

دەستەی کەشناسی و بوومەلەرزەزانیی عێراق دەڵێت، بوومەلەرزەیەک بە گوڕی 4.4 پلە شاری تکریتی لە پارێزگای سەلاحەدین هەژاندووە.

سەرۆک بارزانی و نووری مالیکی، سەرۆکی هاوپەیمانیی دەوڵەتی یاسا کۆبوونەوە. بەگوێرەی راگەیێندراوی نووسینگەی نووری مالیکی، لە کۆبوونەوەکەدا گفتوگۆ لەبارەی دۆخی سیاسی و ئەنجامی دیالۆگە بەردەوامەکانی نێوان لایەنەکان کراوە

گوتەبێژی کۆمیسیۆنی هەڵبژاردنەکانی عێراق دەڵێت، 872 تانە لە ئەنجامی هەڵبژاردن دراون و لە 17 رۆژدا یەکلایی دەکرێنەوە

راوێژکارێکی نووری مالیکی دەڵێت، سبەی سەرۆکی هاوپەیمانیی دەوڵەتی یاسا دەگاتە هەولێر و لەگەڵ سەرۆک بارزانی کۆدەبێتەوە

ئەندامێکی رەوتی حیکمە دەڵێت، هەفتەی داهاتوو لیژنەکەی چوارچێوەی هاوئاهەنگی بۆ هەڵبژاردنی بەربژێری سەرۆکوەزیرانی داهاتوو چاوپێکەوتن لەگەڵ بەربژێرەکان دەکات. ئاشکراشی دەکات، مستەفا کازمی یەکێکە لە بەربژێرەکان و، "مەرجی سەرەکی ئەوەیە سەرۆکوەزیرانی داهاتوو نە حزب دابمەزرێنێت و نە خۆی بەربژێر بکاتەوە."

کۆمەڵی دادگەریی کوردستان رایدەگەیێنێت، ئەنجامەکانی هەڵبژاردنی پەرلەمانی عێراق لە ئاستی چاوەڕوانییەکانیان نەبووە و دەنگەکانیان بەراورد بە رابردوو پاشەکشەی کردووە. ئەنجوومەنی سەرکردایەتیی حزبەکە بەرپرسیارێتیی ئەنجامەکان لەئەستۆ دەگرێت و بڕیاریداوە ئۆرگانەکانی رێکبخاتەوە و نوێنەرەکەیان لە بەغداش لەگەڵ لایەنەکانی دەرەوەی دەسەڵات هاوئاهەنگی بکات.

دوای وەزارەتی دارایی نووسراوی تانەدانی لە هەموارکردنەوەی یاسای 22ی 2025ی وەزارەتی پەروەردەی کشاندەوە. گوتەبێژی وەزارەتی پەروەردەی عێراق دەڵێت، یاساکە کارمەندانی پەروەردەیی سەر بە وەزارەتی پەروەردەی هەرێمی کوردستان ناگرێتەوە. سەرۆکی یەکێتی مامۆستایانی کوردستانیش داوا دەکات ئەو مافە بە کارمەندانی هەرێمی کوردستانیش بدرێت.

هەڵسووڕێنەری کاروباری باڵیۆزخانەی عێراق لە لیبیا باسی بەدواداچوونیان بۆ چارەنووسی چەند کۆچبەرێکی کورد لەو وڵاتە دەکات و، بەڕێوەبەری گشتیی ناوەندی هاوئاهەنگی و قەیرانەکانیش لە وەزارەتی ناوخۆی هەرێمی کوردستان دەڵێت، تاوەکو ئێستا 90 کۆچبەریان بە سێ کاروان گەڕاندووەتەوە

وەزارەتی تەندروستیی عێراق نووسراوێکی ئاراستەی فەرمانگەی تەندروستیی ئەنبار کردووە و تێیدا داوای لێکردوون، بەهۆی بڵاوبوونەوەی ئەنفلەوەنزاوە هەردوو قوتابخانەی ناوەندیی ئەبی زەڕی غەفاری بۆ کچان' و ''ناوەندیی ئەبی زەڕی غەفاری بۆ کوڕان''ی پارێزگاکە دابخەن.

ئامانج رەحیم، سکرتێری ئەنجوومەنی وەزیرانی هەرێمی کوردستان لە هەژماری خۆی لە فەیسبووک نووسیویەتی، "لە دوای کەوتنە واری جێبەجێکردنی رێکەوتننامەی سێ قۆڵی بۆ هەناردەی نەوتی هەرێمی کوردستان، ئێستا هەرێمی کوردستان بە داهاتی نەوت و نانەوتی خۆی مانگانە بڕی 665 ملیار دینار بە کاش دەخاتە سەر هەژماری وەزارەتی دارایی عێراقی فیدراڵ."

بەڕێوەبەری بەنداو و کۆگاکانی ئاوی عێراق و بەڕێوەبەری بەنداوی موسڵ دەڵێن، تورکیا پشکی ئاوی عێراق زیاد نەکردووە و "دۆخەکە وەک خۆیەتی."

فەرماندەیی پاسەوانی سنووری عێراق دەڵێت، بە نزیکەی 1000 کامێرا و درۆن چاودێریی سنوورەکان دەکرێت. ئاماژە بەوەش دەکات، لە زۆر شوێنی سنووری تورکیادا گەیشتوونەتە خاڵی سفر

تاوەکو ئێستا نزیکەی 10 ملیۆن بەرمیل نەوتی هەرێمی کوردستان نێردراوەتە بەندەری جەیهانی تورکیا. بەڕێوەبەری کۆمپانیای نەوتی باکوور دەڵێت، نەوتەکە بۆ بازاڕی تورکیا و ئەورووپایە

بۆ یەکەمجار دوای راگەیاندنی ئەنجامی بەرایی هەڵبژاردن، ئەنجوومەنی کۆمیسیاران شەش بەربژێری دوورخستەوە، یەکێکیان دەرچووە و زیاتر لە 15 هەزار دەنگی بەدەستهێنابوو.

حکومەتی کاربەڕێکەر چی پێناکرێت؟

سەرکردەیەکی رەوتی حیکمە دەنگۆی دەستوەردانی نێردەی ئەمریکا لە دیاریکردنی سەرۆکوەزیران و وەزیرەکانی کابینەی نوێ رەتدەکاتەوە و دەڵێت، لیژنەیەک لە چوارچێوەی هاوئاهەنگی بۆ دیاریکردنی بەربژێری سەرۆکوەزیران پێکدەهێندرێ.

دەستەی دەستپاکیی عێراق دەڵێت، توانیویانە 51 داواکراو بە دۆسیەی گەندەڵی لە دەرەوەی وڵات بگەڕێننەوە. ئاماژە بەوەش دەکات، رێککەوتنێکی ستراتیژییان لەگەڵ "گرووپی سۆفان" واژۆکردووە، بۆ بەهێزکردنی رێکارەکانی گەڕاندنەوەی ئەو پارە و سامانانەی بە قاچاخ براونەتە دەرەوەی عێراق.

بەها ئەعرەجی دەڵێت، بەڵێنی ئەوە دراوە چوارچێوەی هاوئاهەنگی وەکو خۆی بمێنێتەوە و هەر لەوێشەوە سەرۆکوەزیرانی نوێ دیاری دەکرێت. دەشڵێت، پارتی و سەرۆک بارزانی 'هاوکار و هاوبەشی سەرەکی دەبن لە کابینەی نوێدا.'

کەشناسیی هەرێمی کوردستان پێشبینی دەکات باران تاوەکو شەوی 17 لەسەر 18ی مانگ بەردەوام بێت. تاوەکو دوانیوەڕۆی ئەمڕۆش زۆرترین بڕی بارین لە ناوچەیەکی دیاریکراودا نزیکەی 30 ملیم بووە. پڕۆفیسۆرێکی زانستی ئاو و زەوی دەڵێت، "پێویستمان بە 50 بۆ 60 ملیم نەرمەباران بۆ پەڵە."

بەراورد بە دوایین هەڵبژاردنی پەرلەمانی کوردستان کە ساڵی رابردوو کرا، دەنگی لایەنە ئۆپۆزیسیۆنەکان پێکەوە لەم هەڵبژاردنەدا کەمی کردووە، بە جۆرێک لە هەڵبژاردنی پەرلەمانی کوردستاندا کۆی لایەنە ئۆپۆزیسیۆنەکان 564 هەزار و 707 دەنگیان بەدەستهێنا، بەڵام لە هەڵبژاردنی پەرلەمانی عێراقدا 516 هەزار و 776 دەنگیان بەدەستهێنا، واتە پێکەوە نزیکەی 48 هەزار دەنگیان لەدەستداوە

پسپۆڕێکی ئامار و دیمۆگرافیا دەڵێت، کەمبوونەوەی ژمارەی کورسیی کورد لە کەرکووک کاریگەریی لەسەر پۆستی پارێزگار و حیزبە کوردییەکانی ئەو پارێزگایە دەبێت

بەرپرسی راگەیاندنی لقی 15ی خانەقینی پارتی دیموکراتی کوردستان دەڵێت، هەوڵیانداوە لە دیالە لەگەڵ یەکێتی بە لیستێک بەشداری هەڵبژاردن بکەن، بەڵام ئەوان قبووڵیان نەکردووە

جیاوازیی دەنگی کورد و عەرەب لە دوو هەڵبژاردن دا لە 40 هەزارەوە بۆ 20 هەزار دەنگ کەمبووەتەوە.

پارێزگاری سلێمانی و شاندێکی ژووری بازرگانیی سلێمانی، لە شاری ئییوی چینن و یاداشتنامەی بوونە دەستەخوشکی سلێمانی و ئییو واژۆکرا.

ئەنجوومەنی وەزیرانی عێراق بە سەرۆکایەتیی محەممەد شیاع سوودانی چەندین بڕیاری دەرکرد، لەوانە سەپاندنی باجی گومرگی بەسەر دۆشاوی تەماتەی هاوردەکراو و زیادکردنی بودجە بۆ تەواوکردنی ژمارەیەک پڕۆژەی وەستاو لە چەند پارێزگایەک.

بەرپرسی بەشی هەڵبژاردن لە مەکتەبی رێکخستنی پارتی لە دهۆک دەڵێ، 11 سکاڵایان لە دەنگدانی هەڵبژاردنی پەرلەمانی عێراق تۆمارکردووە؛ ئاماژە بەوەش دەکات: ''یاسای هەڵبژاردن دژی خەڵکی هەرێمی کوردستانە و پێویستە کار بۆ گۆڕینی بکرێ.''

سەرکردەیەک لە هاوپەیمانیی عەزم دەڵێ، پشتگیری لە محەممەد شیاع سوودانی دەکەن بۆ بوونەوە بە سەرۆکوەزیران؛ ئاماژە بەوەش دەکات، ئامادەی هاوپەیمانیین لەگەڵ پارتی دیموکراتی کوردستان.

سەرۆکی شانەی راگەیاندنی ئەمنیی عێراق لەبارەی رووداوەکەی قەزای خورماتوو لە پارێزگای سەلاحەدین قسەی بۆ رووداو کرد و گوتی: "ئاڵای هەرێمی کوردستان بە ئاڵای خۆمان دەزانین و ئەو جۆرە هەڵسوکەوتە بە هیچ شێوەیەک رێگەپێدراو نییە".

سەرۆکی لیژنەی باڵای ئاسایشی هەڵبژاردنی پەرلەمانی عێراق دەڵێت، دڵنیایی دەدات هیچ رێگرییەک نییە بۆ هاتووچۆی خەڵك لەکاتی دەنگدانی گشتیدا، بازگەکان ئاگادار کراونەتەوە کە نابێت رێگری لە کەس بکرێت لەنێوان هەرێمی کوردستان و ناوچەکانی دیکەدا

هاوپەیمانیی تۆڕ و رێکخراوە نیشتمانییەکان بۆ چاودێریکردنی هەڵبژاردنەکانی عێراق راپۆرتی ئاماری پێشێلکارییەکانی ماوەی دەنگدانی تایبەتی هەڵبژاردنی پەرلەمانی عێراقی بڵاوکردەوە. بەگوێرەی راپۆرتەکە، زیاتر لە سێ هەزار پێشێلکاری تۆمارکراون.

لەگەڵ دەستپێکردنی دەنگدانی تایبەت موقتەدا سەدر پەیامێکی بڵاوکردەوە و دەڵێت، هەڵبژاردنەوەی تاقیکراوەکان واتە رەگ داکوتانی گەندەڵتر و زاڵبوونی گەندەڵکار. هاوکات هاشتاگی 'عێراق رزگار بکەن'ی راگەیاندووە

بەڕێوەبەری گشتیی چاکسازییەکانی هەرێمی کوردستان دەڵێت، بەگوێرەی رێنمایی کۆمیسیۆن، شاسوار عەبدولواحید، لاهوور شێخ جەنگی و ئارام قادر مافی دەنگدانیان نابێت.

ئەندامێکی هاوپەیمانیی تۆڕەکان و رێکخراوەکانی نیشتمانی بۆ چاودێریی هەڵبژاردنی ئەنجوومەنی نوێنەرانی عێراق دەڵێت، نزیکەی 1500 پێشێلکارییان تۆمار کردووە

پارێزگاری هەولێر دەڵێت، دەنگدانی تایبەت بە شێوەیەکی ئاسایی و بەبێ هیچ کێشەیەکی ئەوتۆ بەڕێوەدەچێت. هیواشی خواست دوای پێکهێنانی حکومەتی نوێ، مامەڵەی بەغدا لەگەڵ هەولێر گۆڕانکاریی ئەرێنی بەخۆیەوە ببینێت.

دوای دەنگدانی لە بنکەیەکی شەقڵاوە، فەرماندەی هێزەکانی پشتیوانیی یەکی پێشمەرگە داوای لە پێشمەرگە کرد بەشداری لە دەنگدان بکەن

لە بەشی کەرخ و رەسافەی بەغدا دەنگدانی تایبەت بەڕێوەدەچێت. هەڵکەوت عەزیز، پەیامنێری رووداو رایگەیاند، "هیچ پاڵەپەستۆیەک لەسەر ناوەندەکانی دەنگدان نییە، چونکە هێزە ئەمنییەکان بەشێوەی رێکخراو هاتوون بۆ دەنگدان."

عەزیز وەیسی، فەرماندەی فەرماندەیی پێشمەرگەی زێرەڤانی لە بنکەیەکی دەنگدانەوە رایگەیاند، "گرنگە پێشمەرگە ئارامی و رێکخستنی خۆی تێکنەدات، وەکو هەموو جارێک بەشێوازێکی رێکوپێک بچنە سەر سندووقی دەنگدان."

نووری مالیکی دەڵێت، ئەنجامدانی هەڵبژاردن لە وادەی دیاریکراوی خۆیدا "دەستکەوت و رۆژێکی گەورەی نیشتمانییە، سەرکەوتنێکیشە بۆ ئیرادەی نیشتمانی."

محەممەد شیاع سوودانی، سەرۆکوەزیرانی عێراق میوانی بەرنامەی بێستوون تۆکی تۆڕی میدیایی رووداوە و باس لە چەندین پرسی پەیوەندیدار بە باشووری کوردستان، عێراق و ناوچەکە دەکات

بەربژێرێکی یەکگرتوو لە بازنەی هەولێر دەڵێت، یەکگرتوو لە 8 ساڵی رابردوودا خزمەتی کردووە، نوێنەرانی حیزبەکەش لە بەغدا خزمەتی هەولێریان کردووە، بۆیە "دڵنیاین خەڵکی هەولێر ئەمە لەبیر ناکات."

زیاتر لە 8700 قوتابخانە لە عێراق و هەرێمی کوردستان رادەستی لیژنەی ئاسایشی هەڵبژاردن کران. سەرۆکی لیژنەکە دەڵێت، ئەمڕۆ هەینی پڕۆسەی پشکنینی قوتابخانەکان کۆتایی دێت و هێزە ئەمنییەکان دەکەونە حاڵەتی ئامادەییەوە

بانگەشەی هەڵبژاردن لە دوایین رۆژەکانی دایە. لە هەولێر 45 پێشێلکاری، سلێمانی سێ شەش سکاڵا و لە دهۆکیش سێ سکاڵا تۆمار کراون. بەڵام بەرپرسانی کۆمیسیۆنی هەر سێ پارێزگاکە، دۆخی بانگەشە بە 'ئارام و بێ کێشە' ناو دەبەن.

سەرۆک بارزانی دەڵێت، بەهۆی ناڕازیبوونیان لە یاسای هەڵبژاردن، بیریان لە بایکۆتکردنی هەڵبژاردن کردووەتەوە، بەڵام دوای ئەوەی لایەنە شیعە و سوننییەکانیش گەیشتوونەتە هەمان باوەڕ، بۆیە بڕیاریان داوە بەشداری لە هەڵبژاردن دا بکەن.

پارێزگاری پێشووی نەینەوا دەڵێت، بۆ هەڵبژاردن لە نەینەوا 'سیاسەتی تۆقاندن' بەرامبەر هێزە ئەمنییەکان بەکاردەهێنرێت. دەشڵێت، پارتی سەنگی لە نەینەوادا هەیە.

لە عێراق و هەرێمی کورستان زیاتر لە 9 هەزار قوتابخانە رادەستی کۆمیسیۆنی هەڵبژاردنەکان دەکرێن، دەبنە بنکەی دەنگدان، پشکنینی ئەمنی بۆ سەرجەم قوتابخانەکان دەکرێت

سەرۆکی ئەنجوومەنی سەرکردایەتیی یەکگرتوو دەڵێت، رێژەی بەشداریی دەنگدان لە دهۆک بەرز دەبێتەوە و ئاماژەش بە دروستکردنی ژوورێکی هاوبەشی کارکردن لەنێوان حیزبە کوردستانییەکان دەکات

سەرۆکوەزیرانی عێراق بڕیاری راگرتنی هاوردەکردنی بەنزین، گازوایل و نەوتی دەرکرد.

لە ئیدارەی سەربەخۆی راپەڕین چەند ژنێک هەڵمەتێکیان لەژێر ناوی "هەڕۆ دەنگدانێ" دەستپێکردووە، بۆ بەرزکردنەوەی رێژەی دەنگدەری ژن لە سنوورەکەدا، سەرپەرشتیاری هەڵمەتەکە دەڵێت، "دەیانەوێت ئەو بۆشاییەی رێژەی دەنگدان کە بەهۆی کۆچی گەنجانەوە دروستبووە، ژنان پڕی بکەنەوە."

نەینەوا لەدوای بەغدا دووەم زۆرترین کورسی و بەربژێری هەیە بۆ خولی شەشەمی پەرلەمانی عێراق، پارێزگاری نەینەوا بە رووداوی راگەیاند، "کەمترین پێشێلکاری بانگەشە لە پارێزگاکە تۆمارکراوە.

چەندین سکاڵا لەسەر بەربژێرانی عێراق لە دەستەی دەستپاکی تۆمارکراون، دیارترینیان 'گەندەڵی و وەرگرتنی بەرتیلە'، کۆمیسیۆنیش ئاماژە بە بەردەوامیی رێکارەکانی دوورخستنەوەی بەربژێرە "ناشایستەکان" دەکات.

دوای ئەوەی جێگری گوتەبێژی سکرتێری گشتیی نەتەوە یەکگرتووەکان بە رووداوی راگەیاند:" مۆڵەتی چاودێریکردنی هەڵبژاردنەکانی ئەنجوومەنی نوێنەرانی عێراقمان نییە." سەرۆکی تیمی میدیایی کۆمیسیۆن دەڵێت، نێردەی نەتەوەیەکگرتووەکان بۆ هاریکاری عێراق بەشێک دەبێ لە چاودێرانی سەرەکیی هەڵبژاردن.

سەرۆکی هاوپەیمانیی تەفەوق کە سەرلیستی هاوپەیمانییەکەیە لە پارێزگای سەڵاحەدین، تۆمەتی بەفیڕۆدانی زیاتر لە 21 ملیار دیناری سامانی گشتی دەدرێتە پاڵ، کۆمیسیۆن دەڵێت، ئەگەر دادگە دۆسیەکە یەکلایی بکاتەوە، ئەوانیش بڕیاری خۆیان دەدەن، بەڵام بەرپرسێکی هاوپەیمانییە سوننەکە بۆ رووداو تۆمەتەکان رەتدەکاتەوە.

جێگری فەرماندەی ئۆپەراسیۆنە هاوبەشەکان و سەرۆکی لیژنەی باڵای ئاسایشی هەڵبژاردنەکانی پەرلەمانی عێراق بۆ 2025، رایگەیاند: "ئامادەکارییە ئەمنییەکان بۆ هەڵبژاردنەکان بەپێی پلانێکی تۆکمە بەڕێوەدەچن، لە کاتی هەڵبژاردندا قەدەخەی هاتووچۆ راناگەیێنرێت، بەڵام دەسەڵات دراوە بە سەرۆکی لیژنەی باڵای ئاسایشی هەڵبژاردن، بۆ سەپاندنی قەدەخەی هاتووچۆ ئەگەر پێویست بکات لە ناوچەیەکی دیاریکراودا."

وەزارەتی ژینگەی عێراق رێککەوتنێکی لەگەڵ کۆمیسیۆنی باڵای سەربەخۆی هەڵبژاردنەکان واژۆکرد، بۆ دووبارە بەکارهێنانەوەی بانگەشەکانی هەڵبژاردن و گۆڕینیان بۆ تابلۆی هۆشیاریی ژینگەیی.

بەڕێوەبەری نووسینگەی دهۆکی کۆمیسیۆنی هەڵبژاردنەکان دەڵێت، ئامادەکاری تەواو کراوە و لە 7ی مانگدا ئامێرەکان دەبەنە نێو وێستگە و بنکەکانی دەنگدان، 96٪ی ئەوانەی مافی دەنگدانیان هەیە کارتەکانیان وەرگرتووەتەوە.

محەممەد حەلبووسی، سەرۆکی حیزبی تەقەدووم باس لە بژاردەی بەردەم سوننە دەکات لە حکومەتی نوێ و دەڵێ: "سوننە خۆیان بڕیار دەدەن چییان دەوێت؛ "سەرۆکایەتیی کۆمار یان ئەنجوومەنی نوێنەران."

وەزارەتی کارەبای عێراق بۆ رۆژانی دەنگدان "بەبێ گرفت" کارەبا دابین دەکات، کۆمیسیۆنیش دڵنیایی دەدات بۆ هەموو ئامێرەکان پاترییان ئامادە کردووە تاوەکو کێشەی کارەبایان تووش نەبێ.

موقتەدا سەدر، لەبارەى رکابەرى نێوان حیزب و هاوپەیمانییەکان بۆ هەڵبژاردنى پەرلەمانى عێراق دەڵێت، ئەوەی هەیە "ململانێیەکی ناڕەوایی هەڵبژاردنە" و دەشڵێت، "تەڵەکەبازییەکانیان وردە وردە دەردەکەون". پارێزگاری نەجەفیش بڕوای وایە، بڕیارەکەی موقتەدا سەدر بۆ بایکۆتکردنی دەنگدان، کاریگەری گەورەی لەسەر رێژەی بەشداری لە پارێزگاکەدا دەبێت

بەڕێوەبەری فەرمانگەی راگەیاندن و پەیوەندییەکانی وەزارەتی ناوخۆی عێراق رایگەیاند، لیژنەی باڵای ئەمنیی هەڵبژاردن کە فەرماندەیی ئۆپەراسیۆنە هاوبەشەکان سەرکردایەتی دەکات، سەرجەم رێکارە ئەمنییەکانی خۆی تایبەت بە پڕۆسەی هەڵبژاردن تەواو کردووە

بەگوتەی پارێزگاری نەجەف، رێژەی بەشداریی دەنگدان لە پارێزگاکە بەرز دەبێت و پێیوانییە بایکۆتەکەی موقتەدا سەدر کاریگەری گەورەی لەسەر رێژەی بەشداری لە پارێزگاکەدا هەبێت.

ناوی نێچیرڤان بارزانی بۆ سەرۆکایەتیی کۆمار دەهێنرێت

محەممەد شیاع سوودانی رایگەیاند: "نابێت سازش لەسەر مافی دەستووری بۆ دروستکردنی داهاتووی عێراق بکرێت بەهۆی بەشداریکردن لە هەڵبژاردنەکاندا، هەروەها ناکرێت هیچ پاساوێک بۆ خۆلێدزینەوەی قبووڵ بکرێت."

لەدوایین هەڵبژاردنی پەرلەمانی عێراق 1800 دۆسیەی "بڵاوکراوەی ناڕاست و چەواشەکاری" لە میدیا و سۆشیاڵ میدیا تۆمارکران، ئەم هەڵبژاردنەش دوور نییە لەو کارانە، بەگوێرەی زانیاری بەڕێوەبەرایەتیی ئاسایشی ئەلیکترۆنی عێراق بۆ رووداو: "تاوەکو ئێستا ژمارەیەکی زۆر لە چەواشەکاری و یاریکردن بە وێنە و ڤیدیۆ لە ماوەی بانگەشەی هەڵبژاردندا تۆمارکراون."

سەرەڕای ئەوەی کۆمیسیۆن دڵنیایی دەدات لەوەی هیچ کەسێک ناتوانێت بە کارتی بایۆمەتری کەسی دیکە دەنگ بدات، بەڵام هێشتا پرسی کڕین و فرۆشتنی کارتی دەنگدان لە عێراق گەرمە، سەرۆکی لیژنەی باڵای ئاسایشی هەڵبژاردن بۆ رووداو دەڵێ: "13 کەس لەسەر کڕین و فرۆشتنی کارتی دەنگدان دەستگیرکراون، 12 دۆسیەی جیاوازی کڕین و فرۆشتنی کارتی بایۆمەتری دەنگدان تۆمارکراون."

دوای ئاگرکەوتنەوەکەی کێڵگەی نەوتی زوبێر یەک لە بەسرە، بەڕێوەبەری دەستەی دابەشکردنی نەوتی باشوور دەڵێت، ئاگرەکە لە تۆڕباینەکانی هەناردەی نەوت کەوتووەتەوە. دەشڵێت، تۆرباینەکان کۆنن و پێویستیان بە گۆڕینە

وەزارەتی ناوخۆی عێراق، 96 تۆڕی بەکار‌هێنانی ژنان و منداڵان بۆ کاری سێکسی هەڵوەشاندووەتەوە و 296 کەسیش بەهۆی تێوەگلانیان لە دۆسیەکانی بازرگانی بە مرۆڤ سزادراون.

جیاواز لە هەڵبژاردنەکانی رابردوو، ئەمجارە کڕین و فرۆشتنی دەنگ لە پارێزگا جیاوازەکاندا بەتایبەت لە پارێزگاکانی عێراق گەرمە، دوای بەدواداچوونی رووداو دەرکەوت لە نەینەوا دیاردەکە زەق بووەتەوە، لێکۆڵینەوەی دێسکی هەڵبژاردنی رووداو لەو پرسە بەردەوامە، ئەمجارە لە دیالە پرسەکە گەرمە، بەڵام لە کەرکووک و سەڵاحەدین بوونی "کڕین و فرۆشتنی کارتی دەنگدان" رەتدەکرێتەوە.

کۆی ئەو بەربژێرانەی هەڵبژاردنى پەرلەمانى عێراق بە پێبژاردن سزادراون گەیشتە 580 بەربژێر، 96 لە بەربژێرانی سزادراو ژنن.

مەسرور بارزانی لە کەرنەڤاڵی بانگەشەی پارتی بۆ لیستی 275 لە ئیدارەی سەربەخۆی سۆران رایگەیاند: "پارتی لەسەر ئاستی کوردستان هیچ رکابەرێکی نییە و بەهێزترین حیزبی سیاسیی کوردستانە". هەروەها گوتیشی: "دەمانەوێت ئەزموونی خۆمان لەگەڵ لایەنەکانی دیکەی عێراق هاوبەشیی پێ بکەین."

بەپێی زانیارییەکانی بەرپرسانی کەرکووک، نزیکەی 100 هەزار کەس کە لەدوای 2016وە ئاوارەی هەرێمی کوردستان بوون، نەگەڕاونەتەوە و دەنگدانیان لە کەرکووکە. بەرپرسێکی کورد لە نەینەواش دەڵێت، سەروو 40 هەزار کوردی نەینەوا لە پارێزگاکانی هەرێمی کوردستان نیشتەجێن و هانیان دەدەن لە رۆژی دەنگدان بگەڕێنەوە

لە کەرنەڤاڵی جەماوەریی بانگەشەی لیستی یەکێتیی نیشتمانیی کوردستان لە شاری کۆیە، بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند، "سیاسەتی یەکێتی لە بەغدا لەسەر بنەمای دیالۆگ و بەدەستهێنانی مافەکانە، نەک هەڕەشە، بە هەڕەشەکردن لە بەغدا کێشەکان چارەسەر ناکرێت." سڵاوێکی بۆ پارێزگاری هەولێر نارد، پارێزگاریش وەڵامی دایەوە.

ناوەندی میدیای دیجیتاڵی DMC، هۆشداری لە بڵاوبوونەوەی ناوەڕۆکی ساختە لە رێگەی تەکنیکەکانی ژیریی دەستکردەوە لە عێراق دەدات. ئاماژەی بەوەش کردووە، "پێویستە متمانەی زیاد لە پێویست بە ئامرازەکانی ئاشکراکردنی ساختەکاریی قووڵ نەکرێت، چونکە ئەم ئامرازانە هێشتا رووبەڕووی ئاستەنگی گەورە دەبنەوە کە رەنگە کاریگەرییان لە ژینگە دیجیتاڵییە خێرا گەشەسەندووەکان کەم بکاتەوە."

نزیکەی یەک مانگە هەناردەی نەوتی هەرێمی کوردستان دەستیپێکردووەتەوە. بەڕێوەبەری کۆمپانیای نەوتی باکوور دەڵێت، هەندێکجار هەناردە دەگاتە 270 هەزار بەرمیل لە رۆژێکدا.

بانگەشە بەردەوامە؛ سوودانی هۆشداری لە دۆخی دوای هەڵبژاردن دەدات و ئەنجامەکانی هەڵبژاردن بە بناخەی سەقامگیری یان لەدەستدانی دەستکەوتەکان لێکدەداتەوە. ئەنجوومەنی دادوەریش دانپێدانانی بکوژەکانی سەفا مەشهەدانی بڵاوکردەوە.

سوودانی دەڵێت، هەندێک کەس "درۆ و چەواشەکاری و شێواندن" بەکاردەهێنن بۆ کاریگەری خستنە سەر ئەو دەستکەوتانەی بەدیهاتوون.

دوای دەستگیرکردنی 5 تۆمەتبار، ئەمڕۆ دادگەی لێکۆڵینەوەی کەرخ دانپێدانانی دوو لەو تۆمەتبارانەی بە تێوەگلانی راستەوخۆی لە کوشتنی سەفا مەشهەدانی، ئەندامی ئەنجوومەنی پارێزگای بەغدا، راگەیاند.

بەرپرسی لقی 16ـی پارتی بڕوای وایە دەنگەکانیان لە سنووری کۆیە و تەقتەق زیاد دەکات و دەڵێت: "خەڵکی ئێرە دەزانن پارتی خاوەنی بەڵێنەکانیەتی."

پارێزگاری بانکی ناوەندیی عێراق رایگەیاند، بودجەی سێ ساڵە خەرجییەکی زۆری لەخۆگرتووە، بۆیە کورتهێنان تێیدا بەرز بوو، بەڵام هاوئاهەنگی لەنێوان وەزارەتی دارایی و بانکی ناوەندی هەیە، لەپێناو ئەوەی سەقامگیریی دارایی زیاتر هەبێت."

بەرپرسێکی فەرمانگەى پارت و رێکخراوەکانى کۆمیسیۆنى هەڵبژاردنەکان دەڵێت، حیزبەکان دەتوانن بەقەد ژمارەی وێستگەکانی هەر بازنەیەک بریکار تۆمار بکەن. ژمارەیەک رێکخراوی نێودەوڵەتی ئامادەیی خۆیان بۆ چاودێریکردنی هەڵبژاردن دەربڕیوە.

عێراق 100 ساڵە خاوەنی دەستوورە، دوایین جار کە دەستوورەکەی نووسراوەتەوە لە ساڵی 2005 بوو، لە 30ی كانوونى دووەمى 2005یشدا راپرسی کرا و لەلایەن عێراقییەکانەوە دەنگی لەسەر درا. یەکێک لە ئەندامانی لیژنەی نووسینەوەی دەستووری عێراق دەڵێت، سارد و سڕییەکی زۆر لە جێبەجێکردنی دەستووردا هەیە

فەرماندەیی ئۆپەراسیۆنە هاوبەشەکان دەستگیرکردنی 5 کەس لەسەر کوشتنی سەفا مەشهەدانی، بەربژێر لە هاوپەیمانی سەروەری بۆ رووداو پشتڕاست دەکاتەوە، بەڵام هێشتا بکوژی سەرەکی دەستگیر نەکراوە

هەردوو وەزارەتی ناوخۆی عێراق و هەرێمی کوردستان لەبارەی هاوئاهەنگی بۆ پاراستنی ئاسایشی هەڵبژاردن رێککەوتن، لە هەندێک ناوچەدا بە هاوبەشی ئاسایشی رۆژی دەنگدان دەپارێزن. جێگری فەرماندەی ئۆپەراسیۆنە هاوبەشەکانی عێراق، کە سەرۆکی لیژنەی باڵای ئەمنیی هەڵبژاردنیشە، وردەکارییەکەی بۆ رووداو ئاشکرا دەکات

سیداد بارزانی دەڵێت، حکومەتە یەک لەدوای یەکەکانی عێراق، بنەمای هاوبەشی، هاوسەنگی و سازانیان پێشێل کردووە.

وەزارەتی ناوخۆی عێراق دەستگیرکردنی پێنج کەسی بە تۆمەتی کوشتنی سەفا مەشهەدانی، بەربژێر لە هەڵبژاردنی پەرلەمانی عێراق و ئەندامی ئەنجوومەنی پارێزگای بەغدا راگەیاند.

فرەلیستی سوننەکان ترسی ئەوەی لا دروستکردوون دەنگەکانیان پەرت بکات و کورسی و نوێنەریان کەمببێتەوە، بەڵام لەنێو بانگەشەدان و دەڵێن: "راستە لیستمان جیایە، بەڵام دەنگی سوننە و پلە و پێگەیان بەهێزتر دەبێ.''

جێگری فەرماندەی ئۆپەراسیۆنە هاوبەشەکان و سەرۆکی لیژنەی باڵای ئەمنیی هەڵبژاردن دەڵێت، بۆ هاوئاهەنگیکردن بۆ پاراستنی پڕۆسەی هەڵبژاردن لەم هەفتەیە دێنە هەرێمی کوردستان. لەبارەی دۆسیەی کوشتنی سەفا مەشهەدانییش ئاماژە بەوە دەکات، هەندێک ئاماژە دەرکەوتوون

کورد و عەرەب ئەو دوو پێکهاتەیەن لە کەرکووک هەمیشە رکابەری لەسەر بردنەوەی زۆرترین کورسییەکانی پارێزگاکە دەکەن، کە کۆی گشتیی کورسییەکانی 13 کورسییە.

بەربژێرێک لە پارێزگای سەلاحەدین دوای ئەوەی کە پۆستێکی لە پلاتفۆرمی فەیسبووکدا کرد و گوتی، "نامەوێت هاندەرانی یانەی بارسێلۆنا دەنگم پێبدەن،" کاردانەوەی لێکەوتەوە. ئەو بەربژێرە کە ناوی مەروە عیساوییە، بە رووداوی گوت، تەنیا دەنگی هاندەرانی ریاڵی بەسە

ئەنبار گەورەترین پارێزگای سوننەنشین لە رووی رووبەرەوە کەوتووەتە نێو رکابەریەکی گەرموگوڕی لایەنە سوننەکان بۆ هەڵبژاردنی خولی شەشەمی پەرلەمانی عێراق، 254 بەربژێر رکابەری لەسەر 15 کورسی پارێزگاکە دەکەن، 10 حیزب و هاوپەیمانی لەنێو کێبڕکێی تووند دان، هەڵبژاردن و دەنگی خەڵک سەنگ و کاریگەریی لایەنە سوننەکان لەو پارێزگایە دیاری دەکات

کۆمەڵی دادگەریی کوردستان کارنامەی خۆی بۆ هەڵبژاردنی پەرلەمانی عێراق بڵاوکردەوە و تێیدا باس لە چەند تەوەرێکی جیاواز کراون، کە ئامانجی ئەو حیزبەن بۆ کارکردن لەسەریان لە خولی داهاتووی پەرلەمان و کابینەی نوێی حکومەت.

سەرۆکی شانەی راگەیاندنی ئەمنیی عێراق دەڵێت، لێکۆڵینەوەکان لەبارەی دۆسیەی 'شەهید سەفا مەشهەدانی' بەردەوامن و ئاماژەی بەوەش کرد، ئەو کەسانەی پێشتر کردیانە ئامانج، سزای لەسێدارەدانیان بەسەردا سەپێندراوە.

سەرۆکی هاوپەیمانیی سیادە لە بەغدا رایگەیاند، "بە تووندترین شێوە سەرکۆنەی ئەو تاوانە ترسنۆکانەیە دەکەین" کە کرایە سەر بەربژێر سەفا مەشهەدانی. دەشڵێت، خوێنی سەفا مەشهەدانی بەفیڕۆ ناچێت.

یەکێتیی نیشتمانیی کوردستان بە 9 خاڵ کارنامەی خۆی بۆ هەڵبژاردنی پەرلەمانی عێراق راگەیاند،لە کارنامەکەدا باس لە دۆخی سیاسی، سیاسەتی دەرەوە، پەیوەندییەکانی هەرێمی کوردستان لەگەڵ بە‌غدا، ئابووری، گەنجان و ژنان و مافی شەهیدان کراوە.

دۆناڵد ترەمپ، سەرۆکی ئەمریکا نامەیەکی بۆ لەتیف رەشید، سەرۆککۆماری عێراق نارد کە تێیدا هاتووە، "بە پەرۆشەوەین بۆ بەردەوامیدان بە هاوکاریمان لەسەر کارە لەپێشینە هاوبەشەکان و بنیاتنان لەسەر دەستکەوتە ئابوورییەکانمان."

وەزیری نەوتی عێراق دەڵێت، سوودوەرگرتن لە گازی هاوەڵ لە ساڵی 2022ـدا 53% بووە، لە ساڵی 2023 بووەتە 60%، لە ساڵی 2024 گەیشتووەتە 68% و ئێستاش گەیشتووەتە سەروو 70%.

بەرپرسی هاوئاهەنگیی ئەمنی لە کۆمیسیۆنی باڵای سەربەخۆی هەڵبژاردنەکانی عێراق دەڵێت، پۆلیس، ئاسایش، زێرەڤانی و بەرگریی شارستانی لە رۆژانی دەنگدان دا، بنکە و وێستگەکانی دەنگدان دەپارێزن. دەشڵێت، رۆژانی دەنگدان قەدەخەی هاتووچۆ نابێت.

گوتەبێژی فەرماندەی گشتیی هێزەچەکدارەکانی عێراق دەڵێت، محەممەد شیاع سوودانی هەمیشە هەوڵ دەدات "عێراق لە رێگەی رۆڵی دیپلۆماسییەوە ببێتە بەشێکی گرنگ لە هێورکردنەوەی ئەو قەیرانانەی لە ناوچەکەدا هەن؛" ئاماژە بەوەش دەکات، عێراق کۆتایی بە هەڕەشەی داعش هێناوە و بەرەو بنیاتنانی توانای سەربازیی خۆی هەنگاو دەنێت.

وەزیری دەرەوەی عێراق لەبارەی کۆبوونەوەی وەزیرە کوردەکان لەگەڵ سوودانی دەڵێ، لەبارەی مووچە و نەوتی هەرێمی کوردستان قسەیان کرد و دۆخەکە باشە.

حەیدەر عەبادی دەڵێت، هەڵبژاردنی ئەمجارە "کڕینی دەنگی بە شێوەیەکی بەرچاو تێدایە." ئاماژە بەوەش دەکات، خەرجیی هەڵبژاردن لەلایەن هێزە سیاسییەکانەوە یەکجار زۆرە و هۆشداریشی دا لەوەی ئەو دوو شتە "دیموکراسی دەشێوێنن و مانا راستەقینەکەی لێ دەسەننەوە."

لە پارێزگای ئەنبار، یەکەمین بەربژێر کۆچی دواییکرد. گوتەبێژی تەندروستیی پارێزگاکە دەڵێت، هۆکاری مردنەکەی بەهۆی جەڵتەی دڵ بووە

کۆمیسیۆنی هەڵبژاردنەکان لە 21 وێستگەی دەنگدانی VIP، تایبەت و گشتی، تاقیکردنەوەی کۆتایی بۆ ئامێرەکانی دەنگدان دەکات.

نووسینگەی سەرایا سەلام، نووسراوێکی ئاراستەی موقتەدا سەدر کردووە و تێیدا ئاماژەی بەوە کردووە، چەند کەسێکی سەر بە رەوتی نیشتمانیی شیعە، پێشێلی بڕیاری بایکۆتکردنی هەڵبژاردنیان کردووە و خۆیان بەربژێر کردووە. موقتەدا سەدریش لە وەڵامدا نووسیویەتی، "ئەوانە لە ئێمە نین، ئەوانە دونیاخوازانن."

سەرۆکی دەستەی هەڵبژاردنەکانی هەرێمی کوردستان لە کۆمیسیۆنی هەڵبژاردنەکانی عێراق بە تۆڕی میدیایی رووداوی راگەیاند، ئەو کەسانەی کێشە لە کارتی بایۆمەترییان دا هەبووە، یان دەنگدەری گشتی بوون و چوونەتە نێو کەرتی سەربازییەوە و بوونەتە دەنگدەری تایبەت، کاروباری کارتەکانیان تەواو بووە و دەتوانن وەریبگرنەوە.

هونەرمەند و ئەکتەری کورد گۆنول دیلان رایگەیاند، بەهۆی کۆنسێرتێکەوە کە ساڵی 2017 لە هەرێمی کوردستان ئەنجامیداوە و وەک شوێنی خۆی ئاماژەی پێکردووە، لە پڕۆژەی فیلمی 'ئاشق وەیسەل' دەرکراوە.

سەرۆکوەزیرانی عێراق دەڵێ، حکومەتەکەی رێگەی بە هیچ لایەنێک نەداوە هەنگاوێک بنێت کە زیان بە بەرژەوەندیی عێراق بگەیێنێت و پاساو بۆ هێرشکردنە سەر عێراق دروست بکات. ئاماژە بەوەش دەکات، بۆچوونی بەرپرسانی ئێران و ئەمریکا لێک نزیک دەکەنەوە و پشتیوانی لە گفتوگۆ دەکەن

سەرۆکوەزیرانی عێراق بڕیاری دا ناوی فڕۆکەخانەی نێودەوڵەتیی سلێمانی بگۆڕدرێت بۆ (فڕۆکەخانەی نێودەوڵەتیی جەلال تاڵەبانی).

محەممەد شیاع سوودانی، سەرۆکوەزیرانی عێراق لە هەشتەمین ساڵیادی کۆچی دوایی جەلال تاڵەبانی، سەرۆککۆماری پێشووتری عێراق، سەرەخۆشی لە بافڵ جەلال تاڵەبانی، سەرۆکی یەکێتیی نیشتمانیی کوردستان دەکات و دەڵێت، لەپێناو ئازادیی عێراق و شکۆی گەلەکەیدا خەباتی کرد

ئەو توێژەرە ئیسرائیلی - رووسییەی لە ساڵی 2023 لە عێراق رفێندرا و مانگی رابردوو ئازادکرا، سوپاسی ئەو کەسانە دەکات لە ئازادکردنیدا رۆڵیان هەبوو

عامر خەلیل، بەڕێوەبەری کۆمپانیای نەوتی باکوور ئەمڕۆ هەینیی بە تۆڕی میدیایی رووداوی راگەیاند، "راوەستانی هەناردەی نەوت رێکارێکی ئاسایی و تەکنیکییە و بۆ ماوەی چەند کاژێرێک راگیرا، لەبەرئەوەی کۆگەکانی نەوت لە بەندەری جەیهان پڕ ببوون."

کۆمیسیۆنی هەڵبژاردنەکانی عێراق سبەی، 3ی تشرینی یەکەمی وەکو دەستپێکی بانگەشەی هەڵبژاردن بۆ حیزب و بەربژێرە بەشداربووەکان دیاری کرد. بەشێک لە حیزبە کوردستانییەکانی بەشدار لە هەڵبژاردنەکە هێشتا کاتی دەستپێکی بانگەشەیان دیاری نەکردووە.

جێگری سەرۆکوەزیران و وەزیری نەوتی عێراق بە رووداوی گوت، نیوەڕۆی ئەمڕۆ کەشتییەک کە بڕی 650 هەزار بەرمیل نەوتی هەرێمی کوردستانی هەڵگرتبوو، بەندەری جەیهانی بەجێهێشت.

گوتەبێژی وەزارەتی پەروەردەی عێراق دەڵێت، ساڵانە زیاتر لە 12 ملیۆن قوتابی دەخوێنن، بەڵام 40 هەزار باڵەخانەی قوتابخانە بە تایبەت و حکومییەوە لە عێراق هەن

ئەمڕۆ چوارشەممە، 1ی تشرینی یەکەمی 2025، جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە رووداوی راگەیاند: "ئەمڕۆ ئەنجوومەنی کۆمیسیاران، لیستى ئەو بەربژێرانەی پەسندکرد کە مافی بەشداریکردنیان لە هەڵبژاردنی ئەنجوومەنی نوێنەرانی عێراق هەیە."

بەڕێوەبەری گشتیی کۆمپانیای دەرمانی سامەڕای عێراق دەڵێت، نزیکەی 30%ی پێداویستیی نێوخۆیی دەرمانیان پڕکردووەتەوە. ئاماژە بەوەش دەکات، دەست بە دروستکردنی ڤاکسین و دەرزیی ئەنسۆلین دەکەن

جێگری سەرۆکوەزیران و وەزیری نەوتی عێراق رایگەیاند، پلانیان بۆ واژۆکردنی چەند گرێبەستێک هەیە بۆ کێڵگەکانی نەوتی بەسرە، حەمرین، کەرکووک و چەند ناوچەیەکی دیکە، بە ئامانجی ئەوەی ئەم ساڵ بەرهەمهێنانی نەوت بگەیێننە 5.5 ملیۆن بەرمیل لە رۆژێکدا. دەشڵێت، 28 کۆمپانیای ئەمریکی لە بواری وزە لە عێراق کار دەکەن

ئەنجوومەنی وەزیرانی عێراق لە دانیشتنی ئەمڕۆیدا چەند بڕیار و راسپاردەیەکی دەرکرد. یەکێک لەوانە رەزامەندیی دەربڕین بوو بۆ پشتبەستن بە سیستمی ڤیزەی ئەلیکترۆنیی فیدراڵی وەک تاکە پلاتفۆرم بۆ دەرکردنی ڤیزەی عێراق و بڕیارەکە لە هەرێمی کوردستانیش جێبەجێ دەکرێ.

دەزگای شەهیدانی عێراق ئەو دەنگۆیانە رەتدەکاتەوە کە باس لەوە دەکەن شیاع سەبار، باوکی محەممەد شیاع سوودانی شەهید نییە و لەسەر جێگە مردووە

بڕیارە رۆژی چوارشەممە دانیشتنی پەرلەمانی عێراق بەڕێوەبچێت و بەگوێرەی ئەو کارنامەیەی پەرلەمان بڵاویکردووەتەوە، 11 پڕۆژە و پێشنیازەیاسا دەخرێنە دەنگدانەوە. پەرلەمانتارێکیش دەڵێت، زۆربەی پەرلەمانتاران سەرقاڵی ئامادەکاریی هەڵبژاردنن و زەحمەتە رێژەی یاسایی تەواو ببێت

میدیای نزیک لە بەڕێوەبەرایەتیی خۆسەر دەڵێت، حکومەتی هەرێمی کوردستان دیواری کۆنکرێتی لە سنووری باشوور و رۆژئاوای کوردستان دروست دەکات، بەڵام فەرماندەیی پاسەوانی سنووری عێراق گوتی، کارەکانی تایبەت بە دانانی دیواری کۆنکرێتی لەلایەن فەرماندەییەکەی ئەوانەوە سەرپەرشتی دەکرێ. دەشڵێت، پلانەکە سەرجەم رووبەری سنووری عێراق – تورکیا – سووریا دەگرێتەوە.

بەگوێرەی راگەیێندراوی نووسینگەی سەرۆکوەزیرانی عێراق، ئەمڕۆ شەممە، محەممەد شیاع سوودانی، سەرۆکوەزیرانی عێراق پەیوەندیی تەلەفۆنی لەگەڵ هەریەک لە سەرۆک مەسعود بارزانی؛ نێچیرڤان بارزانی، سەرۆکی هەرێمی کوردستان؛ مەسرور بارزانی، سەرۆکوەزیرانی هەرێمی کوردستان و بافڵ تاڵەبانی، سەرۆکی یەکێتیی نیشتمانیی کوردستان ئەنجامداوە.

جێگری سەرۆکی لیژنەی نەوت و گاز لە پەرلەمانی عێراق دەڵێت، چاوەڕوان دەکرێت لە دوو ساڵی داهاتوودا بەرهەمهێنانی نەوت لە هەرێمی کوردستان بگاتە نزیکەی یەک ملیۆن بەرمیل لە رۆژێکدا. ئاماژە بەوەش دەکات، لەمەودوا مووچەی مووچەخۆرانی هەرێمی کوردستان دواناکەوێت

گوتەبێژی بزووتنەوەی نوجەبا لە وەڵامی گوتەکانی بنیامین نەتەنیاهوو، سەرۆکوەزیرانی ئیسرائیل سەبارەت بە عێراق دەڵێت، "هیچ بەهایەک بۆ ئەو لێدوانانە دانانێین."

وەزیری دەرەوەی عێراق گوتەکانی بنیامین نەتەنیاهوو، سەرۆکوەزیرانی ئیسرائیل سەبارەت بە عێراق رەتدەکاتەوە و دەڵێت، "قبووڵکراو نین."

بەڕێوەبەری گشتیی کۆمپانیای سۆمۆ دەڵێت، سبەی کاژێر 06:00ی بەیانی هەناردەکردنەوەی نەوتی هەرێمی کوردستان دەستپێدەکاتەوە. دەشڵێت، وڵاتانی ئەورووپا پێویستییان بەو نەوتەیە

راوێژکارێکی سوودانی دەڵێت، دیاریکردنی نرخی دینار بەم نرخەی ئێستا، هۆکاری سەرکەوتنی سیاسەتی نەختینەیی بووە. دەشڵێت، یەدەگی دراوی عێراق بەشی زیاتر لە 12 مانگ بازرگانیی دەرەکی دەکات.

دوای زیاتر لە دوو ساڵ و نیو لە راگیرانی، هەناردەی نەوتی هەرێمی کوردستان دەستپێدەکاتەوە. رووداو زانیاریی نەبیستراو لەبارەی وادە و شێوازی پڕۆسەی هەناردەکردنەوەکە ئاشکرا دەکات.

بەپێی ئەو ئامارانەی لە وەزارەتی بازرگانیی عێراق دەست رووداو کەوتوون، قەبارەی ئاڵوگۆڕی بازرگانیی عێراق لەگەڵ تورکیا و ئێران ئەم ساڵ زیاتر لە 11 ملیار دۆلار بووە

گوتەبێژی وەزارەتی تەندروستیی عێراق دەڵێت، ئەم ساڵ تاوەکو سەرەتای مانگی ئەیلوول، 296 تووشبوون بە تای خوێنبەربوون تۆمارکراون؛ ئاماژە بەوەش دەکات، هەڵمەتی هۆشیارکردنەوە و رێکاری تایبەتیان بۆ خۆپارێزی لە نەخۆشییەکە گرتووەتەبەر

لە کۆبوونەوەی ئەمڕۆی ئەنجوومەنی وەزیرانی هەرێمی کوردستان، بڕیاردراوە داواکارییەکەی بەغدا بۆ رادەستکردنی 120 ملیار دینار لە داهاتی نانەوتی جێبەجێ بکرێت و بڕیارەکە لە ئەمڕۆوە جێبەجێ دەکرێت.

بەڕێوەبەری فەرمانگەی پلاندانان لە وەزارەتی کشتوکاڵی عێراق دەڵێت، بڕی ئاوی کۆگاکراو بەجۆرێک کەم بووەتەوە کە ئیدی دەبێ زیاتر بۆ خواردنەوە بەکاربهێندرێ و خەریکە نەتوانرێ بۆ کشتوکاڵ سوودی لێوەربگیرێت

جێگری پارێزگاری بانکی ناوەندیی عێراق، بەردەوامیی پێدانی دۆلار بە نرخی فەرمی بە گەشتیاران دووپات دەکاتەوە

قایمقامی قەزای کفری بە تۆڕی میدیایی رووداوی راگەیاند، کەمێک لەمەوپێش لە کفری دوو کەس بە دەستڕێژی گوللـە کوژران.

دوو رۆژ دوای کوژرانی ئەکبەری حاجی رۆستەم، ئاسایشی گەرمیان دەستگیرکردنی سێ تۆمەتباری راگەیاند

وەزیری کار و کاروباری کۆمەڵایەتیی عێراق دەڵێت، 90%ی کرێکارە سووریاییەکان بە نایاسایی لە عێراقن. ئاماژە بەوەش دەکات، هەزاران کەس لەوانەی لە کاتی زیارەتە ئایینییەکاندا دێنە عێراق، ناگەڕێنەوە بۆ وڵاتەکانیان

جێگری فەرماندەی ئۆپەراسیۆنە هاوبەشەکانی عێراق دەڵێت، چەکدارانی داعش شوێنی خۆحەشاردانیان لە وڵاتدا نەماوە و چیدیکە مەترسیی گەورە نین. ئاماژە بەوەش دەکات، کشانەوەی هێزەکانی ئەمریکا و وڵاتانی دیکەی ئەندام لە هاوپەیمانیی نێودەوڵەتی بە واتای کۆتاییهاتنی هاوئاهەنگی نایەت لەگەڵیان

دیوانی شاهانەی سعودیە مردنی موفتیی گشتیی شانشینی سعودیە و سەرۆکی دەستەی گەورە زانایانی وڵاتەکەی راگەیاند

وەزارەتی دادی عێراق رایگەیاند، فەرمانگەی یاسایی وەزارەتەکەیان سێ سکاڵای نێودەوڵەتی یەکلاکردووەتەوە، کە لەلایەن سێ کۆمپانیای هۆڵەندی بە ناوەکانی (ئەپۆلۆ فاشن، پۆڵتری و کۆنتنێنتاڵ کۆنسترەکشن) لە دژی عێراق تۆمارکرابوون.

بەڕێوەبەری گشتیی کۆمپانیای بەبازاڕکردنی نەوتی عێراق (سۆمۆ) دەڵێت، بەغدا و هەولێر نزیکن لە واژۆکردنی رێککەوتنێک بۆ هەناردەکردنی نەوتی هەرێمی کوردستان. دەشڵێت، هەناردەکردنەوەی نەوت کاریگەری لەسەر پابەندبوونەکانی عێراق بە بڕیارەکانی ئۆپێک نابێت.

گوتەبێژی کۆمیسیۆنی باڵای سەربەخۆی هەڵبژاردنەکانی عێراق رایگەیاند، هاوئاهەنگییان بۆ وەرگرتنی قوتابخانەکان لە 5ی مانگی 11 کردووە و لە سبەیەوە کارتی بایۆمەتریی دەنگدانیش دابەش دەکرێت.

نووسینگەی سەرۆکوەزیرانی عێراق لیژنەیەک بۆ پێکهێنانی سەندیکایەکی تایبەت بە کرێکارانی دیلیڤەری پێکدەهێنێت. نوێنەری یەکێتیی سەندیکاکانی کرێکاران دەڵێت، ژمارەی ئەو کەسانە نزیکەی 400 هەزارە

کەشناسی و بوومەلەرزەزانیی هەرێمی کوردستان پێشبینی دەکات پلەی گەرما نزم ببێتەوە. کەشناسیی عێراقیش دەڵێت، هیچ ئاماژەیەک بۆ شەپۆلی بارانبارین نییە

سەرۆکی سەندیکای زێڕینگەرانی هەولێر بە رووداوی راگەیاند، نرخی مسقاڵێک زێڕی عەیار 21 ئەمڕۆ لەگەڵ کردنەوەی بازاڕەکان بە 750 هەزار دینارە

نوێنەری مەسەدە لە دیمەشق دەڵێت، هێزەکانی سووریای دیموکرات و دیمەشق شەڕیان ناوێت و حکومەتی سووریای بە "سست بوون" لە جێبەجێکردنی رێککەوتنی 10ی ئادار تۆمەتبار کرد

کۆمیسیۆنی هەڵبژاردنەکانی عێراق زیاتر لە 23 ملیۆن کاخەزی دەنگدانی چاپکردووە. گوتەبێژی کۆمیسیۆنەکە دەڵێت، ساختەکردنی کاخەزەکان "ئەستەمە."

لەسەر درۆنێک گرژی لە نێوان دەزگای دژەتیرۆری عێراق و هێزێکی سەر بە حەشدی شەعبی دروست دەبێت. دەزگای دژەتیرۆر دەڵێت، درۆنی ئەوان بووە و هیچ هێزێکی هاوپەیمانیی نێودەوڵەتییان لەگەڵ نەبووە. بەرپرسێکی حەشدی شەعبیش بە رووداوی گوت، "کاروانێکی هاوبەشی هێزەکانی ئەمریکا و دەزگای دژەتیرۆری عێراق" ویستیان بچنە نێو بارەگای لیوای 12 و رێگرییان لێکراوە.

وەزیری بازرگانیی عێراق دەڵێت، پێشنیازێک هەیە بۆ بڕینی بەشەخۆراکی مانگانەی ئەو کەسانەی مووچەکەیان ملیۆنێک و 500 هەزار دینار یان زیاترە، بەڵام تاوەکو ئێستا ئەو پێشنیازە لەلایەن ئەنجوومەنی وەزیرانەوە پەسند نەکراوە.

لە رێوڕەسمێکدا بە ئامادەبوونی پارێزگاری سلێمانی و ماڵباتی شێرکۆ بێکەس، مۆزەخانەی ماڵی شێرکۆ بێکەس لە سلێمانی کرایەوە. بەڕێوەبەری گشتیی تۆڕی میدیایی رووداو لە کاتی کردنەوەی مۆزەخانەکەدا ئاماژەی بەوە کرد، ئەوەی ئەمڕۆ ئێمە بەبۆنەیەوە کۆبووینەتەوە، هەنگاوێکی جوانە، ئەو نەوانەی دەبنە شەیدای ئەدەبی شێرکۆ بێکەس، دوای ئەوەی ماڵەکەی کرایە مۆزەخانەی خۆی، شوێنێک هەیە سەردانی بکەن.

وەزارەتی دەرەوەی عێراق لە راگەیێندراوێکدا دەڵێ، پێشوازی لەو گۆڕانکارییە ئەرێنییانە دەکەن کە لە هەفتەکانی رابردوودا لەبارەی رێنماییەکانی گەشتکردن لەلایەن ژمارەیەک وڵاتی ئەورووپییەوە دەرکراون و ئاماژە بەوە دەکات، "ئەمە لە ئەنجامی ئەو هەوڵە دیپلۆماسییانەیە کە وەزارەت و باڵیۆزخانەکانی لە دەرەوە داویانە."

دەزگای هەواڵگریی نیشتمانیی عێراق روونکردنەوەی لەبارەی گواستنەوەی 47 هاووڵاتیی فەرەنسی لە سووریاوە بۆ عێراق بڵاوکردەوە و دەڵێ، "تاوانی تیرۆریستییان" کردووە

کەشناسیی هەرێمی کوردستان پێشبینی دەکات سبەی شەپۆلی خۆڵبارین کۆتایی بێت. شارەزایەکی کەشناسییش دەڵێت، پلەی گەرما چەندین پلە دابەزیوە

وەزارەتی ناوخۆی عێراق رەتیدەکاتەوە کە هیچ گرووپێکی چەکداری عێراقی چووبنە نێو خاکی سووریا و دەڵێت، جووڵە سەربازییەکان تەنیا لەنێو خاکی عێراقدا بەگوێرەی بنەماکانی دراوسێیەتیی باش دەکرێن.

بڕیارە رۆژی شەممە باڵی کوردساتی بزووتنەوەی گۆڕان کۆبوونەوەیەک بکات و ژمارەیەک لە ئەندامانی بزووتنەوە کۆبکاتەوە.

سێڤین وەرتی، زێڕنگر لە بازاڕی زێڕنگرانی هەولێر بە رووداوی گوت، "لە کاتی داخستنی بازاڕەکاندا، نرخی مسقاڵێک زێڕی عەیار 21، بە 735 هەزار دینار و نرخی کیلۆیەک زیویش بە 1420 دۆلار بوو."

وادەی خۆتۆمارکردن بۆ ناونووسین بۆ بەجێهێنانی حەجی ئەم ساڵ درێژکرایەوە. گوتەبێژی بەڕێوەبەرایەتیی حەج و عومرە دەڵێت، درێژکردنەوەکە بۆ رەخساندنی دەرفەتی زیاترە بە هاونیشتمانیان.

محەممەد شیاع سوودانی، رەزامەندیی لەسەر دەستپێکردنی کارکردن بە واژۆی ئەلیکترۆنی بۆ دامەزراوەکانی دەوڵەت، کەرتی تایبەت و هاووڵاتیان دەربڕی و خۆیشی یەکەم واژۆی بەو شێوازە کرد. رایگەیاند، ئەو هەنگاوە متمانەی هاووڵاتی بە رێکارەکانی دەوڵەت و دامەزراوەکانی پتەوتر دەکات.

دوای خۆپێشاندانی شۆفێرانی بارهەڵگر لە دژی رێکارە ئەمنییەکانی بازگەکان، سوودانی چەند بڕیار و راسپاردەیەکی دەرکرد. نووسینگەی راگەیاندنی سەرۆکوەزیرانی عێراق دەڵێت، وەزارەتی ناوخۆ رێگە بە تێپەڕبوونی ئەو بارهەڵگرانە دەدات کە لە هەرێمی کوردستانەوە دێن و بەرهەمی نێوخۆییان بارکردووە، بەبێ پشکنینی سۆنار.

فەرماندەیەکی بزووتنەوەی نوجەبا لەبارەی بڕیاری حکومەتی ئەمریکا بۆ بە "تیرۆریست" ناساندنی گرووپەکەیان رایگەیاندووە، "سازش ناکەین و پاشگەز نابینەوە"، دەشڵێت، بڕیارەکانی ئەمریکا "هیچ بەهایەکیان نییە."

ئەمڕۆ بۆ سێیەم جار لەسەر یەک، پەرلەمانی عێراق لەبەر تەواونەبوونی رێژەی یاسایی پەرلەمانتاران، دانیشتنی دواخست.

بەشێکی زۆری کارەکانی دروستکردنی شاری ئووری گەشتیاری لە پارێزگای زیقار تەواوکراون. بەڕێوەبەری راگەیاندنی شارە گەشتیارییەکە دەڵێت، شارەکە لەسەر رووبەری 433 دۆنم دروست دەکرێتەوە و دواتر 400 دۆنمی دیکەشی بۆ زیاد دەکرێت.

گوتەبێژی وەزارەتی کاری عێراق رایگەیاند، تاوەکو ئێستا بڕیاری زیادکردنی مووچەی فەرمانبەران جێبەجێ نەکراوە، چونکە خاوەنکاران دژی زیادکردنەکەن.

وەزارەتی ناوخۆی عێراق دوو پۆلیسی هاتووچۆ لەسەر وەرگرتنی "کارتۆنێک شەربەت" لە دوو گەنج وەک بەرتیل بە گرتن، پێبژاردنی دارایی و دەرکردنیان لە ئەرکەکانیان سزا دەدات

بەڕێوەبەری راگەیاندنی فەرماندەیی پاسەوانی سنووری عێراق دڵنیایی دەدات لەوەی سنوورەکان بەتەواوی پارێزراون و "هیچ مەترسییەک لەودیو سنوورەوە لەسەر عێراق نییە"؛ دەشڵێت، 99٪ی سەرجەم سنوورەکانی عێراق بە کامێرای چاودێری کۆنترۆڵ کراون و بەردەوامن لە دانانی دیواری کۆنکرێتی.

دوای پێدانی زانیاری لەلایەن بەڕێوەبەرایەتیی گشتیی بەرەنگاربوونەوەی مادە هۆشبەرەکانی سەر بە دەزگای ئاسایشی هەرێمی کوردستان (سلێمانی)، وەزارەتی ناوخۆی عێراق و لایەنی ئەمنیی سعودیە توانیان "دوو گەورە بازرگانی نێودەوڵەتیی مادەی هۆشبەر" بە 142 کیلۆگرام کریستاڵەوە لە سعودیە دەستگیربکەن. گوتەبێژی دەزگای ئاسایشی هەرێمی کوردستان (سلێمانی) گوتی: "ئۆپەراسیۆنەکە لەسەر بنەمای زانیاریی وردی ئێمە بووە."

کۆمیسیۆنی هەڵبژاردنەکانی عێراق ژمارەی دەنگدەر، بنکە و وێستگەکانی دەنگدانی ئاشکرا کرد. بەگوێرەی ئامارەکە، زیاتر لە 21 ملیۆن کەس لە دەنگدانی گشتی و تایبەت لە 47.988 بنکە و وێستگەدا دەنگ دەدەن.

گوتەبێژی وەزارەتی سەرچاوەکانی ئاوی عێراق دۆخی ئاو لە عێراق بە قەیراناوی ناودەبات و دەڵێ، رێژەی ئاوی گلدراوە کەمترە لە 8٪ و ئەوە "نزمترین رێژەی ئاوی گلدراوەیە لە مێژووی دەوڵەتی عێراقدا."

بە گوتەی راوێژکاری ئاسایشی نیشتمانیی عێراق، تاوەکو سەرەتای ئەم مانگە، نزیکەی 5000 خێزانی عێراق لە کەمپی هۆلەوە گەڕێندراونەتەوە. قاسم ئەعرەجی بە رووداوی گوت، کەمپەکە هێشتا هەڕەشەی ئەمنییە و بە "بۆمبی تەوقیتکراو" ناوی دەبات.

فوئاد حوسێن، وەزیری دەرەوەی عێراق و عەباس عێراقچی وەزیری دەرەوەی ئێران، لە پەراوێزی کۆبوونەوەی ئامادەکاریی وەزیرانی دەرەوە بۆ لووتکەی نائاسایی عەرەبی - ئیسلامی لە دەوحەی پایتەختی قەتەر، کۆبوونەوە.

بەگوێرەی ئەو زانیارییانەی رووداو لە ئەنجوومەنی دەوڵەتەوە دەستی کەوتوون، ئەمڕۆ ئەنجوومەنەکە هیچ دانیشتنێکی فەرمی لەبارەی دۆسیەی نانەوتیی هەرێمی کوردستان نەکردووە، بەڵام داوای دوو نوێنەری لە بەغدا و هەولێر کردووە بۆ راگۆڕینەوە.

وەزارەتی بازرگانیی عێراق وەکو یەکەم گوژمە، دوو تریلیۆن دیناری پارەی گەنم بەسەر جووتیاراندا دابەش دەکات. گوتەبێژی وەزارەتەکە دەڵێت، لە گوژمەی داهاتوو پارەی جووتیارانی هەرێمی کوردستان دەدرێت.

دەستەی دەستپاکیی عێراق دەڵێت، لە ئەنجامی هاوئاهەنگیکردن لەگەڵ دەسەڵاتدارانی ئوردن، رەزامەندی درا لەسەر گێڕانەوەی ئەو پارەیەی بەڕێوەبەری پێشووی دەستەی ئاڵوگۆڕی پشک و بەڵگەنامە داراییەکانی عێراقی سەر بە وەزارەتی دارایی بە "نایاسایی بردوویەتییە ئەو وڵاتە."

سەرۆکوەزیرانی عێراق رایگەیاند، "رێگە بەوانە نادەین هەوڵی گەڕاندنەوەی سەردەمی وێرانکاری، دڕندەیی، دیکتاتۆری و گۆشەگیری دەدەن لەژێر ناونیشانی دیکەدا."

ئەمیندارێتیی گشتیی ئەنجوومەنی نیشتمانیی کورد لە سووریا (ئەنەکەسە) رایگەیاند، لە کۆبوونەوەی ئەمڕۆ شەممە دوایین پێشهاتە سیاسییەکانی سووریا و کوردستان و گۆڕانکارییەکانی پەیوەست بە دۆزی کوردیان لەو وڵاتە تاوتوێ کردووە و دەڵێت، پابەندبوونی ئەنجوومەنی نیشتمانیی کوردی بە دەرئەنجامەکانی کۆنفرانسی یەکڕیزیی کورد کە لە 26ـی نیسانی رابردوو بەڕێوەچوو، دووپات دەکەنەوە.

ئیدارەی گشتیی یەکێتیی نیشتمانیی کوردستان لە دەشتی گەرمیان، 10 بیر بۆ ئاژەڵی کێوی لێدەدات بۆ ئەوەی لە تینوێتی رزگاریان بکات.

دەنگۆی خستنەخوارەوەی درۆنێک لەلایەن باڵیۆزخانەی ئەمریکاوە لە بەغدا بڵاودەبێتەوە و فەرماندەیی ئۆپەراسیۆنەکانی بەغداش رەتی دەکاتەوە.

عێراق و ئێران یاداشتێکی لێکتێگەیشتنی هاوبەشیان تایبەت بە هاوئاهەنگیی لە بواری رووبەڕووبوونەوەی مادە هۆشبەرەکان و کارتێکەرە دەروونییەکان واژۆ کرد

کاردانەوە بەرامبەر بڵاوبوونەوەی چەند تۆمارێکی دەنگی، گوایە قسەی محەممەد شیاع سوودانی و چەند کەسێکی نزیکی سەرۆکوەزیرانی عێراقن، بەردەوامە. کەسایەتییەکی نزیک لە سوودانی دەڵێت، ئەو تۆمارانە ساختە و دەستکاریکراون و ئامانج لێیان کەمکردنەوەی پاڵپشتییە جەماوەرییەکانی سوودانییە

گوتەبێژی وەزارەتی پلاندانانی عێراق دەڵێت، لە رۆژی 15ی ئەیلوولەوە رێگە بە هاوردەکردنی هیچ بەرهەمێک نادرێت کە بارکۆدی تایبەت بە کواڵیتیی جۆریی عێراقی لەسەر نەبێت. ئاماژە بەوەش دەکات، لەسەر ئەو پرسە هاوئاهەنگی لەگەڵ هەرێمی کوردستان دەکەن

دوای بەدواداچوونێکی رووداو، ئاسایشی هەولێر دوو تۆمەتباری بە تۆمەتی کوشتنی ئاژەڵێکی کێوی دەستگیرکرد.

سەرەڕای ئەوەی لە دوایین کۆبوونەوەی ئەنجوومەنی وەزیرانی عێراق بڕیاردرا نەوتی هەرێمی کوردستان رادەستی وەزارەتی نەوتی عێراق بکرێ. بریکاری وەزارەتی نەوتی عێراق دەڵێت، هێشتا نەوت رادەست نەکراوە و گفتوگۆکان بەردەوامن.

ئەمڕۆ پێنجشەممە، 11ی ئەیلوولی 2025، بەڕێوەبەرایەتیی فڕۆکەخانەی نێودەوڵەتیی بەغدا لە راگەیێندراوێکدا گوتی: "بۆ رای گشتی روون دەکەینەوە، ئەوەی لە هەندێک لە دەزگاکانی راگەیاندن و تۆڕە کۆمەڵایەتییەکاندا سەبارەت بە لابردنی وێنەی فەرماندەی سەرکەوتن شەهید ئەبوو مەهدی موهەندیس بڵاوکراوەتەوە، هەواڵێکی تەواو دوورە لە راستییەوە و هیچ بنەمایەکی نییە."

دادگەی فیدراڵی بە بڕیاری ژمارە 59ی ساڵی 2025، دەستووری بوونی هەموارکردنی یاسای باری کەسی راگەیاند و ئەو تانانەی رەتکردەوە کە لە دژی هەموارەکە پێشکێش کرابوون.

وەزیری بەرگریی عێراق دڵنیایی دەدات هەنگاوی گەورەیان بۆ بەهێزکردنی ئاسمانی وڵاتەکەیان دەستپێکردووە و دەڵێت، 8 سیستمی نوێی بەرگریی لە کۆریای باشوورەوە دەگەنە عێراق.

دەزگای ئاسایشی هەرێمی کوردستان دەستگیرکردنی باندێکی 7 کەسیی بازرگانیی کۆچبەری نایاسایی راگەیاند، گوتەبێژی دەزگاکەش رایگەیاند، کۆچبەری بەنگلادیش و پاکستانیان بە قاچاخ هێناوە.

دیوانی وەقفی سوننە دەفلێدان لە مزگەوتەکان قەدەخە دەکات و بەرپرسێکی وەقفەکەش دەڵێت، سەریان لە نوێژخوێنان تێکداوە.

بەڕێوەبەری گشتیی حەج و عومرەی هەرێمی کوردستان دەستبەرداربوونی خۆی لە پۆستەکەی راگەیاند و دەڵێت، ئەو قسانەی لە میدیاکانەوە لەبارەی هۆکاری دەستلەکارکێشانەوەی بڵاوکراونەتەوە "ناڕاستن". گوتەبێژی بەڕێوەبەرایەتییەکەش خۆی بۆ وەرگرتنی پۆستەکە بەربژێر دەکات.

ئەنجوومەنی وەزاری عێراق بۆ ئابووری، هاوردەکردنی هەموو جۆرە مریشکێکی بەستوو قەدەخە دەکات. سەرەڕای تێپەڕینی نزیکەی شەش ساڵ لە قەدەخەکردنی، بەڵام هێشتا هاوردەکردنی لە هەرێمی کوردستان بەردەوامە.

وەزیرى سامانە سرووشتییەکانی هەرێمی کوردستان بەوەکالەت لە کۆنفرانسێکی رۆژنامەڤانییدا رایگەیاند، رازی بوون سۆمۆ نەوتەکە بفرۆشێت و داهاتەکەی بچێتە گەنجینەی فیدراڵی، لە بەرامبەردا بودجەی هەرێمی کوردستان بنێردرێت نەک مووچە. دەشڵێت، کۆمپانیاکانی نەوت داوا دەکەن لەکاتی دروستبوونی هەر گرفتێک یاسای فەرەنسی یان بەریتانی دادوەر بێت.

دەستڕێژی گوللـە لە بارەگایەکی حیزبی شیوعیی کوردستان لە نێوان قەرەهەنجیر و چەمچەماڵ کرا. بەرپرسێکی حیزبەکە دەڵێت، زیانێکی زۆری مادی هەبووە و بکەرەکان نەناسراون.

لە ناوچەی وەندی کەربەلا، لە کاتی کۆنکرێتکردندا پایەکانی پردێک رووخا، بەهۆیەوە ژن و پیاوێک گیانیان لەدەست دا، کە هاوژینی یەکدین و 6 کەسیش بریندار بوون.

ئەمیندارێتیی گشتیی ئەنجوومەنی وەزیرانی عێراق لەبارەی بڕیاری هەڵوەشاندنەوەی پڕۆژەی سیستمی سندووقی خانەنشینیی فەرمانبەرانی دەوڵەت روونکردنەوەیەکی بڵاوکردەوە و رایگەیاند، بڕیارەکە لەسەر داوای فەرمیی دەستەی نیشتمانیی خانەنشینی و بەهۆی نەبوونی رێنوێنیی کارپێکەر بۆ کارەکانی دەستەکە دەرچووە و هیچ کاریگەرییەکی لەسەر مافی فەرمانبەر و خانەنشینان نابێت.

لە ناوچەی وەندی کەربەلا، لە کاتی کۆنکرێت کردندا پایەکانی پردێک رووخا و 6 برینداری لێکەوتەوە.

سەرۆکوەزیرانی عێراق فەرمانی بە پێکهێنانی لیژنەیەکی باڵا کرد، بۆ لێکۆڵینەوە لە بەقاچاخبردنی نەوت. "پێویستە لیژنەکە دوای تەواوکردنی لێکۆڵینەوەکانی، راسپاردەکانی پێشکێشی ئەنجوومەنی وەزیران بکات."

سەرۆکی یەکێتیی جیهانیی زانایانی ئیسلامی دەڵێت، کۆنفرانسێکی تایبەتیان بە پرسی غەززە لە ئیستەنبووڵ بەستووە و داوایان لە ئەردۆغان کردووە لووتکەیەکی گەورەی وڵاتانی ئیسلامی ببەسترێت، دواتر داوا لە ترەمپ بکرێت فەرمان بە نەتەنیاهوو بکات شەڕ رابگرێت.

فەرماندەیەکی حەشدی شەعبی باس لە پێکدادانی گرووپێکی چەکداری سووریا و حەشدی شەعبی لە سنووری عێراق - سووریا دەکات و وەزارەتی ناوخۆش رەتی دەکاتەوە

باڵیۆزخانەی عێراق لە مۆسکۆ هۆشداری دەدات لە هەوڵەکان بۆ فریودانی هاووڵاتییانی عێراق بە مەبەستی بەشداریکردنیان لە جەنگی رووسیا و ئۆکراینا

دەستەی سەربەخۆی مافی مرۆڤ لە هەرێمی کوردستان پەیامێک سەبارەت بە هەندێک بابەتی پەیوەست بە شەڕەکەی لالەزار لە سلێمانی و کەیسی ئارام قادر ئاراستەی سەرۆکایەتییەکانی هەرێمی کوردستان، سەرۆکایەتیی ئەنجوومەنی دادوەری، نوێنەرایەتیی نەتەوە یەکگرتووەکان، کۆنسووڵخانە و نوێنەرانی وڵاتان لە هەرێمی کوردستان دەکات

رەحمان غەریب، رێکخەری سەنتەری میترۆ دەڵێت، "لە پاش هێرشە خوێناوییەكەی سەر لالەزار، چەند جارێك دیداریان لەگەڵ كردووم، سوپاسی ئەو كەناڵانە دەكەم و ئێستاش وەڵامم بۆ پرسیارەكانیان وەك خۆیەتی و لە یەک دێڕیش پەشیمان نیم." دەشڵێت، "رێكخراوەكەمان بە پارەی سیاسی بەڕێوەناچێت تاوەکو دەستوەردان لە كارەكانی بكرێت."

نوێنەری حکومەتی هەرێمی کوردستان لە فەرەنسا بە ئاڵا شاڵی، پەیامنێری رووداوی راگەیاند، "پێش کۆتایی ئەم ساڵ، سەرۆک ماکرۆن سەردانی هەولێر و بەغدا دەکات و لەگەڵ سەرۆک بارزانی؛ نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکی حکومەتی هەرێمی کوردستان کۆدەبێتەوە."

هۆشیار زێباری، لە پۆستێکدا لە تۆڕی کۆمەڵایەتی ئێکس نووسیویەتی: "حکومەتی عێراق وەکو هەمیشە لیژنەیەکی لێکۆڵینەوەی بۆ دەرخستنی راستییەکان پێکهێنا؛ راپۆرتەکە دەرچوو و دانی بە هێرشەکاندا نا، بەڵام بوێری ئەوەیان نەکرد ناوی بکەران ئاشکرا بکەن."

راوێژکارێک لە راوێژکارێتی ئاسایشی نیشتمانیی عێراق دەڵێت، زیاتر لە 3500 خێزانی چەکدارانی پێشووی داعش کە پێشتر لە کەمپی هۆل بوون، شیاندنەوەیان تەواو بووە و گەڕێندراونەتەوە پارێزگاکانی خۆیان. دەشڵێت، دوای گەڕانەوەشیان بۆ نێو کۆمەڵگە چاودێریی ئەمنییان لەسەر دەبێت.

وه‌زیرى پێشمه‌رگه‌ به‌رگى یه‌كه‌مى كتێبه‌كه‌ى به‌ناوى، (وه‌رزى به‌ره‌نگاریى: مێژووى رووداو و به‌سه‌رهاته‌كانى ته‌مه‌نى خه‌بات‌ و پێشمه‌رگایه‌تیم تا ساڵى 1985)، بڵاوده‌كاته‌وه‌.

ئەمڕۆ یادی لە دایکبوونی پێغەمبەری ئیسلامە؛ گوتەبێژی وەزارەتی ئەوقاف دەڵێت، ئەم ساڵ چالاکی هەمەجۆر دەکرێن و دوو ئاهەنگی "گەورە" لەم مانگەدا لە هەولێر ساز دەکرێن.

سەرۆکوەزیرانی عێراق لە عومان، ژمارەیەک رێککەوتننامە و یاداشتنامەی لێکتێگەیشتنی لەگەڵ جێگری سەرۆکوەزیرانی ئەو وڵاتە واژۆکرد، کە لە چەندین بواری جیاوازدان، لەوانە ئابووری، وزە، پەروەردە و گەشتوگوزار.

ئەنجوومەنی وەزاریی ئەنجوومەنی هاریکاریی کەنداو کۆبووەوە و چەندین بڕیار و راسپاردەی دەکرد. سەبارەت بە سنووری عێراق و کوێت و پرسی خۆر عەبدوڵڵا ئەنجوومەنەکە دەڵێت، "پێویستە" عێراق رێز لە سەروەریی دەوڵەتی کوێت و یەکپارچەیی خاکەکەی بگرێت، کە دوورگە و ناوچە دەریاییەکانیشی دەگرێتەوە

وەزارەتی بەرگریی عێراق لەبارەی تەقینەوەکەی ئەمڕۆی سنووری پارێزگای سلێمانی دەڵێت، "لە چوارچێوەی پرۆگرامی راهێنانی کۆلێژی سێیەمی سەربازیی قەڵاچوالان لە سلێمانی بۆ خوێندکارانی خولی 89، تەقەمەنییەک تەقییەوە کە بووەهۆی برینداربوونی 4 قوتابی کۆلێژەکە."

فەرمانگەی تیمی پەیوەندیی حکومی دەڵێت، لە چوارچێوەی پلانی دروستکردنی 100 قوتابخانە لە سەرتاسەری عێراق، 33 قوتابخانە بۆ منداڵانی بێ دایک و باوک تەرخانکراون

لە مانگی ئابدا 43 بوومەلەرزە لە باشووری کوردستان و عێراق تۆمارکراون؛ 20 بوومەلەرزەیان لەنێوخۆ روویانداوە و 23 بوومەلەرزەکەی دیکە لە دەرەوەی عێراق و نزیک سنوورەکانی بوون

وەزارەتی دارایی هەرێمی کوردستان لیستی مووچەی مانگی شەشی بڵاوکردەوە و لە سێ رۆژدا دابەش دەکرێت.

سەرچاوەیەک لە حکومەتی هەرێمی کوردستان بە رووداوی گوت، 690 ملیار دینار خراوەتە سەر هەژماری وەزارەتی دارایی و ئابووریی هەرێمی کوردستان بۆ مووچەی مانگی حوزەیران

بافڵ جەلال تاڵەبانی، سەرۆکی یەکێتیی نیشتمانیی کوردستان راگەیێندراوێکی لە فەیسبووک بڵاوکردەوە و دەڵێت، لە دەباشان پێشوازی لە حەمید شەتری، سەرۆکی دەزگای هەواڵگریی نیشتمانیی عێراق کردووە و دۆخی ئەمنیی عێراق و ناوچەکەیان تاوتوێ کردووە. سەرچاوەیەکی باڵای ئەمنیی عێراقیش بە رووداوی گوت، سەردانەکە بۆ بەدواداچوونی رووداوەکەی لالەزارە.

لە ئۆپەراسیۆنەکەدا هێزە ئەمنییەکان هەڵیانکوتاوەتە سەر ژمارەیەک حەشارگەی شانەکانی داعش و "چەندین" تۆڕی رێکخراوەکەیان هەڵوەشاندووەتەوە.

بەهۆی کێشەیەکی کۆمەڵایەتی، شەڕەتەقە لەنێوان چەند ئامۆزایەکدا روویدا و 7 قوربانی لێکەوتەوە.

سەرۆکایەتیی کۆماری یەمەن لە سەنعا (حووسییەکان)، کوژرانی سەرۆکوەزیرانی وڵاتەکە و ژمارەیەک وەزیری راگەیاند، کە هەفتەی رابردوو لە هێرشێکی ئیسرائیلدا کرابوونە ئامانج.

نووسینگەی راگەیاندنی سەرۆکوەزیرانی عێراق بڵاویکردەوە، محەممەد شیاع سوودانی لە پەیوەندییەکەدا ئاماژەی بە هەوڵەکانی حکومەتەکەی کرد بۆ سازدانی کۆنفرانسێکی هەرێمی لە بەغدا بەمەبەستی تاوتوێکردنی پرسەکانی ناوچەکە، هاوکات جەختی لە گرنگیی سەردانە چاوەڕوانکراوەکەی سەرۆکی فەرەنسا بۆ بەغدا کردەوە.

دوو رۆژە ناوچە شاخاوییەکانی هەردوو گوندی هەڵاڵاوا و مەسۆ لە سنووری پێنجوێن گڕی گرتووە. دوو گەنجی خۆبەخش لەکاتی هەوڵدانیان بۆ کوژاندنەوەی ئاگرەکە بریندار بوون و رەوانەی نەخۆشخانەی سلێمانی کران بۆ وەرگرتنی چارەسەری پزیشکی

دوو رۆژە ناوچە شاخاوییەکانی دوو گوندی سنووری پێنجوێن دەسووتێت

گوتەبێژێکی باڵیۆزخانەی ئەمریکا لە بەغدا دەڵێت، "ئەو راپۆرتانەی باس لەوە دەکەن هێزەکانی ئەمریکا لە سبەینێوە بە تەواوی بەغدا چۆڵ دەکەن، ورد نین."

دەستەی سەربەخۆی مافی مرۆڤ لە هەرێمی کوردستان دەڵێت، کەسوکاری ئەو کەسانەی ئەندامی هێزی "دووپشک" بوون و لەلایەن ئاسایشی سلێمانییەوە دەستبەسەر کراون، دەتوانن سەردانی کەسوکاریان بکەن

شاخەوان عەبدوڵڵا، نوێنەری پارێزگای کەرکووک لە پەرلەمانی عێراق کە هاوکات جێگری سەرۆکی پەرلەمانی عێراقە لە پۆستێکدا لە تۆڕی کۆمەڵایەتیی فەیسبووک وەڵامی رێبوار تەها، پارێزگاری کەرکووک دەداتەوە و دەڵێت، "لەبری ئەوەی بەدواداچوون بۆ ئەو رەخنانە بکەن ئاراستەمان کردوون، ماوەی هەفتەیەکە پارێزگار و ئەندامێکی ئەنجوومەنی پارێزگا ئەرکەکانی خۆیان بەجێهێشتووە و سەرقاڵی وەڵامدانەوەی منن."

دوو سەرچاوەی ئەمنیی عێراق بە تۆڕی میدیایی رووداویان راگەیاند، لە سبەی شەممەوە هێزەکانی ئەمریکا لە چەند ناوچەیەکی بەغدا دەست بە کشانەوە دەکەن. راوێژکاری لیژنەی ئاسایش و بەرگری لە ئەنجوومەنی پارێزگای ئەنباریش دەڵێت، لە عەین ئەسەدیش دەکشێنەوە.

حەیان عەبدولغەنی، وەزیری نەوتی عێراق لەگەڵ شاندێکی کوەیتی بە سەرۆکایەتیی خالید وەلید دین، بریکاری وەزارەتی نەوتی ئەو وڵاتە کۆبووەوە. وەزارەتی نەوتی عێراق رایگەیاندووە، هەردوولا تاوتوێی پتەوکردنی هاوئاهەنگی بۆ وەبەرهێنان لە کێڵگە نەوتییە هاوبەشەکانی نێوانیانیان کردووە.

رووداوێکی هاتووچۆ لە چەمچەماڵ روویدا و بەهۆیەوە 7 کەس برینداربوون؛ بە گوتەی تەندروستیی چەمچەماڵ، چواریان برینەکەیان سەختە.

موقتەدا سەدر، سەرۆکی رەوتی نیشتمانیی شیعە لە راگەیێندراوێکدا سەبارەت بە سووتاندنی قورئانی پیرۆز، لەلایەن ژنە بەربژێرێکی کۆمارییەکان بۆ کۆنگرێسی ئەمریکا لە ویلایەتی تێکساس رایگەیاندووە، "جارێکی دیکە رۆژئاوا رق و کینەی خۆی بەرامبەر بە ئایینی ئاسمانیی ئیسلام رادەگەیێنێت."

سەرچاوەیەک لە لقی هەولێری بانکی ناوەندیی عێراق بە رووداوی راگەیاند، "تاوەکو ئێستا 120 ملیار دینارەکەی داهاتی نانەوتی هەرێمی کوردستان نەخراوەتە سەر هەژماری وەزارەتی دارایی عێراق."

بەگوێرەی راوێژکارێکی سەرۆکی پەرلەمانی عێراق و سەرکردەیەکی بزووتنەوەی نوجەبا، حکومەتی عێراق پڕۆژەیاسای حەشدی شەعبی لە پەرلەماندا کشاندووەتەوە و "هۆکارەکەیشی فشارەکانی ئەمریکایە."

شەوی رابردوو لە گوندێکی سنووری خورماتوو، ژمارەیەک عەرەبی هاوردە بە پاڵپشتیی سوپای عێراق هەوڵی داگیرکردنی چەند پارچە زەوییەکی دوو جووتیاری کوردیان داوە. ئەندامێکی لیژنەی کشتوکاڵ لە ئەنجوومەنی پارێزگای سەلاحەدینیش دەڵێت، 7 بڕیاری دادگەی کارگێڕییان پێبوو بۆ داگیرکردنی چەند پارچە زەوییەک، بەڵام جووتیارە کوردەکان پێیان نەدان

بەردانەوەی ئاوی رووباری ئەڵوەن لەلایەن ئێرانەوە و قوڕولیتە لە بەنداوی ئەڵوەن بوونەتە هەڕەشەیەکی جیدی. بەگوێرەی ئەو ئامارانەی دەست رووداو کەوتوون، بەردانەوەی ئاوی ئەڵوەن لەلایەن ئێرانەوە، لە چرکەیەکدا 3 مەتر سێجا تێناپەڕێنێت

بەڕێوەبەری گشتیی تەندروستیی غەززە دەڵێت، 30%ی کوژراوانی کەرتی غەززە منداڵن؛ ئاماژە بەوەش دەکات، تاوەکو ئێستا 303 کەس لەو ناوچەیەی فەلەستین لەبرسا مردوون

جێگری سەرۆکی لیژنەی وەبەرهێنان لە پەرلەمانی عێراق رایگەیاند، ئەو کۆمپانیایانەی پڕۆژەکانی شاری وەرد و جەواهیرییان وەرگرتووە، دەستیان بە فرۆشتن کردووە لە کاتێکدا هێشتا پڕۆژەکە هەر خۆڵە و دەست بە کار نەکراوە. گوتەبێژی وەزارەتی ئاوەدانکردنەوەی عێراقیش دەڵێت، 4 بۆ 5 ساڵی دیکە قۆناخی یەکەم تەواو دەبێت.

راوێژکارێکی سەرۆکوەزیرانی عێراق بۆ کاروباری تەندروستی رایدەگەیێنێت، پلانیان هەیە تاوەکو کۆتایی ئەم ساڵ رێژەی بەرهەمهێنانی دەرمان لەنێوخۆی عێراقدا بگەیێننە 50٪. ئاماژە بەوەش دەکات، چوار کارگەی نوێی بەرهەمهێنانی دەرمانی چارەسەری شێرپەنجە لە قۆناخی دروستکردندان و یەکێکیان دەکەوێتە سلێمانی.

ئانۆ جەوهەر، وەزیری گواستنەوە و گەیاندنی حکومەتی هەرێمی کوردستان، لە کۆبوونەوەیەکدا لە ڤاتیکان چاوی بە پاپا لیۆی چواردەیەم، پاپای ڤاتیکان کەوت. کۆبوونەوەکە بە ئامادەبوونی ژمارەیەک بەرپرسی باڵای ئەمریکی و ئەورووپی بەڕێوەچوو.

نێردەی نەتەوە یەکگرتووەکان لە عێراق (یونامی) لەبارەی ئەو گرتە ڤیدیۆییانەی دوای هێرشەکەی سەر هوتێل لالەزاری سلێمانی بڵاوکراونەتەوە رایگەیاند: "گرتە ڤیدیۆییەکان نیگەرانکەرن."

بەهۆی خواردنی خێرا ژمارەیەک هاونیشتمانی لە دهۆک ژەهراوی بوون. گوتەبێژی تەندروستیی شارەکەش دەڵێت، خواردنگەکە داخراوە.

وەزارەتی نەوتی عێراق ئەو دەنگۆیانە رەتدەکاتەوە کە باس لە هەناردەکردنی نەوتی رەش بە شێوەی قاچاخ دەکەن و دەڵێت، سەرجەم کارەکانی بەبازاڕکردن و هەناردەکردنی نەوتی رەش بە سیستمێکی رێکاری ورد، لەژێر چاودێری راستەوخۆی کۆمپانیای بەبازاڕکردنی نەوت دەکرێن.

سەرۆکایەتیی داواکاری گشتیی هەرێمی کوردستان راگەیێندراوێکی لەبارەی هێرشەکەی سەر لالەزار بڵاوکردەوە و دەڵێت، پێویستە "کەس لە سەرووی یاساوە نەبێت" و "هاووڵاتییان پابەندی یاسا بن."

سەرچاوەیەکی باڵای ئەمنیی عێراق دەڵێت، سەرجەم هەوڵەکانیان بۆ هێورکردنەوەی دۆخی سلێمانی بووە و بۆ بەدواداچوونیش لە رووداوەکان، شاندێکی ئەمنی رەوانەی شارەکە دەکرێت.

گوتەبێژی دادگەی سلێمانی دەڵێت، فەرمانی گرتنی لاهوور شێخ جەنگی دەرچووە و "دەبێت جێبەجێ بکرێت". ئاراس شێخ جەنگی کە برای لاهوور شێخ جەنگییە ئاماژە بەوە دەکات، نزیکەی 400 بۆ 500 چەکدار لە لالەزار هەن، ئەگەر هێز بچێتە سەریان، "ئەگەری رووبەڕووبوونەوە هەیە."

گوتەبێژی دادگەی سلێمانی دەڵێت، فەرمانی گرتنی لاهوور شێخ جەنگی دەرچووە و "دەبێت جێبەجێ بکرێت".

لەدوای بڵاوکردنەوەی گرتەڤیدیۆیەک کە دەست رووداو کەوتبوو و تێیدا دەردەکەوێت چەند کەسێک لە بەخشراوێک دەدەن، پۆلیسی سلێمانی چوار کەس دەستگیر دەکات.

لە زێی گەورەدا دوو مێرمنداڵ خنکان؛ یەکیان لە سنووری ئاکرێ و ئەوەی دیکەش لە سنووری سۆران.

لە نامەکەیدا کە ئاراستەی د. لەتیف رەشید، سەرۆککۆماری عێراق؛ نێچیرڤان بارزانی، سەرۆکی هەرێمی کوردستان؛ مەسرور بارزانی، سەرۆکی حکومەتی هەرێمی کوردستان و فراکسیۆنە کوردستانییەکانی لە پەرلەمانی عێراق کردووە، مەلا بەختیار، ئەندامی پێشووی ئەنجوومەنی باڵای سیاسی و بەرژەوەندیی یەکێتیی نیشتمانیی کوردستان داوا دەکات، بە هەموولایەک "هیمەت بکەن و بەهانای کۆلێژەکانی خانەقینەوە بچن، چونکە هەڕەشەیان لەسەرە و چارەنووسی زیاتر لە 1500 خوێندکار و 150 مامۆستا و فەرمانبەری نادیارە."

لە دوێنێوە حەج و عومرەی هەرێمی کوردستان لەبەر گیرخواردنی ژمارەیەک عومرەکاری کورد لە سعودیە، راگرتنی گەشتەکانی عومرەی راگەیاند و هێڵی ئاسمانیی عێراقیشی بە هۆکاری گیرخواردنی عومرەکاران تۆمەتبار کرد. دەسەڵاتی فڕۆکەوانیی مەدەنیی عێراقیش دەڵێت، بەهۆی چلەی ئیمام حوسێن گەشتەکان راگیرابوون و ئەمڕۆ دەستپێدەکەنەوە.

گوتەبێژی وەزارەتی کاری عێراق رایگەیاند، "بەگوێرەی دوایین ئامارەکانی بەردەستمان، 6000 منداڵ لە عێراق لە پڕۆژە و شوێنە جیاوازەکاندا خەریکی کارکردنن."

گوتەبێژی نوجەبا باس لە ئەگەری هێرشی ئیسرائیل بۆ سەر پێگەکانیان دەکات؛ لەبارەی کشانەوەی هێزەکانی ئەمریکاش دەڵێت، پێویستە رووبدات

سەرۆکی لیژنەی وەبەرهێنانی پەرلەمانی عێراق خۆی بۆ خوولی داهاتووی پەرلەمان بەربژێر کردووەتەوە، بەڵام بە تۆمەتی تێوەگلانی لە دوو جۆر "تاوان" دوورخراوەتەوە، کە "تاوانەکان" بۆ ساڵانی 2004 و 2015 دەگەڕێنەوە. بەربژێرەکە تۆمەتەکان رەتدەکاتەوە و دەڵێت، تانە لە بڕیارەکە دەدات

شەوی رابردوو چوارچێوەی هاوئاهەنگی کۆبووەوە و باس لە بەڕێوەچوونی هەڵبژاردن و دۆسیەی ئاو کرا، پرسی مووچە و نەوتی هەرێمی کوردستان بەشێک نەبوو لە بڕگەکانی کۆبوونەوەکە.

کۆنسووڵخانەی ئەمریکا لە هەولێر وێنەی پاسپۆرتێکی کۆنی عێراقی بڵاوکردووەتەوە، کە مێژووەکەی بۆ ساڵی 1928 دەگەڕێتەوە و هەڵگرەکەی هاونیشتمانییەکی هەڵەبجەیە

هاوسەرۆکی ئەنجوومەنی سووریای دیموکرات- مەسەدە رایگەیاند، دیدارەکەی لەگەڵ سەرۆک بارزانی "زۆر دۆستانە" بووە. گوتیشی، "جەنابی سەرۆک رژد بوو لەسەر لەبەرچاوگرتنی بەرژەوەندییە نیشتمانییەکانی سووریا و یەکێتیی سووریا."

کاتی هەناردەکردنەوەی نەوتی هەرێمی کوردستان دیار نییە. بە گوتەی بەڕێوەبەری کۆمپانیای نەوتی باکوور، ئامادەکاری تەواو بۆ هەناردەکردنەوەی نەوت کراوە و ئەمڕۆش کارمەندی دیکەیان لە بەندەری جەیهان داناوە.

قاسم ئەعرەجی لەگەڵ ستیڤن فەیگن، هەڵسوڕێنەری باڵیۆزخانەی ئەمریکا لە عێراق کۆبووەوە و بەگوێرەی نووسینگەی راگەیاندنی راوێژکاری ئاسایشی نیشتمانیی عێراق، قاسم ئەعرەجی وردەکارییەکانی ئەو یاداشتنامە ئەمنییەی خستەڕوو کە لەگەڵ ئێران واژۆیان کردووە.

ئەمڕۆ فێستیڤاڵی هەنجیر لە قەزای تەقتەق دەستیپێکرد. وەزیری کشتوکاڵی هەرێمی کوردستان دەڵێت، خواستێکی زۆر لەسەر هەنجیری تەقتەق هەیە؛ قایمقامی قەزاکەش دەڵێت، "60%ی خەڵکی تەقتەق بژێویی ژیانیان لەسەر کشتوکاڵە."

کاردانەوەکان بۆ قسەکانی ئەحمەد کەرکووکی، ئەندامی ئەنجوومەنی پارێزگای کەرکووک لەبارەی پرسی ئاڵوگۆڕی پۆستی پارێزگاری کەرکووک زیاتر دەبن. سەرکردەیەکی پارتی تەقەدوومی سوننەکان دەڵێت، رێککەوتن هەیە و لەلایەن بافڵ تاڵەبانی، سەرۆکی یەکێتیی نیشتمانیی کوردستانەوە واژۆ کراوە

دوو ئەندامی ئەنجوومەنی پارێزگای کەرکووک بە راگەیێندراوێک وەڵامی قسەکانی ئەحمەد کەرکووکی، ئەندامێکی دیکەی ئەنجوومەنەکە لەبارەی پرسی ئاڵوگۆڕی پۆستی پارێزگارەکەی باشووری کوردستان دەدەنەوە

دوای ململانێی لەگەڵ نەخۆشی، موزەفەر کامگار، میوزیکژەنی دیاری رۆژهەڵاتی کوردستان لە شاری سنە کۆچی دواییکرد

جێگری بەڕێوەبەری نووسینگەی سەرۆکوەزیرانی هەرێمی کوردستان دەڵێت، 80%ـی سوودمەندبووانی پرۆژەی رووناکی، پارەی کەمتر دەدەن بەراورد بەو پارەیەی بە موەلیدەکانیان دەدا.

لە سۆشیاڵ میدیا وێنەی تانکەرێکی ئاو لە پێش بەڕێوەبەرایەتی ئاوی سلێمانی بڵاوبووەتەوە دەنگدانەوەی بەدوای خۆیدا هێناوە. گوتەبێژی بەڕێوەبەرایەتییەکە دەڵێت، ئێمەش وەکو بەڕێوەبەرایەتی و شوێنەکانی دیکە، سێ رۆژ جارێک ئاومان پێدەگات.

ئەمڕۆ پێنجشەممە، 14ی ئابی 2025، عامر خەلیل، بەڕێوەبەری گشتیی کۆمپانیای نەوتی باکوور بە تۆڕی میدیایی رووداوی راگەیاند، "دوێنێ وەزارەتی سامانە سرووشتییەکانی هەرێمی کوردستانمان ئاگادار کردەوە، کە ئێمە وەکو کۆمپانیای نەوتی باکوور ئامادەیی تەواومان کردووە بۆ وەرگرتنی نەوت؛ بڕیاربوو ئەمڕۆ نەوتەکە وەربگرین و هەناردە بکرێت، بەڵام بەدەستمان نەگەیشت."

گوتەبێژی دادگەی سلێمانی رایگەیاند، بڕیاری دەستگیرکردنی شاسوار عەبدولواحید یاساییە و پەیوەندیی بە سکاڵایەکی ساڵی 2021ـەوە هەیە لەسەر "هەڕەشەکردن،" رەتیشی کردەوە بابەتەکە سیاسی بێت. گوتەبێژەکەی دادگە جەختی کردەوە، چەند جارێک بانگهێشتیان کردووە بۆ دادگە، بەڵام ئامادە نەبووە، بۆیە فەرمانی دەستگیرکردنی بۆ دەرچووە و تاوەکو دۆسیەکانی دیکەشی یەکلایی نەبنەوە، ئازاد ناکرێت

کاردانەوەکان لە بەرامبەر واژۆکردنی دوایین یاداشتنامەی لێکتێگەیشتنی نێوان عێراق و ئێران بەردەوامن. راوێژکاری ئاسایشی نیشتمانیی عێراق قسەی بۆ رووداو کرد و گوتی، ئەوەی "کردوومانە مافێکی ئاسایی خۆمانە."

هەڵمەتی دەستگیرکردنی سواڵکەران لە سلێمانی دەستیپێکردووە. گوتەبێژی پۆلیسی شارەکە دەڵێت، ئەوانەی دەستگیرکراون خەڵکی دەرەوەی هەرێمی کوردستانن.

عێراق و سووریا لە هەوڵی بەگەڕخستنەوەی بۆریی نەوتی کەرکووک-بانیاس دان. راوێژکارێکی سوودانی دەڵێت، ئەو بۆرییە جێگرەوەی هیچ بۆرییەکی دیکە نابێت.

دوای باڵیۆزخانەی عێراق لە واشنتن، باڵیۆزخانەی ئێرانیش لە بەغدا لەبارەی قسەکانی گوتەبێژی وەزارەتی دەرەوەی ئەمریکا راگەیێندراوێکی بڵاوکردەوە و دەڵێت، لێدوانەکان بەڵگەیەکی روونی "تێکدەرانەی ئەمریکان."

کۆمپانیای سۆمۆ دەڵێت، تاوەکو ئەمڕۆ نەوتی هەرێمی کوردستانیان رادەست نەکراوە، ئەگەر رادەستیان بکرێت، ئامادەن بۆ فرۆشتنی. وەزارەتی نەوتیش باس لە نزیکبوونەوە لە رێککەوتنی کۆتایی لەنێوان هەولێر و بەغدا دەکات

وەزارەتی بەرگریی سووریا دەڵێت، کاژێر 02:35ـی بەرەبەیانیی ئەمڕۆ، دوو گرووپی شەڕڤانی سەر بە هەسەدە چوونەتە ناوچەکانی ژێر دەسەڵاتی سوپای سووریا لە ناوچەی تل ماعز لە رۆژهەڵاتی حەلەب و ئەوەش بووەتە هۆی دروستبوونی شەڕ و لە ئەنجامدا سەربازێک کوژراوە.

پاشنیوەڕۆی دوێنێ کارەبای نیشتمانی لە سەرتاسەی عێراق کوژایەوە. گوتەبێژی وەزارەتی کارەبا رایگەیاند، ئێستا دۆخەکە ئاسایی بووەتەوە

دژەتیرۆری عێراق دەڵێت، بە هاوئاهەنگی لەگەڵ ئاسایشی هەرێمی کوردستان زنجیرەیەک ئۆپەراسیۆنیان کردووە، کە بەهۆیەوە 11 "تیرۆریست" دەستگیرکراون و چەندین تونێل و ئەشکەوت لە ناوچە جیاوازەکاندا تەقێندراونەتەوە

لە دوو رۆژی رابردوودا چەند گرتەیەکی ڤیدیۆیی لە بەسرە بڵاوکرانەوە، کە مردنی لەناکاوی چەند جۆرێک باڵندە پیشاندەدەن لە ناوچە جیاوازەکانی پارێزگاکەدا. سەرۆکی لیژنەی کشتوکاڵی پارێزگاکەش دەڵێت، "پیسبوونی ئاو هۆکارە."

پێشبینی دەکرێت پلەی گەرمای سبەینێ لە هەرێمی کوردستان 45 پلە بەرزتر نەبێت. کەشناسیی عێراقیش دەڵێت، کۆتایی هەفتە ئەم شەپۆلی گەرمایە کۆتایی دێت

بەگوێرەی بەرپرسانی عێراق، وشکەساڵیی ئەم ساڵ لە خراپترین ئاستدایە. بەڕێوەبەری گشتیی ئاوی ژێرزەویی عێراق دەڵێت، پێنج ملیار یەدەگی ئاوی ژێرزەوییان هەیە و بڕی بارانبارینیش یارمەتیدەر نییە بۆئەوەی زیاتر بێ یان لە ئاستێکی جێگیر بمێنێتەوە

سەرۆکوەزیرانی عێراق رایگەیاند، "لەسایەی سەقامگیریی دۆخی ئێستا، هیچ پاساوێک نییە بۆ هەبوونی چەک لە دەرەوەی دامەزراوەکان و پێویستە هۆزەکان پشتگیریی سەروەریی یاسا و دەسەڵاتی دادوەری بکەن".

سەرۆکی دەستەی هەڵبژاردنەکانی هەرێمی کوردستان لە کۆمیسیۆنی هەڵبژاردنەکانی عێراق، میوانی بوڵتەنی کاژێر 16:00ی تۆڕی میدیایی رووداو بوو و رایگەیاند، "ئێوارەی ئەمڕۆ پڕۆسەی ژمارەپێدان بە هاوپەیمانی، حیزب و بەربژێرە سەربەخۆکان لە بەغدا دەکرێت، کە لە ژمارە 201ەوە دەستپێدەکات."

سەرۆکوەزیرانی عێراق قۆناخێکی نوێی پڕۆژە خزمەتگوزارییەکانی حکومەتەکەی راگەیاند، کە وەک خۆی دەڵێت، 36 پڕۆژە لەخۆدەگرێت و دوای کۆتاییهاتنی رێوڕەسمی چلەی ئیمام حوسێن، دەست بە جێبەجێکردنیان دەکرێت

لە کەرکووک دوو گەنجی کورد، دوای هەڵکردنی ئاڵای ئەمریکا لەسەر ئۆتۆمبێلەکانیان دەستگیر کران. گوتەبێژی پۆلیسی کەرکووک دەڵێت، بەگوێرەی مادەی 240 گیراون

د. مورشید خەزنەوی رایگەیاند، پێویستە کورد لە رۆژئاوای کوردستان ئامادەکاری بۆ هەر هێرشێکی گرووپەچەکدارەکان بکات

دەزگای ئاسایشی نیشتمانیی عێراق دەستگیرکردنی بکوژی ئەفسەرێکی خانەنشین و هاوژینەکەی دانیشتووی بەغدای راگەیاند و دەڵێت، بکوژەکە هەڵاتبوو بۆ ئەنبار و لەوێ دەستگیریان کردووە

بڕیاری هەڵوەشاندنەوەی 6 هاوپەیمانێتی تۆمارکراو لە هەڵبژاردنی پەرلەمانی عێراق دەرکرا. سەرۆکی تیمی راگەیاندنی کۆمیسیۆن دەڵێت، ژمارەی هاوپەیمانییە بەشدارەکان لە هەڵبژاردنی پەرلەمان، 31 هاوپەیمانین.

سەبارەت بەو هاوکارییانەی لە هەرێمی کوردستانەوە بۆ کەرتی غەززە دەنێردرێن، تەیسیر سلێمان گوتی، "ئەو هاوکارییانەی لەلایەن گەلی کوردەوە پێشکێش دەکرێن، دەگەنە دەستی گەلی فەلەستین و یارمەتیدەرن لە سووککردنی ئازارەکانیان."

دوو گەنج کە لە گەڕەکەکانی کەرکووکدا خەریکی کڕینی کەلوپەلی کۆنی ماڵان بوون، بڕێک پارەیان لە ژێرەوەی فەردەیەک برنج دۆزییەوە کە لە ئافرەتێکی بەتەمەنیان کڕیبوو؛ پارەکەیان رادەستی پۆلیس کرد.

راوێژکارێکی سوودانی دەڵێت، پێویستە لێکتێگەیشتنێکی سیاسی نێوخۆیی بۆ تێپەڕاندنی پڕۆژەیاسای حەشدی شەعبی هەبێت. دەشڵێت، "پێشێلکردنی مافی ئەو کەسانە قبووڵ ناکەین، کە بەرگرییان لە وڵاتەکەمان کردووە."، یەکێک لە نووسەرەکانی دەستووری عێراقیش بڕوای وایە، پڕۆژەیاساکە "دەستوورییە"، بەڵام ناکۆکی لەسەرە و تێپەڕاندنی دەکەوێتە خولی داهاتووی پەرلەمان.

سەرۆکوەزیرانی عێراق بڕیاریداوە، چەند گۆڕانکارییەک لە پڕۆسەکانی وەرگرتنی قوتابییان لە پەیمانگە و کۆلێژە سەربازییەکاندا بکرێت.

دوای ئەوەی دوێنێ دانیشتنی پەرلەمانی عێراق بەهۆی شەڕەبۆکسەوە پەکیکەوت و سەرۆکی پەرلەمان بڕیاری هەڵوەشاندنەوەی دانیشتنەکە و بڕیارەکانی نێو دانیشتنەکەی دا، ئەمڕۆ نووسینگەی جێگری یەکەمی سەرۆکی پەرلەمان دەڵێت، دانیشتنەکە و بڕیارەکانی دروست بوون.

ژمارەیەک هاونیشتمانیی کورد لەکاتی چوونیان بۆ ئەورووپا لە تونس دەستگیرکراون. باڵیۆزی عێراق لە تونس دەڵێت، تەندروستییان باشە.

بەڕێوەبەری گشتیی تەندروستیی غەززە لە کاتی بەشداریکردنی لە بووڵتەنی کاژێر 16:00ـی تۆڕی میدیایی رووداو کە زانا کایانی پێشکێشی دەکات رایگەیاند، تاوەکو ئێستا زیاتر لە 60 هەزار کەس لە غەززە کوژراون، لەو ژمارەیەش زیاتر لە 18 هەزار و 500یان منداڵ و 9 هەزار و 735یشیان ئافرەتن.

شاندێکی ئیدارەی سەربەخۆی سۆران بە سەرۆکایەتیی هەڵگورد شێخ نەجیب، سەرپەرشتیاری ئیدارەی سەربەخۆی سۆران و شاندێکی یاوەری سەردانی ژووری بازرگانیی پارێزگای وانی باکووری کوردستانی کرد. قایمقامی سۆران، کە ئەندامێکی شاندەکەیە، دەڵێت، "باس لە فراوانکردن و گەیاندنی خزمەتگوزاری زیاتر بە دەروازەی زێت کرا."

وەزارەتی دارایی و ئابووری هەرێمی کوردستان رایگەیاندووە، سبەی چوارشەممە لەسەر داهاتی ناوخۆ، مووچەی مانگی ئایاری مامۆستایانی گرێبەستی وەزارەتی خوێندنی باڵا دابەش دەکرێت.

سەرەڕای رەتکردنەوەی لەلایەن فەرماندەیی ئۆپەراسیۆنەکانی بەغدا، لیوای ئەنسار مەرجەعییە دووپاتیکردەوە، بارەگاکەیان لە ناوچەی تاجی لە باکووری بەغدا، بە فڕۆکەی بێفڕۆکەوان بۆردوومانکراوە.

پەرلەمانی عێراق کۆبووەوە و بڕیاربوو دەنگ لەسەر پێنج پرۆژەیاسا بدرێت و خوێندنەوەش بۆ پێنج پرۆژەیاسای دیکە بکرێت، بەڵام فەرمانگەی راگەیاندنی پەرلەمان دەڵێت، بەهۆی ئامادەنەبوونی رێژەی یاسایی پەرلەمانتاران دانیشتنەکە هەڵگیراوە.

دوای بڵاوبوونەوەی هەواڵی کوژرانی هونەر رەشید ئاغا، سەرۆکی دەستەی دەستەی سەربەخۆی مافی مرۆڤ دەڵێت، هونەر لە ژیاندایە و لە ئاسایشی هەولێر لێکۆڵینەوەی لەگەڵ دەکرێت.

ئاکام قوتبەدین، گوتەبێژی پۆلیسی هەڵەبجە رایگەیاند، "بەداخەوە دوو کەس لە کاتی مەلەکردن لە پۆندی پریس [لە سنووری پارێزگای هەڵەبجە] خنکاون بە ناوەکانی محەممەد عومەر و رابەر حەمەڕەشید، تائێستا نەتوانراوە تەرمەکانیان دەربهێنرێت".

نووسینگەی سەرۆکایەتیی کۆماری عێراق روونکردنەوە لەبارەی گرتەیەکی ڤیدیۆیی دەدات، کە تێیدا دیارییەک لەلایەن سەرۆکایەتیی کۆمارەوە دراوەتە هاووڵاتییەکی عێراقی و ئەویش گاڵتەی پێدەکات. نووسینگەکە دەڵێت، ئامانج لەو دیارییە گرنگیپێدانی سەرۆککۆمارە بە بەرهەمی نێوخۆیی.

راوێژکارێکی سوودانی دەڵێت، ئەم ساڵ قۆناخی نەخشەسازی پڕۆژەی رێگەی گەشەپێدان تەواو دەبێت و دەشڵێت، لەگەڵ تورکیا لە گفتوگۆدان بۆ دیاریکردنی رێڕەوی کۆتایی پڕۆژەکە.

.

ئەندامێکی لیژنەی کشتوکاڵ و ئاو لە ئەنجوومەنی پارێزگای نەینەوا رایگەیاند، ئاوی بەنداوی موسڵ زۆر کەم بووەتەوە، بە جۆرێک کەمتر لە چارەکێکی توانای خۆی ئاوی تێدا ماوە

گوتەبێژی لیژنەی ئەمنیی باڵای زیارەتە ملیۆنییەکان، کە سەر بە وەزارەتی ناوخۆی عێراقە، لە راگەیێندراوێکدا ئەو دەنگۆیانە رەتدەکاتەوە کە باس لە رێگریکردن لە چوونی سووریاییەکان بۆ عێراق دەکەن

کەشناسیی عێراق دەڵێت، پێشبینی دەکرێت ئەم هەفتەیە پلەی گەرما 48 پلەی سیلیزی تێنەپەڕێنێت، جگە لە بەسرە کە لە 50 پلەی سیلیزیدا دەمێنێتەوە

دەزگای ئاسایشی نیشتمانیی عێراق لە راگەیێندراوێکدا دەستگیرکردنی عەجاجی نوگرەسەلمانی راگەیاند و دەڵێت، کەسوکارەکەی بۆ چەواشەکردنی دەزگا ئەمنییەکان، بانگەشەی مردنییان کردبوو

سەبارەت بە چیرۆکی دەستگیرکردنی عەجاج تکریتی، فەزیلە محەممەد کە خەڵکی گەرمیانە و کەسوکاری ئەنفالکراوانە، گوتی "16ی ئایاری پار رۆیشتینە سەماوە، کابرایەکمان بینی گوتی عەجاج ماوە، دوایی خەڵکمان ناردە ئەو شوێنەی کە گوترا عەجاجی لێیە، خەڵکمان نارد و دڵنیابووینەوە کە خۆیەتی، سوپاس بۆ خوا 29ی ئەم مانگە عەجاج دەستگیرکرا."

ئەمڕۆ دوایین رۆژی خۆتۆمارکردنە لە پسوولەی ئەلیکترۆنیی خۆراک لە هەرێمی کوردستان. گوتەبێژی وەزارەتی بازرگانیی عیراق دەڵێت، هیچ بڕیارێک بۆ درێژکردنەوەی وادەکە نەدراوە.

دوای گەڕانەوەی لە نەخۆشخانە؛ شەوی چوارشەممە محەممەد شیاع سوودانی، سەرۆکوەزیرانی عێراق، سەردانی نووری مالیکی، سەرۆکی هاوپەیمانیی دەوڵەتی یاسای کرد. بەگوێرەی نووسینگەی مالیکی، سەردانەکە بۆ هەواڵپرسینی تەندروستی بووە.

ئەمڕۆ وەزارەتی پلاندانانی عێراق، لە کۆنفرانسێکی رۆژنامەڤانیدا لە بەغدا، راپۆرتی (هەژاریی فرەڕەهەند)ـی راگەیاند کە بە هاوکاریی رێکخراوی UNDP ئامادە کراوە، وەزارەتی پلاندانانی هەرێمی کوردستانیش راپۆرتەکەی رەتکردەوە.

دوو مانگی دیکە دوو فڕۆکەی تایبەت بە کوژاندنەوەی ئاگر و فریاگوزاری دەگەنە عێراق. بەڕێوەبەری راگەیاندنی بەرگریی شارستانیی عێراق دەڵێت، یەکێک لە فڕۆکەکان توانای هەڵگرتنی 2000 لیتر شلەمەنی هەیە.

وەزارەتی ناوخۆی عێراق رایگەیاند، بەڕێوەبەرایەتیی گشتیی بەرەنگاربوونەوەی مادە هۆشبەرەکانی عێراق ئۆپەراسیۆنێکی "تایبەتی" لە دیمەشقی پایتەختی سووریا کردووە.

بەرپرسی پەیوەندییەکان لە دەروازە وشکانی و دەریاییەکانی سووریا رایگەیاند، لە چەند هەفتەی داهاتوودا دەروازەی سنووریی تەنەف - وەلید لەگەڵ عێراق نۆژەن دەکرێتەوە. ئاماژەی بەوەش کرد، لە سەرەتای ئەم ساڵەوە زیاتر لە 5 ملیۆن گەشتیار لە رێگەی دەروازە سنوورییەکانەوە هاتووچۆیان کردووە

راوێژکاری سوودانی بۆ کاروباری پیشەسازی و پەرەپێدانی کەرتی تایبەت دەڵێت، لەماوەی سێ ساڵی رابردوودا توانیویانە کەرتی دەرمان بەرەوپێش ببەن و 154 جۆر دەرمانی نوێ بەرهەمبهێنن. دەشڵێت، بەهای گرێبەستەکانی کۆمپانیای گشتیی بەبازاڕکردنی دەرمان لە 144 ملیار دینارەوە بۆ زیاتر لە 600 ملیار دینار.

ئەنجوومەنی وەزیرانی عێراق کۆبوونەوەی ئاسایی خۆی کرد و چەند بڕیارێکی دەرکرد، یەکێک لە بڕیارەکان لێخۆشبوونە لە مامەڵەکانی بەناوکردنی یەکەی نیشتەجێبوون بۆ کوردانی ئێزدی

وەزارەتی ناوخۆی عێراق لە راگەیێندراوێکدا، ئاماژە بە بەدواداچوونیان بۆ ئەو بانگەشانە دەکات، کە باس لە بوونی بەقاچاخبردنی چەک لە سنووری نێوان عێراق - سووریا دەکەن و دەڵێت، "بێ بنەمان."

ئەمڕۆ سێشەممە دەستەی دەستپاکیی عێراق، بەئەندامبوونی عێراقی لە کۆمەڵەی نێودەوڵەتی بۆ رووبەڕووبوونەوەی گەندەڵی راگەیاند. ئەندامێکی لیژنەی دەستپاکیی پەرلەمانی عێراقیش ئەندامبوونەکە بە 'سیمبوولی و بێ سوود' ناودەبات

ئەنجوومەنی پارێزگای واست بڕیاریدا هایپەرمارکێتە سووتاوەکەی شاری کووت بکاتە مۆنۆمێنت و پارچە زەویش بە کەسوکاری قوربانییەکان بدات.

وەزارەتی کشتوکاڵی عێراق هۆشداری دەدات لە گواستنەوەی نەخۆشی تەبەق لە رێگەی ئاژەڵە هاوردەکراوەکانەوە لە تورکیا و داواکاری ئاراستەی هەرێمی کوردستان کردووە بۆ راگرتنی هاوردەکردن بەشێوەیەکی کاتی، بەڕێوەبەری تەندروستیی ئاژەڵ لە وەزارەتی کشتوکاڵی هەرێمی کوردستانیش دەڵێت، هێشتا نووسراوەکەمان پێنەگەیشتووە.

بەشێکی پارێزگاکانی باشووری عێراق بەدەست بێئاوییەوە دەناڵێنن؛ بەگوێرەی لایەنە پەیوەندیدارەکان، بوونی حەوزی ماسی نایاسایی و بێمۆڵەت لەسەر رێڕەوەکانی دیجلە و فورات، هۆکارێکی سەرەکییە بۆ نەگەیشتنی ئاوی پێویست بۆ پارێزگاکانی خواروو. گوتەبێژی وەزارەتی سەرچاوەکانی ئاوی عێراقیش دەڵێت، 10 هەزار حەوزی نایاساییان لەنێوبردووە.

وەزارەتی ناوخۆی عێراق لە راگەیێندراوێکدا دەستگیرکردنی بەڕێوەبەری پێشووی کشتوکاڵی کەرخی بەغدای راگەیاند کە لە شەڕەکەی دوێنێی بەغدا تێوەگلاوە.

کەتیبەکانی حیزبوڵڵای عێراقی لە راگەیێندراوێکدا دەڵێت، ئەو پێکدادانەی دوێنێ لە بەغدا روویدا، "پلان بۆ داڕێژراو" بووە و مەبەست لێی، "هەڵگیرساندنی ئاژاوە و تێکدانی ئاسایش" بووە. دەشڵێت، "لایەن نەبووین لە شەڕەکەدا."

حکومەتی خۆجێی بەسرە هەنگاوەکانی بۆ چارەسەری "گەورەترین کێشە"ی پارێزگاکە دەستپێکردووە. جێگری پارێزگاری بەسرە بە رووداوی گوت، "بە سێ قۆناخ کێشەی پیسبوونی ئاو چارەسەر دەکەین، کە گەورەترینیان بەرهەمهێنانی ملیۆنێک مەتر سێجایە لە رۆژێکدا."

راوێژکاری ئاسایشی نیشتمانیی عێراق لەبارەی سەردانەکەی بۆ هەولێر و کۆبوونەوەکانی لەگەڵ دەزگا ئەمنییەکانی هەرێمی کوردستان دەڵێت، لیژنەیەکی ئەمنیی هاوبەش راسپاردەکانیان ئامادە دەکەن و پێشکێشی فەرماندەی گشتیی هێزە چەکدارەکانی عێراقی دەکەن.

بریکاری وەزارەتی کشتوکاڵی عێراق رایگەیاند، ئەم ساڵ بەرهەمهێنانی گەنم کەم بووە و بەرهەمهێنانی برنجیش سفر بووە.

دوای ئەوەی بە نووسراوێک وەزارەتی خوێندنی باڵای عێراق وانەگوتنەوە، دانان و وەڵامدانەوەی پرسیاری تاقیکردنەوەکان لە زانکۆ و پەیمانگەکان بە زمانی کوردی قەدەخەکرد. جێگری سەرۆکی پەرلەمان و وەزیری داد دەڵێن، لەگەڵ وەزیری خوێندنی باڵا قسەیان کردووە و بڕیارەکە هەڵوەشاوەتەوە.

دوای ئەوەی ئەمڕۆ لە ماڵپەڕ و تۆڕەکۆمەڵایەتییەکاندا مەرسوومێکی سەرۆکایەتیی کۆماری عێراق بڵاوکرایەوە، کە تێیدا سەرۆکی دەستەی حەشدی شەعبی خانەنشین کراوە، هەریەکە لە دەستەی حەشدی شەعبی و سەرۆکایەتی کۆمار مەرسوومەکە رەتدەکەنەوە و دەڵێن "ساختەیە".

دادگەی نێودەوڵەتیی داد رۆژی پێنجشەممە بڕیارێکی لەبارەی کەشوهەوا و ژینگە دەرکرد. بڕیارەکە بنەمایەکی یاسایی دادەنێت بۆئەوەی ئەو وڵاتانەی زۆرترین زیانیان بەهۆی گۆڕانی کەشوهەواوە بەرکەوتووە، داوای قەرەبوو بکەن. گوتەبێژی وەزارەتی ژینگەی عێراقیش دەڵێت، زۆر ئومێدیان بەو بڕیارەی دادگەکە نییە

عەلی سیستانی، مەرجەعى باڵاى شیعەکان داوا لە وڵاتان دەکات، ئیسرائیل ناچار بکەن رێگە بە گەیاندنی خۆراک بە غەززە بدات.

دوای زیاتر لە 13 ساڵ، رێککەوتنێک لەسەر دەریاوانى لە دەرچەیەکى ئاویى 60 بە 40 کیلۆمەترى نێوان عێراق و کوێت کەوتەوە بەرباس. پەرلەمانتارێک دەڵێ، پەرلەمان دەتوانێت داوای هەمواری رێککەوتنەکە بکات و حکومەتیش دەتوانێت لێی بکشێتەوە. سەرچاوەیەکیش لە حکومەتی کوێت رایگەیاند، "ئەو کەسانەی لە عێراق لەپشت هاندانی خەڵکەوەن بۆ گەرمکردنەوەی پرسی خۆر عەبدوڵڵا، مەبەستی کەسی و سیاسییان هەیە، هەرجارەو بە جۆرێک پرسەکە دەوروژێنن."

دوای ئەوەی فەرماندەیی ناوەندیی هێزەکانی ئەمریکا کوشتنی "سەرکردەیەکی باڵای داعش" و دوو لە کوڕەکانی لە سووریا راگەیاند، دەزگای بەرەنگاربوونەوەی تیرۆری عێراق دەڵێ: "لەسەر بنەمای زانیاری ئێمە بووە ئەو فەرماندەیەی داعش کوژراوە".

سەفین دزەیی، بەرپرسی فەرمانگەی پەیوەندییەکانی دەرەوەی هەرێمی کوردستان لە واشنتنەوە رایگەیاند، هێرشە درۆنییەکان بوونە هۆی دابەزینی ئاستی بەرهەمهێنانی نەوت.

لە تەقتەق دەستڕێژی گولـلە لە تاقیگەیەک کرا. بە گوتەی قایمقامی قەزاکە، کارمەندێکی تەندروستی کوژراوە و کەسێکی دیکەش بریندار بووە؛ "کوژراوەکە 15 گولـلەی بەرکەوتووە."

وەزارەتی کارەبای حکومەتی هەرێمی کوردستان رایگەیاندووە، "خۆشحاڵین بە چاککردنەوەی گۆڕەڕی کارەبا لە وێستگەی دابەشکردنی کارەبای پارک، کە کاریگەری هەبوو لەسەر کۆمەڵێک ناوچەی شاری هەولێر کە بەشێکیان لەناو پڕۆژەی رووناکیدان." دەشڵێت، کێشەی پچڕانی کارەبای زیاتر لە 50 هەزار هاونیشتمانییان چارەسەر کردووە.

وەزارەتی سەرچاوەکانی ئاوی عێراق لە راگەیێندراوێکدا ئاماژە بەوە دەکات، "ئەم وشکەساڵییەی کە بەرۆکی عێراقی گرتووە، هۆکارەکەی دەگەڕێتەوە بۆ کەمیی بارانبارین و کەمیی بەردانەوەی ئاو لەو وڵاتانەی کە سەرچاوەکانی ئاوی عێراقیان تێدا هەڵدەقوڵێت."

دادگەی تاوانەکانی کەرخ، سزای زیندانیکردنی تاهەتایی بەسەر کەسێکدا سەپاند کە بەگوێرەی دادگەکە، لە تۆڕە کۆمەڵایەتییەکاندا "بانگەشەی بۆ قەوارەی زایۆنی کردووە."

توێژینەوەیەکی نوێ دەریدەخات، پێویستە دایکان و باوکان منداڵانی خوار تەمەنی 13 ساڵی لە بەکارهێنانی مۆبایلی زیرەک و تۆڕە کۆمەڵایەتییەکان بەدووربگرن. بەگوێرەی توێژینەوەکە، "بەکارهێنانی مۆبایل زیان بە تەندروستيی دەروونی منداڵان دەگەیێنێت."

داهاتی نیوەی ئەم ساڵی بەندەرەکانی عێراق 144 ملیار دینار لە هەمان ماوەی پار زیاترە. بەڕێوەبەری گشتیی کۆمپانیای گشتیی بەندەرەکانی عێراق دەڵێت، بە تەواوبوونی پڕۆژەی رێگەی گەشەپێدان، بەندەرەکانی عێراق داهاتیان خەیاڵی دەبێت.

دادگەى باڵاى فیدراڵیى عێراق سکاڵاکانى دژ بە پارێزگاکردنى هەڵەبجەى رەتکردەوە.

د. فوئاد حوسێن، جێگری سەرۆکوەزیرانی عێراق و وەزیری دەرەوە لە پەخشی راستەوخۆدا بە رووداوی گوت: "ئەمڕۆ ئیشەڵڵا مووچەی مانگی پێنج رەوانە دەکرێت. دواتریش مووچەی مانگی 6 و 7یش دێت."

بەسام ئیسحاق دەڵێت، رەفتارەکانی حکومەتی نوێ لە سوەیدا و هەوڵەکانی بۆ سەپاندنی دەسەڵاتێکی تەواو، کێشەی گەورەی دروستکردووە. ئەو گوتی: "رەفتارەکانی دیمەشق هەستی متمانە لای درووزەکان لاواز دەکات. چارەسەر لە سوەیدا بە بەکارهێنانی هێز ناکرێت؛ پێویستی بە دیالۆگ بوو."

چوارچێوەی هاوئاهەنگی لە نووسینگەی هادی عامری، بە ئامادەبوونی محەممەد شیاع سوودانی، سەرۆکوەرزیرانی عێراق کۆبووەوە؛ "سەرکۆنەی هێرشە بەردەوامەکانی سەر کۆمپانیاکانی نەوتی هەرێمی کوردستان دەکەین."

هێشتا هەناردەکردنەوەی نەوتی هەرێمی کوردستان لە رێگەی تورکیاوە دەستی پێنەکردووەتەوە، تورکیا وادەی کۆتاییهاتنی رێککەوتنی بۆریی گواستنەوەی نەوتی خاوی نێوان تورکیا و عێراقی لە 2026ـدا راگەیاند. سەرچاوەیەک لە وەزارەتی نەوتی عێراق دەڵێ، دەبێت لەم مانگەدا نەوتی هەرێمی کوردستان هەناردە بکرێتەوە و ئامادەن رێککەوتنەکەش لەگەڵ تورکیا نوێ بکەنەوە.

عەزیز ئەحمەد، جێگری بەڕێوەبەری نووسینگەی سەرۆکوەزیرانی هەرێمی کوردستان دەڵێت، "ئەو درۆنانەی هەفتەی رابردوو کێڵگە نەوتییەکانیان بەئامانج دەگرت، لە دووبزی کەرکووک هەڵدرابوون."

دەستەی دەستپاکیی عێراق لە راگەیێندراوێکدا دەستگیرکردنی بەڕێوەبەری بەڕێوەبەرایەتی بەرگریی شارستانی واست و 6 تۆمەتباری دیکەی لە هەمان بەڕێوەبەرایەتی و شارەوانی کوت راگەیاند؛ کە بە گوێرەی دەستەکە، "کەمتەرخەمییان" بووەتە هۆکاری ئاگرکەوتنەوە لە هایپەرمارکێتەکەی کوت.

بەهۆی رووخانی بنمیچی بنکەیەکی سەربازی لە ئەنبار، سەربازێکی سوپای عێراق گیانی لەدەستدا و دووی دیکەش بە سەختی بریندار بوون. سەرۆکی لیژنەی ئەمنیی پارێزگای ئەنباریش دەڵێت، بنکەکە کۆنە و ساڵی 2003 دروستکراوە.

دوای پەسندکردنی رەشنووسی رێککەوتنی نێوان حکومەتی فیدراڵی و حکومەتی هەرێمی کوردستان، وادەی هەناردەکردنەوەی نەوتی هەرێمی کوردستان مژارێکی سەرەکییە. گوتەبێژی وەزارەتی نەوتی عێراق دەڵێت، چاوەڕوان دەکرێت لەم مانگەدا هەناردەکردنەوەی نەوت دەستپێبکاتەوە. سەرچاوەیەکی ئاگاداریش لە گفتوگۆکانی نێوان هەردوو حکومەت ئەو وادەیە پشتڕاست دەکاتەوە.

گوتەبێژی فەرماندەی گشتیی هێزە چەکدارەکانی عێراق، ئەنجامی لێکۆڵینەوەی لیژنەی ئەمنی لەبارەی بەئامانجگرتنی رادار و بنکە سەربازییەکانی راگەیاند و دەڵێت، درۆنەکان لەنێو خاکی عێراقەوە ئاراستە کراون و بکەرەکان ئاشکرا کراون

بەڕێوەبەرايەتیی بەرگریی شارستانیی هەولێر دەڵێت، پاشنیوەڕۆی ئەمڕۆ کاژێر 03:30 لە خنکانی هاونیشتمانییەک لە زێی گەورە ئاگادار کرانەوە

لە ئەمڕۆوە هاوینەهەواری گەلی عەلی بەگ دادەخرێت، ئەوەش بەهۆی جێبەجێکردنی کارەکانی ماستەرپلانی گەشتیاریی ئیدارەی سۆرانەوە. قایمقامی سۆران دەڵێت، ساڵی داهاتوو دەکرێتەوە

لە سنووری قەزای شێخان، درۆنێک خرایە خوارەوە بەبێ ئەوەی زیانی هەبێت.

ژنێک لە گوندێکی سەر بە ناحیەی سەرقەڵای سنووری قەزای کفری لە ئیدارەی سەربەخۆی گەرمیان کوژرا. بە گوتەی قایمقامی کفری، کلێنسفرۆش بووە.

لینکی خۆتۆمارکردنی یەکەمەکانی 2024-2025 و هەڵگرانی بڕوانامەی باڵا کارا دەکرێت؛ ئەوانەش دەگرێتەوە کە خەڵکی ناوچەی مادەی 140ـن و لە هەرێمی کوردستان خوێندوویانە.

دوای تێپەڕبوونی نزیکەی 6 مانگ بەسەر دەرکردنی پڕۆژەیاسای هەڵوەشاندنەوەی بڕیارەکانی ئەنجوومەنی سەرکردایەتیی شۆڕشی هەڵوەشاوە و گەڕاندنەوەی زەوییەکان، هێشتا یاساکە جێبەجێ نەکراوە. بەڕێوەبەری گشتیی فەرمانگەی زەوییە کشتوکاڵییەکان دەڵێت، لە قۆناخی کۆتاییدایە.

بڕیارە ئەنجوومەنی سەرکردایەتیی یەکێتی بە سەرۆکایەتیی بافڵ تاڵەبانی کۆببێتەوە. ئەندامێکی ئەنجوومەنەکەش دەڵێت، کۆبوونەوەکە لەسەر پرسی مووچە و ئەنجامی کۆبوونەوەکانی بافڵ تاڵەبانی دەبێت لە بەغدا.

ئەنجوومەنی وەزیرانی هەرێمی کوردستان كۆبوونەوەی ئاسایی خۆی دەكات و بەپێی راگەیێندراوی حکومەت، لە کۆبوونەوەکەدا باسی پرسی مووچە و هەناردەکردنەوەی نەوتیش دەکرێت

دژە تیرۆری کوردستان رایدەگەیێنێت، سەرلەبەیانیی ئەمڕۆ بە درۆنی بۆمبڕێژکراو هێرشکرایە سەر سێ کێڵگەی نەوتی لە سنووری زاخۆ و دهۆک.

سەرچاوەیەک لە نێو کۆبوونەوەی ئەنجوومەنی وەزیران بە هەڵکەوت عەزیز، بەڕێوەبەری نووسینگەی تۆڕی میدیایی رووداوی راگەیاند، "لە کۆبوونەوەی ئەمڕۆی ئەنجوومەنی وەزیراندا بە هیچ شێوەیەک باسی مووچەی مووچەخۆرانی هەرێمی کوردستان نەکراوە."

ئەمینداری گشتیی یەکگرتووی ئیسلامیی کوردستان لەبارەی چەکدانانی ئەمڕۆی گرووپێک لە گەریلاکانی پەکەکە دەڵێت، "شایەتی هەنگاوێکی کردەیی بوێر بووین، کۆمەڵێک لە برادەرانی پەکەکە چەکەکانیان دانا و پەیامێکی مێژووییان نارد بۆ هەموو جیهان کە ئامادەی هەڵگرتنی چەکی ئاشتین."

گوتەبێژی سەرۆکایەتیی هەرێمی کوردستان رایگەیاند، ئامانجی سەردانی شاندی دەم پارتی "گەیاندنی سوپاس و پێزانین بوو بۆ رۆڵی نێچیرڤان بارزانی، سەرۆکی هەرێمی کوردستان کە هەر لە سەرەتاوە هەڵسا بە ئەرکی ئاسانکاری و هاوکاریکردن بۆ سەرخستنی پڕۆسەکە."

ئەمڕۆ لە رێوڕەسمێکدا لە ئەشکەوتی جاسەنە لە سنووری قەزای دووکان لە پارێزگای سلێمانی، گرووپێک گەریلای پەکەکە وەکو "نیازپاکی" بۆ سەرخستنی پڕۆسەی چارەسەری لە تورکیادا، چەکەکانیان دانا و سووتاندیان. رێکخراوێکیش پلانی هەیە شوێنی سووتاندنی چەکەکان بکاتە مۆزەخانە

وەزارەتی دەرەوەی عێراق پێشوازی لە رێوڕەسمی چەکدانانی ژمارەیەک گەریلای پەکەکە دەکات و دەڵێت، "ئەم هەنگاوە لە چوارچێوەی ئەو پابەندبوونانەیە کە پێشتر ئەو حیزبە رایگەیاندبوو بۆ وازهێنان لە چالاکیی چەکداری و بە پێشهاتێکی گرنگی دەزانین."

محەممەد ئەمین پێنجوێنی، سیاسەتڤانی باشووری کوردستان و نزیک لە پەکەکە، لە هەڤپەیڤینێکدا لەگەڵ سەنگەر عەبدولڕەحمان، پێشکێشکاری تۆڕی میدیایی رووداو رایگەیاند، رێوڕەسمی چەکدانانی ئەمڕۆی ژمارەیەک لە گەریلای پەکەکە "بۆ نیەتپاکی بوو بۆ ئەو پڕۆسە ئاشتییەی لە تورکیادا هەیە."

رووداو ئیڤێنتی سکۆڵەرشیپی باڵدار بۆ خوێندنی ماستەر رادەگەیێنێت، کە بەهاکەی زیاتر لە 3.4 ملیۆن دۆلارە. لە پڕۆژەی سکۆڵەرشیپی باڵدار 114 دەرچووی زانکۆ سوودمەند دەبن.

بڕیارە سبەی هەینی، گرووپێک گەریلای پارتی کرێکارانی کوردستان (پەکەکە) وەکو "نیازپاکی" چەک دابنێن. راوێژکاری ئاسایشی نەتەوەیی عێراق بە رووداوی گوت، شاندێکی دەزگای هەواڵگریی عێراق بەشداردەبن.

پارێزگای واست کێشەی نەبوونی سایلۆی پێویستی بۆ وەرگرتنی گەنمی جووتیاران هەیە. بە گوتەی بەڕێوەبەری کشتوکاڵی پارێزگاکە، دوو سایلۆی کۆن لە واست هەن، کە توانای وەرگرتنی چارەکێکی بەرهەمی گەنمی جووتیارانیان نییە.

دوای ئەوەی دووانیان بۆردومانکران، ئێستا عێراق تەنیا یەک راداری چاودێریی ئاسمانیی هەیە. گوتەبێژی فەرماندەی گشتیی هێزە چەکدارەکانی عێراق دەڵێت، وەزارەتی بەرگری کاری گەورەی بۆ بەهێزکردنی سیستمی بەرگریی ئاسمانی دەستپێکردووە

پارێزگای دیوانییە بەدەست چەندین کێشە و گرفتەوە دەناڵێنێت. قایمقامی قەزای ناوەندیی دیوانییە دەڵێت، نەبوونی بودجەی پێویست بۆ پارێزگاکە وایکردووە دەیان پڕۆژەی گرنگی ژێرخان پەکیان بکەوێت. ئەندامێکی ئەنجوومەنی پارێزگاکەش باس لە کۆچی گەنجانی دیوانییە دەکات و بێکاری بە هۆکار دەزانێت

ئه‌مینداری گشتیی کەتائیبی سه‌یدولشوهه‌دا رەخنە لە هەڵسوڕێنەری باڵیۆزخانه‌ی ئه‌مریكا له‌ به‌غدا دەگرێ و به‌ گوشارخستنه‌ سه‌ر هێزه‌ سیاسییه‌كان بۆ تێنه‌په‌ڕاندنی یاسای حه‌شدی شه‌عبی له‌ په‌رله‌مان تۆمه‌تباری ده‌كات.

دەزگای روانگە بە هاوئاهەنگی رێکخراوی یونیسێف پڕۆژەی تواناسازیی نەوەی داهاتووی دەستپێکرد. سەرۆکی جێبەجێکاری دەزگاکە دەڵێت، راهێنانەکە لە دهۆک، شێخان و سێمێل دەبێت و 600 گەنج لێی سوودمەند دەبن.

ئەنجوومەنی وەزیرانی عێراق لە کۆبوونەوەی ئاسایی خۆیدا چەندین بڕیاری دەرکرد. یەکێک لەوانە پێکهێنانی لیژنەیەکی باڵا بوو تایبەت بە یەکلاییکردنەوەی پرسی نەوت و مووچەی مووچەخۆرانی هەرێمی کوردستان

ئەندامێكی دەستەی کارگێڕیی مەکتەبی سیاسیی پارتی دەڵێت، کۆبوونەوەی سەرۆکایەتییەکان، وەزیرەکان و لیژنەکانی عێراق، بۆ دواخستنی خەرجکردنی مووچەیە.

ئەندامێکی ئەنجوومەنی پارێزگای بەسرە دەڵێت، سوودانی لە سەردانەکەیدا بۆ پارێزگاکەیان، "بە گوژمەی 5 تریلیۆن دینار بەردی بناخەی چەند پڕۆژەیەکی گرنگی لە کەرتی ئاو داناوە." چالاکڤانێکی پارێزگاکەش سەردانەکەی سوودانی بە بانگەشەی هەڵبژاردن ناودەبات

بەڕێوەبەرایەتیی گشتیی هاتووچۆی عێراق بڕیاریدا بە قەدەخەکردنی هەر دەستکارییەک لە ئۆتۆمبێلەکان یان گۆڕینی شێوە و رەنگیان. راشیگەیاندووە، سەرپێچیکاران بە بڕی 100 هەزار دینار سزا دەدرێن و راپێچی دادگە دەکرێن.

هێرشە درۆنییەکانی سەر هەرێمی کوردستان، هەردوو حکومەتی عێراق و هەرێمی کوردستانی هێناوەتە سەر هێڵ. وەزارەتی ناوخۆی هەرێمی کوردستان تۆمەتی ئاژاوەگێڕی دەداتە پاڵ هەندێک گرووپی سەر بە حەشدی شەعبی و حکومەتی عێراقیش دەڵێت، تۆمەتبارکردنی دامەزراوەیەکی ئەمنیی فەرمیی عێراقی لەلایەن وەزارەتی ناوخۆی هەرێمی کوردستانەوە، کارێکە رەتکراوە و سەرکۆنەکراوە و بە هیچ بیانوویەک رێگەپێدراو نییە.

سەرۆکی هەرێمی کوردستان لە یادی عاشوورادا رایدەگەیێنێت، "بەهاکانی راستی و ئارامگری و قوربانیدان کە ئیمام حوسێن (سەلامی خوای لێبێت) بەرجەستەی کردوون و، ئەو مانا مرۆییە بەرزانەی ئەم بۆنەیە هەڵیگرتووە و ئەو وانە هەمیشەییانەی کە داوای دادپەروەری، لێبووردەیی و ئاشتی دەکەن، بەبیر دێنینەوە."

گوتەبێژی وەزارەتی سەرچاوەکانی ئاوی عێراق دەڵێت، 200 مەتر سێجا لە چرکەیەکدا لە ئاوی رووباری دیجلە بەردراوەتەوە و چاوەڕوانن لە رۆژانی ئاییندەدا بڕەکە زیاتر بێت

شانەی راگەیاندنی ئەمنیی عێراق ئەو هەواڵانە رەتدەکاتەوە کە باس لە جموجووڵی نائاسایی سوپای عێراق، حەشدی شەعبی و پێشمەرگە لە ناوچە سنوورییە هاوبەشەکانی نێوان هێزەکانی عێراق و هێزی پێشمەرگە دەکەن

بڕیاربوو 22 و 23ی مانگی رابردوو، کۆمەڵی دادگەریی کوردستان کۆنگرەی پێنجەم ببەستێت. ئەندامێکی ئەنجوومەنی باڵای ئەو حیزبە بە رووداوی راگەیاند، "لە نێوەڕاستی ئەم مانگەدا کۆنگرە دەبەسترێت."

شەپۆلێکی بەفربارین دوو پارێزگای باکووری کوردستان و سێ پارێزگای تورکیای گرتوەتەوە. کەشناسیی عێراق دەڵێت، ئەگەر شەپۆلەکە بەهێز بێت، کاریگەری لەسەر باشووری کوردستان دەبێت

بەگوێرەی نووسراوێکی بانکی ناوەندیی عێراق، لە کۆتایی ئەم ساڵەوە لە چوارچێوەی خزمەتگوزاری پارەدانی ئەلیکترۆنی، پڕۆژەی پێدانی کارتێکی بانکیی نێوخۆیی یەکگرتوو بە هاووڵاتییان دەستپێدەکرێت. بە گوتەی سەرۆکی دامەزراوەی پارەدانی ئەلیکترۆنیی عێراق، پڕۆژەکە هەرێمی کوردستانیش دەگرێتەوە.

درۆنێکی بۆمبڕێژکراو لە نزیک فڕۆکەخانەی نێودەوڵەتیی هەولێر خرایە خوارەوە. هاوکات شوێنێکی نزیک فڕۆکەخانەی کەرکووک بە درۆنێکی بۆمبڕێژکراو کرایە ئامانج.

نووسینگەی محەممەد شیاع سوودانی دەڵێ: "تێبینی ئەوە کراوە کە بەشێک لە لایەنە سیاسییەکان هەوڵی راکێشانی سەرنجی هاووڵاتیان و فریودانیان دەدەن بەوەی کە گوایە دامەزراندن لەنێو حکومەتدا دەکرێت."

عامر جابری، گوتەبێژی دەستەی کەشناسی و بوومەلەرزەزانیی عێراق بە تۆڕی میدیایی رووداوی راگەیاند: "خۆڵبارین لە رۆژانی داهاتوودا بەردەوام دەبێت، بەڵام چڕییەکەی لە پارێزگایەکەوە بۆ پارێزگایەکی دیکە جیاواز دەبێ و شەپۆلەکە لە خوارووی عێراق چڕتر دەبێت."

لە چەند رۆژی رابردوودا چەند ناوچەیەکی کەرکووک، دهۆک، سلێمانی و هەولێر بە درۆن و مووشەک کرانە ئامانج. لایەنی پەیوەندیدار تێکشکانی رادارەکان بە هۆکاری زوو ئاشکرا نەکردنی ئەنجامدەران دەزانێت. پەنجەی تۆمەت ئاراستەی گرووپە چەکدارەکان دەکرێت و بەشێکی ئەوانیش تۆمەتەکە رەتدەکەنەوە

بەڕێوەبەرى راگەیاندنى بەڕێوەبەرایەتیى گشتیی هاتووچۆى عێراق رایگەیاند، "لە 5 شەقامی سەرەکیی بەغدا کامێرای پێشکەوتوو و نوێی چاودێری دانراوە، کە تیژڕۆیی ئۆتۆمبێلەکان تۆمار دەکات." دەشڵێت، لە مانگەکانی داهاتوودا ئەو کامێرایانە لە سەرجەم رێگە سەرەکییەکانی بەغدا و تەواوی پارێزگاکانی دیکەش دادەنرێت

سەرۆکوەزیرانی عێراق دەڵێت: "ئێران بەو شێوەیەی کە وێنا دەکرێت، لاواز نییە. ئێران خاوەن حکومەتێکی رەگوڕیشە قووڵە و پاڵپشتیکاری زۆری هەیە".

پلەی گەرما لە بەسرە گەیشتە 51 پلە؛ ئەنجوومەنی پارێزگاکەش بڕیاری دا کاتی دەوامی فەرمانبەرانی فەرمانگە و دامەزراوە حكومییەكانی پارێزگاكە کەم بکاتەوە.

بوومەلەرزەیەک سۆرانی هەژاند؛ بەڕێوەبەرایەتیی کەشناسی و بوومەلەرزەزانی هەرێمی کوردستانیش دەڵێت، گوڕەکەی 4 پلە بووە.

بەشێک لە لایەنگرانی بەرەی تورکمانی، کە لە بەیانیی ئەمڕۆوە خۆپێشاندان دژی دانانی بەڕێوەبەرێکی کورد بۆ شارەوانیی پردێ دەکەن، لەسەر رێگەی سەرەکیی هەولێر - کەرکووک ئاگریان کردووەتەوە و بۆ ماوەیەک رێگەکەیان داخست. بەڕێوەبەری ناحیەی پردێش دەڵێت، تورکمانەکان داوای یەکێک لە سێ پۆستە گرنگەکەی پردێ لەنێوان پۆلیس، شارەوانی و بەڕێوەبەری ناحیە دەکەن.

لەکاتێکدا باس لە داواکاری بۆ دەستلەکارکێشانەوەی شەش دادوەری سەرەکی و سێ دادوەری یەدەگی دادگەی فیدراڵی هەبوو، سەرچاوەیەک لە دادگەکە بە رووداوی گوت، تەنیا زارەکی بووە و دەگەڕێنەوە سەر کارەکانیان.

گوتەبێژی دەستەی کەشناسی و بوومەلەرزەزانیی عێراق رایگەیاند، ئەمڕۆ و سبەی پلەکانی گەرما لە بەشێک لە پارێزگاکاندا دەگاتە 50 پلەی سیلیزی، بەتایبەتی پارێزگاکانی بەسرە، نەجەف، ناسرییە، میسان و دیوانییە.

رووداوێکی هاتووچۆدا لەسەر رێگەی سەرەکی نێوان دیوانییە - موسەننا، 8 قوربانی لێکەوتەوە.

گوتەبێژی ئەنجوومەنی راژەی فیدراڵی دەڵێت، یەکەمەکانی 2024-2025 و هەڵگرانی بڕوانامەی باڵا دادەمەزرێنرێن؛ بەشێکیان ئەوانەن کە خەڵکی ناوچەی مادەی 140ـن و لە هەرێمی کوردستان خوێندوویانە.

سەرۆکی لیژنەی کشتوکاڵ لە ئەنجوومەنی پارێزگای زیقار بە تۆڕی میدیایی رووداوی راگەیاند، "یەدەگی ئاوی ژێرزەوی لە پارێزگاکەمان بەشێوەیەکی بەرچاو کەمبووەتەوە و ئاوی ژێرزەوی تادێت زیاتر دادەبەزێت؛ ئەمەش کێشەیەکی گەورەیە بەرۆکی دانیشتووانی پارێزگاکەمانی گرتووە."

سبەی دوا وادەی تۆمارکردنی حیزبەکان و وەرگرتنی ناوی بەربژێرەکانە. کۆمیسیۆنی هەڵبژاردنەکان دەڵێت، تاوەکو ئێستا هیچکام لە حیزبەکانی هەرێمی کوردستان ناوی بەربژێر و سەرۆک لیستەکانیان پێشکێش نەکردووە

ئەنجوومەنی وەزیرانی هەرێمی کوردستان مووچەی فەرمانبەران و خانەنشینی و دەستەبەری كۆمەڵایەتیی كرێكاران، تاوتوێ دەکات.

بانکی رافیدەین پێدانی قەرزی بە دەرچووان و گەنجان راگەیاند و بانکی رەشیدیش قەرزی خانووبەرە دەدات

راوێژکاری کاروباری دارایی و ئابووریی سەرۆکوەزیرانی عێراق رایگەیاند، دابەزینی نرخی نەوت بووەتە هۆی کەمبوونەوەی داهاتی عێراق و دابەزینی یەدەگی دراوی بیانیی بانکی ناوەندیی عێراق. دەشڵێت، بانکی ناوەندی بەردەوامە لە سیاسەتی بەرگریکردن لە جێگیریی بەهای دینار

لە دوو رۆژی رابردوودا دەنگۆیەک بڵاوکرایەوە، گوایە بەهۆی ئاڵۆزیی ناوچەکە و جەنگی ئیسرائیل و ئێران، هەناردەکردنی نەوت لە رێگەی بەندەرەکانی بەسرەوە بۆ ماوەی 9 رۆژ راگیراوە. کۆمپانیای نەوتی بەسرەش رەتیدەکاتەوە

دەزگای ئاسایشی نیشتمانیی عێراق رایگەیاندووە، "لە سۆنگەی کاریگەرییەکانی قەیرانی نێودەوڵەتیی ئێستا و ئەو هەوڵانەی لە گۆڕەپانی عێراقدا دەبیندرێن بۆ چەواشەکردنی رای گشتی و خراپەکاری لە ئاشتیی کۆمەڵایەتیی کۆمەڵگەدا، دەزگاکەمان بەدواداچوون و چاودێریی ورد لەو بڵاوکراوانە دەکات، کە لە ماڵپەڕەکانی نێو تۆڕە کۆمەڵایەتییەکانەوە بڵاودەکرێنەوە."

راگەیاندنی حیزبوڵڵای لوبنانی کوژرانی یەکێک لە پاسەوانە تایبەتەکانی ئەمینداری پێشووی حیزبەکە، حەسەن نەسروڵڵا، لەگەڵ کەسایەتییەکی عێراقی لە کەتیبەکانی سەیدولشوهەدا، بەهۆی هێرشێکی ئیسرائیلەوە لەنێو خاکی ئێراندا راگەیاند.

کۆنسووڵی ئێران لە سلێمانی دەڵێت، "دەستدرێژییەکانی نەتەنیاهوو لە ئەنجامی بێهەڵوێستی کۆمەڵگەی نێودەوڵەتییە". لەبارەی هەڵوێستی هەرێمی کوردستانیش رایگەیاند، "خۆشبەختانە" هەر لە دەستپێکی شەڕەکە دا سیاسییەکان و بەرپرسانی هەرێمی کوردستان هەڵوێستی خۆیان راگەیاند.

وەزیرانی دەرەوەی فەرەنسا، ئەڵمانیا و بەریتانیا، لەگەڵ نوێنەری باڵای یەکێتیی ئەورووپا، رۆژی هەینی 20ی حوزەیرانی 2025 لە جنێڤ لەگەڵ وەزیری دەرەوەی ئێران کۆبوونەوە؛ لە بەیاننامەیەکی هاوبەشدا نیگەرانیی خۆیان لەبارەی دۆخی ناوچەکە و پرۆگرامی ئەتۆمیی ئێران راگەیاند

درۆنێک لە گوندێکی ناحیەی سێگردکانی قەزای تەقتەق کەوتە خوارەوە و بەشێک لە پووش و پاوانی گوندەکەی سووتاند

بەرپرسی ئەمنیی کەتائیبی حیزبوڵڵای عێراق لە پۆستێکیدا دەڵێت، ئەگەر ئەمریکا بچێتە نێو ئەم جەنگەوە، ئەوا دۆناڵد ترەمپ، "سەرجەم ئەو تریلیۆن دۆلارانە لەدەست دەدات، کە لە خەونەکانی بۆ دەستبەسەرداگرتنی لەم ناوچەیە دەیبینێت؛ پلان بۆ ئەو مەبەستە دانراوە."

راوێژکاری ئاسایشی نیشتمانیی عێراق لە راگەیێندراوێکدا، نیگه‌رانیی وڵاتەکەی لە ئەگەری بڵاوبوونەوەی مادە تیشکدەرەکان لە ناوچەکە دەرده‌بڕێت، جەنگی ئیسرائیل و ئێرانیش بە هه‌ڕه‌شه‌ بۆسه‌ر ژینگه‌ و ته‌ندروستیی جیهان پێناسە دەکات

وەزیری دەرەوەی ئێران رایگەیاند، بەیانیی ئەمڕۆ هێزە چەکدارەکانیان بە وردییەوە بارەگایەکی فەرماندەیی، کۆنترۆڵ و هەواڵگریی سەربازیی ئیسرائیل و ئامانجێکی دیکەیان لەنێوبردووە

نێردەی نەتەوە یەکگرتووەکان لە عێراق رایگەیاند، "نەتەوە یەکگرتووەکان چاودێری نێودەوڵەتیی بەتوانای دیاریکردووە بۆ چاودێریکردنی هەڵبژاردنی داهاتووی پەرلەمانی عێراق."

ئەمینداری گشتیی بزووتنەوەی عێراقی ئیسلامی لە راگەیێندراوێکیدا لەبارەی جەنگی ئێران و ئیسرائیل دەڵێت، "کۆماری ئیسلامیی ئێران قەرزێکی لە گەردنی موقاوەمەی عێراقە لە رووبەڕووبوونەوەی داگیرکاری و پڕۆژەکانی."

ئامارەکانی بانکی ناوەندیی عێراق دەریدەخەن، بڕی یەدەگی دراوی بیانی لە دوو ساڵدا لە 111 ملیار دۆلارەوە بۆ 96 ملیار دۆلار دابەزیوە. شارەزایەکی ئابووری و دارایی هۆکارەکەی بۆ کورتهێنان لە بودجە دەگەڕێنێتەوە

بەرپرسێکی حکومەتی ئازەربایجان دەڵێ، لە رۆژی هەینییەوە زیاتر لە 600 هاووڵاتیی بیانی لە ئێرانەوە چوونەتە نێو وڵاتەکەی.

بەگوێرەی زانیارییەکانی رووداو، دادگەی فیدراڵی لەم هەفتەیەدا هیچ دانیشتنێک بۆ بڕیاردان لەسەر داواکاری بۆ ناردنی مووچەی مووچەخۆرانی هەرێمی کوردستان ناکات و دانیشتنەکە دەکەوێتە سەرەتای هەفتەی داهاتوو

سەرۆکى رەوتى نیشتمانیى شیعەکان چەند داوایەکی لەبارەی گەڕاندنەوەی حاجییان و یارمەتی مرۆیی بۆ ئێران راگەیاند.

دوای بەدواداچوونی پەیامنێرمان دەرکەوت "ئاسەواری بڵێسەی ئاگر لە دوو شوێنی حاجی ئۆمەران بینراوە و تەنێک کە نازانرێت مووشەکە یان نا، لە دوو شوێن کەوتوونەتە خوارەوە، کە 4 بۆ 6 مەتر زەوی قووڵ کردووە."

ئەمینداری گشتیی رێکخراوی بەدر لە راگەیێندراوێکدا دەڵێت: "بەوپەڕی هۆشیاری و بەرپرسیارێتییەوە چاودێریی دەستدرێژییەکانی زایۆنی بۆ سەر گەلانی ناوچەکە و دوایین هێرشیشی بۆ سەر کۆماری ئیسلامی ئێران دەکەین."

.

بە گوێرەى ئامارێک کە لەلایەن کۆمیسیۆنی هەڵبژاردنەکانەوە بۆ تۆڕی میدیایی رووداو نێردراوە، لە رۆژی سێی حوزەیرانەوە تاوەکو ئەمڕۆ، لە عێراق و هەرێمى کوردستان 187 هەزار و 861 کەس داواکارییان پێشکێش بە کۆمیسیۆن کردووە، بۆ وەرگرتنیان وەک کارمەندى سەر سندووقى دەنگدان.

لە گەڕەکی رەحیماوای کەرکووک شەڕ لەنێوان سێ کەسدا روویدا و تەقەکرا. گوتەبێژی پۆلیسی پارێزگاکە دەڵێت، دووانیان بە گولـلە بریندارکراون.

بەگوێرەی رێسا ئاینییەکانی جەژنی قوربان، ئەمڕۆ کۆتا رۆژی قوربانیکردن بوو. بەڕێوەبەری سەربڕخانەی هەولێر دەڵێت، هەزار و 461 سەر ئاژەڵی گەورە و بچووک سەربڕدراون، کە هەمان ماوەی پار تەنیا 873 سەر بوو.

لە ئاکرێ پێکدادان لە نێوان دوو تاکسیدا روویدا. بەڕێوەبەری تەندروستیی ئاکرێ دەڵێت، حەوت کەس بریندارن.

روونکردنەوەیەکی دادگەی باڵای فیدراڵیی عێراق کە بۆ تۆڕی میدیایی رووداو نێردراوە، پووچەڵکردنەوەی بڕیاری دادگەکەیان لەبارەی بە نادەستووری دانانی بڕگەی تایبەت بە شێوازی خانەنشینکردنی بەڕێوەبەرە گشتییەکان لەلایەن دادگەی تێهەڵچوونەوە، بە ناڕەوا دەناسێنێت.

تیمێکی ئیتاڵی تایبەت بە چارەسەری نەخۆشییەکانی منداڵان گەیشتە دهۆک. رێکخراوی هیڤی کە جێبەجێکاری ئەم هەوڵەیە، دەڵێت: "وەک بەشێک لە پابەندی درێژخایەنی مرۆیمان بۆ رزگارکردن و پاراستنی ژیانی مندڵانی تووشبوو بە نەخۆشییە زگماکییەکانی دڵ، بەردەوامبوونی بەرنامەی نەشتەرگەری دڵی مندڵان رادەگەیەنین کە ئەمە بەرنامەیەکی گرنگە و لە ساڵی 2005ەوە بە پشتگیریی بێوێنەی نێچیرڤان بارزانی، سەرۆکی هەرێمی کوردستان بەڕێوەدەچێ."

ئەندامێکی لیژنەی دەستپاکیی پەرلەمانی عێراق دەڵێت، نرخی کارتی دەنگدان لە بەغدا گەیشتووەتە 500 هەزار دینار.کۆمیسیۆنی هەڵبژاردنەکانیش بوونی شتی لەو جۆرە رەت دەکاتەوە.

دوای ئەوەی دوێنێ شەممە بەشێک لە پزیشکانی نیشتەجێی خولاوی هەولێر بایکۆتی دەوامیان راگەیاند، بەڕێوەبەرایەتیی گشتی تەندروستیی هەولێر بە نووسراو مووچەبڕینی پزیشکەکانی راگەیاند و دەوامکردنی ئەو پزیشکانەی لە نەخۆشخانە تایبەتەکان قەدەخەکرد.