سەرۆکی هەرێمی کوردستان سەرەخۆشی لە بەڕێوەبەری پێشووی رۆشنبیریی دهۆک دەکات

 

ئەمڕۆ هەینی، 28-07-2023، نێچیرڤان بارزانی، سەرۆکی هەرێمی کوردستان بە تەلەفۆن لەگەڵ ئەیوب رەمەزان، بەڕێوەبەری پێشووی بەڕێوەبەرایەتیی رۆشنبیری و هونەری لە دهۆک قسەی کرد و سەرەخۆشی لێکرد بەهۆی کۆچی دوایی میرەڤانی کوڕی و " هاوسۆزى و هاوخه‌مى له‌گه‌ڵياندا ده‌ربڕى."

 

نێچیرڤان بارزانی سەرەخۆشیی قووڵی خۆی لە رێگەی ئەیوب رەمەزانەوە بە کەسوکارەکەیشی گەیاند و "هیوای خواست خوای گەورە ئارامى و دڵنه‌وايى به‌ دايک و باوک و خانه‌واده‌ و كه‌سوكاريان ببه‌خشێت."

 

لای خۆیەوە ئەیوب رەمەزان، "سوپاس و پێزانينى خۆيان و خانه‌واده به‌ڕێزه‌‌كه‌يانى بۆ په‌يوه‌ندى و هاوبه‌شيى به‌ڕێز سه‌رۆكى هه‌رێمى كوردستان له‌ پرسه‌كه‌ياندا ده‌ربڕى."