دەزگای خێرخوازیی بارزانی کارەبای 25 قوتابخانە دەکاتە وزەی خۆر

 

 

موسا ئەحمەد، سەرۆکی دەزگاکە ئەمڕۆ دووشەممە بە تۆڕی میدیایی رووداوی گوت: "ئەمڕۆ لە دهۆک دەست دەکرێت بە بنیاتنانی سیستمی سۆلار بۆ 10 قوتابخانەی سنوورەکە".

 

بەگوێرەی دەزگاکە، 10 قوتابخانەی دیکە لە سنووری هەولێر و پێنج قوتابخانەش لە سنووری هەڵەبجە کارەبایان دەکرێتە وزەی خۆر.

 

سەرۆکی دەزگای خێرخوازیی بارزانی گوتی: "پارەی پڕۆژەکە 90%ـی لەلایەن رێکخراوە بیانییەکانەوە دابیندەکرێت".

 

ساڵی رابردووش دەزگای خێرخوازیی بارزانی، کارەبای 10 قوتابخانەی دیکەی لە سنووری هەولێر کردە سیستمی سۆلار.