هەژماری من: 630 هەزار کەس بە ئەلیکترۆنی مووچەکانیان وەردەگرن

 

 

رۆژی دووشەممە، 29 کانوونی یەکەمی 2025، دابەشکردنی مووچەی مانگی تشرینی یەکەم بە شێوازی دیجیتاڵی لە رێگەی پڕۆژەی "هەژماری من" لە سەرجەم پارێزگاکانی هەرێمی کوردستان دەستپێدەکات و تاوەکو 31ی مانگ بەردەوام دەبێت.

 

بەپێی نوێترین داتاکانی پڕۆژەی هەژماری من بۆ رووداو، ژمارەی ئەو فەرمانبەر و مووچەخۆرانەی کە ئەم مانگە مووچەکانیان بە شێوازی دیجیتاڵی وەردەگرن گەیشتووەتە 630 هەزار کەس. ئەمەش لە کاتێکدایە کە کۆی تۆمارکراوان لە پڕۆژەکەدا زیاتر لە 900 هەزار کەسی تێپەڕاندووە و تاوەکو ئێستا 660 هەزار کارت دابەشکراون.

 

 

فەرمانبەرانی مەدەنی: 330 هەزار کەس.

هێزەکانی پێشمەرگە و ئاسایش: 197 هەزار کەس.

خانەنشینان: 88 هەزار کەس.

کەسوکاری سەربەرزی شەهیدان: 11 هەزار کەس.

 

 

هەولێر: 319,500 مووچەخۆر.

دهۆک: 164,300 مووچەخۆر.

سلێمانی: 144,000 مووچەخۆر.

 

ئەمڕۆ یەکشەممە، 28ـی کانوونی یەکەمی 2025، وەزارەتی دارایی و ئابووریی هەرێمی کوردستان رایگەیاند، پارەی پێویست بۆ مووچەی مانگی تشرینی یەکەمی مووچەخۆرانی خستووەتە سەر هەژماری بانکیی وەزارەت. هەروەها لیستی مووچەشیان بڵاوکردەوە کە لە رۆژانی 29، 30 و 31ی مانگ مووچەی سەرجەم فەرمانبەران دابەش دەکرێت.